البنت ..الاخت..الام

[هكونا]

الله خلقنا كلنا انس والجان=والله جعل للبنت نظره فريده
تحس فيها شي يجذبك فتان=حتى وهي في المهد طفله وليده
يكفي انها دايم قريبه للاحضان=من يوم تولد لين تصبح قعيده
ويكفي انها للحسن والطهر عنوان=من عهد مريم لين وقت القصيده
البنت زاد الروح والبنت بستان=نزرع به البذره ونرجى حصيده
من يحمي البستان من كل طمعان=لابد ما يثمر وتطلع وريده
البنت دره دايم الدوم تنصان=من يهمل الدره فقل شلت ايده
البنت امك يالذي فيك نقصان=والبنت امك يا ردي المكيده
والام تحت اقدامها باب لاجنان=ياللي تبي الفردوس ياللي تريده
والبنت بنتك كان للبنت حقران=والبنت عزك في الليالي الشديده
والبنت اختك يالذي دوم سهران=ما بين شات وشات تلمح لصيده
راجع لنفسك يالذي دوم تيهان=والدين تكفى لا تفكر تزيده
هذي نصيحه قالها قلب شفقان=للي غواه ابليس واحكم لقيده
واخر كلامي كان للطهر عنوان=اسجله للبنت باعلى الجريده

[فارسة حنين]

راااااااائع هكونا

نظمتها على بحر الاخلاق والشفافية

عنوان لان تصان الانثى و تحترم ...

من الاعماق

شكراً لك

[حب في حب]

صح لسانك ابو الهك

احلى بيتين شدوني

البنت امك يالذي فيـك نقصـانوالبنت امـك يـا ردي المكيـده

والام تحت اقدامها باب لاجنـانياللي تبي الفردوس ياللي تريـده

يعطيك العافيه

[(دمعة نجد)]

هانحن نصافح قصيدة من قصائدك

وما أجملها من مصافحة

من البيت الأول ...حتى نهايتها ...

وكل بيت يناديني ..إقرئيني

اذا إنتهيت من شطر ...يجذبك الأخر بروعته

ومع النصائح والحكم التي قرأتها في القصيدة كانت بإسلوب راقي جدا


أتمنى أن أرى المزيد
فأنا عطشى لحروفك

دمت بخير