قالت توشوش ؟ قلت طبعاً أوشوش

[الطيف المسافر]

السلام عليكم ورحمة الله وبركاته


هذي سالفة وحده اتصلت بالغلط...على بيت عجمي....قالت: السلام عليكم...ورد

عليها :وعلي(ش) السلام...هي اسمعت حرف الشين بدأ في اسلوبها الاستهزاء

والاهانه....وكتب العجمي هذه القصيده اتمنى ان تعجبكم

!!!
!!
!

قالت اتوشوش؟ قلت طبعأً أوشوش = تراش متّصله على بيت عجمان
قالت وش انتوا؟ قلت سيلن يطمّش = من يوقف بوجه السلاطين خسران
هذا كلامي واعتقد مايخصّش = ماغيّره لجلش ولاني بندمان
لاني بلا خالش ولاني ابعمّش = بيني وبينش فرق شتان شتان
أنا على سلمن ولاهو بسلمش = سلم الرجال مطوّعة كل خوّان
ماحقّرش والله ربي وربّش = والهرج فيه اللّي هزيلات وسمان
مهما ابتعدتي ماتعدّين أمّش = وانا دروبي ليل وبطون وديان
لو كنت ادوّر عن غرامي وافتّش = لقيت بين الناس ربعن وخلّأن
توّش على درب المواليف توّش = درب الهوى يابنت موجن وطوفان
بعض الدروب السالكه ماتسرّش = خلّيش عن جو العلاقه والاحزان
وبعض الغيوم الماطره ماتعلّش = وماكل غيمه تمطر الوبل هتّان
يابنت لهالحين ماني بخلّش = وضّحت لش بعض الحقايق ببرهان
وشلون في لحظه تبيني أحبّش؟ = والاتبين السالفه لعب بزران؟
طيعي كلامي واتركيني طلبتش = خلّيني اقضي باقي العمر فرحان
واللّي سواتي لازم انّه يطنّش = ضيّعت وقتي لين نور الفجر بان
روحي فمان الله ربي يحفظش = يالعنبو قلبن على الحب ينهان

منقول

[(دمعة نجد)]

لو كنت ادوّر عن غرامي وافتّـشلقيت بين الناس ربعـن وخـلّأن
توّش على درب المواليف تـوّشدرب الهوى يابنت موجن وطوفان


أتوقع إنه قصيدة للشاعر الذيب

شكرا لنقلك المتميز

[ريماس]

قصيده رائعه بروعه ناقلها ..

[حب في حب]

روووووووووووعه يعطيك العافيه على القصيده

دمت بود

[الطيف المسافر]

دمعة نجد ,,,, ريماس ,,,, حب في حب

شاكر مروركم العطر ونورتوا المتضفح

بطلتكم البهيه


دمعة نجد والله ما اعرف اذا القصيده لابن الذيب او لا ... لكني ما اعتقد انها لابن الذيب لأن قصايده معروفه

حاولت البحث عن شاعرها لكني مالقيته


كونوا بالقرب

[بو فهد]

أحب القصائد التي تجي رد على موقف معين حتى لو ما جازلي فكر الشاعر ...


امي عجمية بس ماقد سمعتها توشوش شكل تآثير القصمنه عليها قوي ! بكرا لاشفتها ابخليها توشوش


محمد