|
#1
11-27-2007, 01:30 AM
| ||||
| ||||
السلام عليكم ورحمه الله وبركاته .. كيفكم ياحلوين ..على هذي الصفحه راح ادردش وياكم بمواقف قديمه صارت من سـ 1 ـنه , سنتـ 2 ـين , خمـ 5 ـسه ,عشـ 10ـره .. الخ .. وعساها تنال اعجابكم .. ونبدأ بـ سالفة ( الــ غ ــش ) .. تــــــدرون .. من عرفت المدرسه الين ماأتخرجت ولا يوم رحت فيه امتحان وانا مخلصه الكتاب خصوصاً اذا الماده رياضيات والا انجليزي .. ماالاقي شي فيها اذاكره .. واكره ماده الكيمياء ماادري كيف يتحملونها الطلاب .. اذكر مره غشيت قصيده بثاني ثانوي .. زعلت صديقتي .. رحت اعترف للمعلمه علشان ترضى واذا تبون الصراحه كانت اول مره اغش ومدركه انه غلط ومكتوب على جبهتي جالسه تنقل الكلام من الكتاب .. ...... اممممممممممممممممممممم تتوقعون ايش صار ؟؟
__________________ عــقد لولو منثـــور جـمــ ع ـــته بكــاس مكسـور .. عُدلت بواسطة ريماس; 12-30-2007 الساعة 06:44 PM.  |
|
#5
11-27-2007, 05:15 PM
| ||||
| ||||
| اقتباس:
__________________  |
|
#6
11-27-2007, 07:35 PM
| ||||
| ||||
| أحلىىىىىىىىىىىىىىىىىىىى يا أمينه أنتي والله حركات تغشي وتعترفي هههههههههههههههههه والله انا عمري ما فكرت اعترف بعد الغش وعلى فكره حبحب لو الإختبار شفوي والله إللي جمبي تتكلم ولا إللي قدامي تفتحلي الكتاب  <<=< عالم خبرهرموووسه ما قولتيلنا أيش إللي سار بعد إعتراافك
__________________    صور تمهيديه لحد ما اسوي توقيع  |
|
#7
11-28-2007, 03:00 AM
| ||||
| ||||
| ايو فهد .. حبحب .. نايس قيرل .. اشكركم على المتابعه .. ونرجع لسالفه القصيده اللي غشيتها .. رحت انا وصديقتي في فسحه الصلاه للمدرسه وناديناها علشان تطلع من الغرفه بدت صديقتي الكلام وقالت يأبله ترى ريماس غشت اليوم بالاختبار وهي غلطانه وتبي تعتذر قلت انا ايه ي أبله انا اسفه وان شاء الله مارح تتكرر .. وبما اني طالبه حسنت السيره والسلوك ومعروف انه من طبعي الهدوء ودايم اشارك معها بالحصه سامحتني .. وقالت خلاص هذي اخر مره وبعيد لك الاختبار روحي جيبي ورقه وقلم .. وارجع الفصل وصديقتي متشققه من الوناسه بس انا ماني مستعده للاختبار وافكر وش اسوي . رجعت للمدرسه معاي قلم وورقه وقفت عند مكتبها وقالت يالله اكتبي القصيده اللي اختبرتو فيها .. انا صرت كذا >>>>> !!!! ماني حافظتها كتبت اسمي والفصل والتاريخ والماده وجلست واقفه والمدرسه تسولف مع المدرسات الباقين .. وانا اتسمع وافكر وش اسوي ؟ طلت فيني لقت الورقه فاضيه .. قالت طيب اكتبي القصيده الثانيه .. برضوا ماني حافظتها .. واجلس متسمره .. عطتني الثالثه .. ماعرفتها .. الرابعه ماعرفتها .. الخامسه .. ياهووووووووووو هذي القصيده من اول متوسط حافظتها ولا نسيتها .. الظاهر للمتنبي والله اعلم .. اتاك الربيع يختال ضاحكاً .. من الحسن حتى كاد ان يتكلما .. ولا خذيت ثواني الا وانا كاتبه القصيده فل اوبشن ولا حرف ناقص .. عطيتها الورقه وطيرااااااااااااااااان للفصل .. واعلم البنات .. يابنات عدت الاختبار وعطتني كل القصايد ولا عرفتها الا قصيده ( اتاك الربيع ) وصارت ثوره في الفصل ليه تعيد لي الاختبار .. خذت العلامه كامله 7 من 7 ونهايه الشهر 15 واسترجعت صديقتي .. بس تدرون .. هذي المدرسه كانت على نياتها تشرح والبنات يسولفون ماعندهم فيها ونهايه السنه اكثر من نص الدفعه راسبين في النحو والصرف والادب .. وتوته توته خلصت الحتوته .. بس مره وانا بصف خامس خذت مدرست العلوم الدفاتر تصلحها وبعدين رجعتها لانه فيه واجب لازم نحله كم دفتر من ضمنها دفتري مارجعت لسا عندها .. اليوم الثاني بالحصه قبل يبتدي الدرس خذت الدفتر منها وصلحت كم دفتر .. وقامت تفتش على الواجب طبعا انا ماحليت الواجب توني ماخذه الدفتر منها .. تتوقعون وش صار ؟؟
__________________ عــقد لولو منثـــور جـمــ ع ـــته بكــاس مكسـور .. عُدلت بواسطة ريماس; 12-30-2007 الساعة 11:06 PM. |
|
#11
12-01-2007, 01:49 AM
| ||||
| ||||
| ابو فهد .. تقدر تقول عليه تشويق .. ونكمل سالفه حصت العلوم وابله ابتسام .. دارت المعلمه على البنات تفتش على الواجب وقالت اللي ماحل يوقف .. انا مثل ماقلتلكم ان الدفتر توني ماخذته منها .. وقفت ومعي بنتين .. ودار الحوار الاتي .. ابتسام .. ليه ماحليتي الواجب ؟ انا .. ابله توني ماخذه الدفتر من عندك اليوم .. ابتسام .. انا رجعت الدفاتر امس .. والبنات حلو اشمعنى انتي دفترك مش معهم .. ( الظاهر نست اني خذته منها لما دخلنا المختبر ) انا .. ( استغربت ردت فعلها ).. وقلت والله توني ماخذته منك الحين .. ابتسام .. ( ماكانت مصدقتني وعصبت ) قالت لما اكلمك تنزلين عيونك الارض .. انا .. ليه ؟ ابتسام .. وتراددين نزلي عونك الارض واطلعي برى .. طلعت من الحصه وبيني وبين نفسي اقول الحمد لله والشكر وش دخل عيوني انزلها هذي خبله .. دق الجرس .. خذت الكتاب والدفتر وتركت مكانت المدرسه بالمختبر ورجعت مع البنات الفصل .. وبعد فتره عرفت وش كانت تقصد .. بس تدرون .. وانا بالثانويه كنا نختبر الفصل الاول بالمدرسه والفصل الثاني بمدرسه ابتدائيه لانه مدرستنا تصير مقر للتوجيه مانقدر نختبر فيها .. المهم بصف ثاني ثانوي .. نقلنا لمدرسه ابعد من مدرستنا بشارعين ..يعني مسافه 10 دقايق بالسياره اذكر وقتها كان فيه مباره للمنتخب السعودي والبنات متازمين ومتوقعين الخساره بنسبه 70% وماعندهم سوالف الا على هالمباره وايش بيصير فيها .. وكانت الصدمه ان النتيجه هزيمه ساحقه جداً جداً تصدرها المنتخب بجداره فاقت التصورات .. بعد ماأختبرنا الجفرافيا اجتمعت الشله في الساحه وكل وحده عبرت عن قهرها من الهزيمه وهات ياسب وشتم وطلعو البيت .. ورحت انا واختي علشان نركب الباص مالقيناه قلت اكيد متاخر كالعاده .. انتظرت انتظرت ماحد جاء والمدرسه تقريبا فضت رحت الاداره وقلت اتصلو على امي تاخذني لان الباص ماجاء وعطيتهم رقم البيت بس كان غلط .. كلما يدقون على البيت يلقونه مشغول .. صارت الساعه 12 ونص .. وطفشت .. تدرون وش سويت ؟؟
__________________ عــقد لولو منثـــور جـمــ ع ـــته بكــاس مكسـور .. عُدلت بواسطة ريماس; 12-30-2007 الساعة 11:11 PM. |
|
#12
12-01-2007, 12:58 PM
| ||||
| ||||
| ككككككككككككككككككككك وش دخل نزلي عيونك بالموضوع .. ابله ابتسام أسد عليها وبالحروب نعامة هاه ياللي ماتخافين ربس ؟ بس دقيقة توقف مخي هنا اقتباس:
-- اقتباس:
 ووش سويتي ؟
__________________  XX +3: 07:48 AM. 05-10-2008 عُدلت بواسطة بو فهد; 12-14-2007 الساعة 01:59 AM. |
|
#13
12-14-2007, 01:20 AM
| ||||
| ||||
مكانت المدرسه .. يعني التقدير اللي حملته لها المحبه الي زرعته في قلبي لحصتها خذتها مني وحطتها باقرب زباله اما وش دخل عيوني .. فهذي سالفه ثانيه.. عادة اذا شخص غلط بشي وأحد واجهه بلتأنيب او عاتبه على الخطااللي سواه يكون منزل عينه وساكت .. يعني مثل ماتاخذ تهزيئه محترمه ومالك وجه تطالع اللي قدامك .. اختنا في الله الموقره .. بنظرها شايفه اني اكذب عليها عيني عينك واستهبل وفوق ذا اراددها فعصبت .. يعني المفروض اني مااتكلم ولا اطالعها واسوي فيها خجلانه من التهزي .. امحوووووق اجل لو درت اني اقول وش ذا الخبل ولا اعرف انزل عيني وش كان سوت عزالله اللي جاتها جلطه
__________________ عــقد لولو منثـــور جـمــ ع ـــته بكــاس مكسـور .. عُدلت بواسطة ريماس; 12-30-2007 الساعة 11:31 PM. |
|
#14
12-14-2007, 01:36 AM
| ||||
| ||||
| أبو فهد .. والله ولا طرى على بالي البكاء ..  المهم خذت اغراضي وقلت لأختي الحقيني قالت: وين ؟ قلت: بنروح البيت قالت : من بيودينا؟ قلت : مشي يالله ... وسيده على الشارع لما طلعت قالت أنها ماتدل البيت .. قلت : مافي مشكله أنا حافظه الطريق .. الأخت تخاف نظيع لاننا سكان جدد على المنطقه .. طبعا جلست تتحج علشان ننتظر بالمدرسه بس ماعطيتها فرصه مشينا الشارع الاول اول ماوصلنا الاشاره لقيتها حمراء لفيت من خلف السيارات وقطعت الشارع والثاني .. وكملت مشي شوي إلا اختي تقول تعبت خذت شنطتها وقلت لها امشي دلع بنات .. طبعا امي لما شافتنا تاخرنا راحت المدرسه مع خالي ومالقو حد رجعو البيت .. واحنا مازلنا نمشي باتجاه البيت .. وصلنا الدوار ومن الدوار دخلنا على الحي اللي ساكنين فيه هناك اختي شافت سيارت خالي كان بيرجع للمدرسه مره ثانيه واشرت لي عليها .. والصراحه انا اذا غطيت عيوني مااشوف فقلت لها : اتركيه خلاص احنا قربنا للبيت وكملنا مشي .. اما خالي ظن انه غلطان بالتشبيه ورجع البيت .. بعد 5 دقايق كنا بالبيت ودخلنا على الصاله .. السلام عليكم وعليكم السلام !! من وين جايين ؟ من المدرسه .. رحنا لها مالقينا احد !! مالقينا الباص ورجعنا مشي . طيب ليه مااتصلتو ؟ اتصلنا بس كان مشغول وهنا اتضح لنا انه الرقم كان غلط .. وانتو يالخبلان ماتخافون حد يخطفكم والا يذبحكم شوفو وجيهكم كيف صايره حمراء من الشمس ؟ ومن اللي بيخطفنا جدتي ؟ اصلاً ماشفنا حد وبعدين هذا حنا قدامك .. اختي بدت تعبر عن اعتراضه على رجعتنا لين خلت راس امي مرق وبعدها رحنا نغير المريول علشان الغداء .. وش رايكم تصرف سليم ام خاطى ؟؟ وعدى اليوم على خير .. انتظروا سالفة البلوتوث .. تحياتي للجميع ..ريماس
__________________ عــقد لولو منثـــور جـمــ ع ـــته بكــاس مكسـور .. عُدلت بواسطة ريماس; 01-05-2008 الساعة 04:37 AM. |
 |
| الإشارات المرجعية |
| الوسوم |
| البلوتوث, الغش, تدرون وش صار, قصص |
« اللي فاضي يجي يسولف علينا
|
- »
| أدوات الموضوع | |
| طريقة العرض | |
النمط المتتابع
| |
| اشتراك في قروب الديوانية |