":" على ذكر المواجع والسفر والحل والترحال ":"

[الطيف المسافر]

السلام عليكم ورحمة الله وبركاته

الله يسعد ايامكم بكل خير ... ويبارك لكم بشهر رمضان الكريم

هذي قصيده اعجبتني ولا ادري من كاتبها لكن الشاهد انها اعجبتني

على ذكر المواجع والسفر والحل والترحال = طويت آخر ورق عندي في دفتر أحزاني"
طويته وأنكسر قلبي وصوتي بالمواجع سال = ودريت إن الظلام اللي تحت كف السهر جاني"
جلست أجمع مسافاتي وأغني للسفر موال = على صفحه من الماضي بها حلمي وعنواني"
بها كم سافرت عيني ليالي والظلام أهوال = وبها كم سافرت روحي وأنا بالليل وحداني"
حبيبي ليلة البارح مشيت من الغرام أميال = وأناظر رحلة الذكرى هدب عينه يغطيني"
حبيبي كل ما أشوفك تجي بالذاكره تختال = نهر من فايض الذكرى يجي من داخل أشجاني"
تخيل يوم عانقني خيالك خاطري وش قال = تخيل قبل أسولف لك نشدني عنك وجداني"
نشدني لين خلاني مدينه هزها زلزال = تخيل ماهدى حتى لقاك بوسط شرياني"
أروح لسدرة الموعد معاي لموعدك مرسال = وأخاف إنك تجي قبلي وترحل قبل تلقاني"
هنا كانت ليالينا الغلا والمقبلات آمال = وهنا كانت مواعيدك مطر تخضر به أغصاني"
هنا كانت نواظرنا سوالف في كلام أطفال = وهنا كانت عصافيرك على دربي تحراني"
هنا شف باقي آثارك على رمل الوعد مازال = وهنا شف دمعة طاحت من عيونك على شاني"
حبيبي لا تنشدني عن أوضاعي وكيف الحال = أنا بعدك سحاب أبيض أضم الريح بأحضاني"
غلاك بدلة الذكرى بهار وهاجسي فنجال = تقهواه الجروج اللي بها ذكراك تنصاني"
تسافر بي وأحسب إني وصلت آخر وطن بالبال = وأثرني ماوصلت إلا بداية درب حرماني"
وتبقى سيرة الذكرى قصيده تكتب الترحال = سوالف للعيون اللي صداها دمعة أحزاني"