|
#61
08-30-2008, 08:18 AM
| ||||
| ||||
| المقلب الاول .. قمت الصباح الساعه 9 مروقه مدري من وين طالع المزاج كل ابسويه اني اضحك وبس , المهم لقيت امي العزيزه في الصاله قالت بيزورونا الجيران روحي سويلي فطاير وقهوه وصحي اختك , قلت طيب .. قومت اختي ماقامت الظاهر اني خذت النشاط كله وخليتها قلت يالله خليها تنام مافي شي يستدعي تقوم .. خلصت المطبخ وجلست فاضيه ماعندي شي والتلفزيون ماعجبني سالت امي اذا وحده جايبه معها بنت او ولد يلعب معي مافي حد .. قلت والله مالي الا ارجع على اختي .. صحيتها وقلت لها ابوي تحت بالمجلس يقول قومي انزلي عنده علشان يبغاك تطبعين اوراق كفاله مدري فواتير يالله تراه مستعجل .. ورجعت الصاله وانا ميته ضحك عليها صدقتني وقامت , دخل اخوي وانا اضحك قال انتي مسخنه قلت لا بس السالفه كذا وكذا قال ياشين مزحك قلت اصبر لين تولع الحريقه ..  طلعت اختي من الغرفه ونزلت لحقتها اول ماوصلت نهايه الدرج قلت تعالي ترى مافيه احد بس انا ابغاك تقومين تسليني طفشت لحالي وهربت .. لحقتني مابقى سبه مابقى دعوه الا وقالتها وفوق ذا كله رمتني باقرب جزمه عندها .. والصراحه انبسطت بس كسرت خاطري .. 
__________________ عــقد لولو منثـــور جـمــ ع ـــته بكــاس مكسـور ..  |
|
#62
08-30-2008, 08:40 AM
| |||
| |||
| ككككككككككككككككككككككككككككككككككككككك انصحك تغيرين اسمك لراعية التغريز امي اشغلتها اقولها ورا ماتعلمين السواقة بيسمحون فيها قريب ( تقول لا إن شاء الله الله لايقوله ) ... انا ابعلم زوجتي إن شاء الله * تدرين للحين براسي ابي اتعلم اسوق الوايت --- الحمدلله على سلامتهم ... الحديد بداله حديد --- اجل قومتيها من النوم ... العن شي لا جاء واحد وحط بإذني ورقه ولا خشمي .. لارحت لإخواني احط بيدي ماء شوي وارشه على وجيهم والله ياهم يلعنون .. مايقومون بس حق الحرش مازلت متابع
__________________  XX +3: 07:48 AM. 05-10-2008 |
|
#63
08-30-2008, 09:04 AM
| ||||
| ||||
| اقتباس:
__________________ عــقد لولو منثـــور جـمــ ع ـــته بكــاس مكسـور .. |
|
#64
08-30-2008, 09:25 AM
| ||||
| ||||
| المقلب الثاني .. من نصيب سلمان وياكثر ماالعب عليه المسكين .. برضووو يوم كنت مروقه فيه توني داخله الصاله قالت امي روحي سبحي سلمان مليان تراب من اللعب على طول بكى وجلس يصيح ماابغاها تسبحني  هو يكره السبحه وطاح في يدي صارت كارثه بالنسبه له وانا مااداني اللي يعاندني , جلست اداريه امش امش ماسمع الكلام امي تقول يابنتي بشويش على الولد قلت دلعتيه وخربتيه اطلعي منها بس ..قمت سحبته لين وصلته الحمام قلت يالله اسبح مارضى قلت والله لارشك بالمويه اسبح وبديت شغل النرفزه والسماجه عليه , هو يصيح وانا اضحك وعلى هذا الموال ربع ساعه .. اخر شي رشيته بالماء البارد وخليته يسبح ويلبس ويمشط شعره ويرقد من البكاء .. مجرمه صح .. نزلت مره ثانيه لقيت عمي قال من اللي فوق بحمامكم قلت انا اسبح سلمان ليه ؟ قال بس حسبتها هوشه بغيت افزع قلت لا ابشرك خلصنا ..
__________________ عــقد لولو منثـــور جـمــ ع ـــته بكــاس مكسـور .. |
|
#65
08-30-2008, 09:51 AM
| ||||
| ||||
| ومره ثانيه نرجع ل سلمان .. اول سنه يدرس وخبركم بحجج البزران علشان الغياب بطني يعورني راسي مصخن مدري وشوو .. المهم حبيبنا البطل ماله نيه يروح المدرسه ومن سوء حظه انا اللي قمت لهم الصباح , اول شي كان يتحجج انه مريض قلت بتروح يعني بتروح قام ولبس بدله رياضه قلت له روح افسخ البدله واسبح وبعدين البسها وجلس نص ساعه وانا انتظره الكل راح المدرسه الا هو قلت بسرعه الجرس بيدق قال ابفطر جوعان قلت تامر امر ارتاح طبعا مااكل شي بس كذا يماطل بالوقت لما خلص راح يلبس الجواتي قلت روح غير الشراب اول غيرها ونزل مسحوب على وجهه الساعه 7 طلع ورجع بعد 10 دقايق قال باب المدرسه مسكر ومافيه احد يفتح الباب قلت الا الحارس فيه ارجع قال ماشفت حد قلت طيب دقيت على محمد قلت انت وين قال في البوفيه اشرب شاهي قلت تعال بكاسك علشان سلمان مالقى حد يفتحله باب المدرسه .. شفتو كيف الطلاب المجتهدين اتعلمو من سلمان درووس ..  ***** مره رجع من المدرسه معاه اشعار بانه ضعيف بالقراءه ولا يتقن المهارات .. طبعا مايعرف ايش مكتوب بالورقه طلعها لامي وقرتها قالت يقولون انك جايب ممتاز اخذت الورقه منه وقلت له ياسلمان عندكم رحله بكره ولازم تدفع 15 ريال بيودونكم الحكير روح لابوي خله يوقع عليها الصراحه كان مصدقني وقام بينزل لما شاف الباقين يضحكون شك في الموضوع وخرب المقلب قالت مي تراها تكذب عليك كاتبين لك اشعار ..
__________________ عــقد لولو منثـــور جـمــ ع ـــته بكــاس مكسـور .. |
|
#66
09-01-2008, 02:16 AM
| ||||
| ||||
| المقلب الثالث .. هيله .. ** تحب شغلات الفنيه والتغليفات وكانت مسجله بدوره تهتم بالشغلات هذي وتنتظرهم متى يبدون .. وتكره احد يقومها الصباح .. مره كنا جالسين على الفطور قلت لامي فطور محترم حرام يفوتها بروح اقومها , قالت اختي ارتاحي مابتقوم لوتطيرين  .. معليه انتي بس سدي اذنك اذا شفتيها ( لانها قرقر واجد كثير ) رحت لهيله وقلت لها ياأنسه قومي قومي انتي مسجله في شي معهد والا دراسه والا مركز شرطه قالت ايه دورة حرف فنيه , قلت اجل هم اللي على التلفون يسالون عنك قومي كلميهم , وسبقتها انا علشان ارفع السماعه وجلست على السفره وقلت استعدووو للعاصفه , طلعت هيله من الغرفه قلت لا تغسلين وجهت بتسكر التلفون , قالت ادري انك كذابه , قلت شوفي السماعه مرفوعه , غسلت وجات تكلم مالقت فيه احد , قلت تعيشين وتاكلين غيرها يمدحون الصباح .. وهي ماقصرت واجد قرقر ..
__________________ عــقد لولو منثـــور جـمــ ع ـــته بكــاس مكسـور .. |
|
#67
09-02-2008, 08:45 PM
| ||||
| ||||
| و الله ريماس مقالبك حلوة بس يبغالها درس خصوصي من محترف "" و بكل تواضع أنا "" أصلاً يومي ما بيحلي إذا ما سويتلي مقلب مقلبين .. و المفضلة اللي تخص الحيوانات المتوفية اللي أحطها بنص الطريق .. مرة كنت رح انقتل بسببها  .. و مرات أبقى تحت الاختفاء أيام بسببها .. |
|
#68
09-03-2008, 05:45 AM
| ||||
| ||||
| اقتباس:
__________________ عــقد لولو منثـــور جـمــ ع ـــته بكــاس مكسـور .. |
|
#69
09-03-2008, 06:50 AM
| |||
| |||
|
__________________ XX +3: 07:48 AM. 05-10-2008 |
|
#71
09-07-2008, 02:22 AM
| ||||
| ||||
| طفش .. ايام حادث عمي كنا مانطلع ولا نروح ولانجي , فصارت النفسيه شينه والاخلاق تجاريه على الاخر المهم دخلت الغرفه عند رشا لقيت الهام على الكمبيوتر قلت انسخي سعوديات في بريطانيا من الجزء 28وارسليها قبل اخلص اللي عندي وجلست اقر الاجزاء الاولى على الجوال اول مااندمجت بالقصه بدات معركه حاميه الوطيس بين رشا وابراهيم على ويش ماادري حذفته بنعال حذفها بكريم شعر وانتثر على الفراش وهرب وهي جلست تسب وتلعن باعلى صوتها لانها ماتقدر تلحقه وهي بعكاز , انا ادورلها عوجه كيف لاجات مستويه قمت لحقته وانا ناويه احط حرتي فيه , مالقيته بالبيت طلعت له بالشارع , وخليته يجيب مويه وصابون وفرشه وملعقه وينظف الفراش , رجعت رشا تتامر عليه نظف هنا وامسح هنا قلب عليها وطردتها برى وجلست انظف الفراش علشان اطلع باقي الحره في الفرك انتظروني مع المسبح ..
__________________ عــقد لولو منثـــور جـمــ ع ـــته بكــاس مكسـور .. |
|
#74
11-21-2008, 03:35 AM
| ||||
| ||||
| ماعاد لي خاطر اكمل هذا الموضوع لذلك اختمه احسن ماتركه كذا .. سالفة المسبح كانت بالعطله الصيفيه طلعنا المزرعه فحبو البنات يسون فيني مقلب فرموني بالمسبح وبما اني مااعرف اسبح نزلت وماعرفت اطلع نفسي .. ومن بعدها اذا جيت انزل بنقصون كمية الماء .. ******* مره وانا اتمشى اتصلت على حبحب وقتها كانت حاطه صدى اغنيه دويتو يارا مع فضل شاكر .. رن وماردت فارسلت لها رساله ( ادري انك نايمه وشخيرك واصل ...... بس الجو حلو والاغنيه عجبتني ابسمعها ) وكررت الرنه يمكن 10 او 11 .. ******** ختامها مسك .. مع زحلطن على قولت القصبي .. طالعه الدوام ومستعجله لاني تاخرت على السواق , وقتها كنا نسوي تعديلات في البيت من والى فالدنيا مكركبه عند المدخل خشب صبغ تراب اسمنت و ..و.. و.. الخ المهم تفاجات بواحد من الشباب كان بيطلع , بما أني مسرعه مافي مجال اربط بريك فرجع هو اول مالف طرااااااااااااااااااااااااخ وزحلطن زحلطه بنت كلب ... زلقت وحاولت اتمسك بالبراده فطيحتها معاي , جلست اضحك ونفضت عباتي وطلعت للسياره وارسلت لامي رساله قلت لها طحت عند الباب شكلك داعيه علي اليوم بعد ماوصلت الدوام دق ولد عمي يقول سلامات قلت الله يسلمك على ايش قال الطيحه .. اثر الدلخ يوم طحت جلس متصنم مثل الجدار وبعدها راح يعلم علي .. صدق دلاخه .. ولكم مني اجمل ورده 
__________________ عــقد لولو منثـــور جـمــ ع ـــته بكــاس مكسـور .. |
 |
| الإشارات المرجعية |
| الوسوم |
| البلوتوث, الغش, تدرون وش صار, قصص |
« اللي فاضي يجي يسولف علينا
|
- »
| أدوات الموضوع | |
| طريقة العرض | |
النمط المتتابع
| |
| اشتراك في قروب الديوانية |