مستشفى تقرت...قصيدة للشاعر بالمصطفى الجموعي

[بالمصطفى جموعي]

الشاعر بالمصطفى (Belmostefa) جموعي
مهداة لكل مسؤولي وعمال وعملات المستشفى
( المؤسسة العمومية الاستشفائية بتقرت)

مستشفى تقرت تفخر=طلَعو ليك الشان رجال
من اكبر مسؤول لا صغر=رفعوها قيمة لهلال‏
المدير نشهد ما قصر=قدم ويقدم مازال
أفعالو وحدها تهدر=وحدها تثبت لقوال
حتى نوابه تقدَر=ناس رفعتها لفعال
والتحية لمولى المئزر=إداره ديمه في البال‏
إسعاف وصيانة تحضر=أمن ونظافة وأشغال‏
من غيرهم الصحة تخسر=وهم ليها راس المال
يا مريض احمد وشكر=لينا بعد الله افضال‏
فضل المستشفى لا تنكر=علاج وحسن استقبال
عيون عمالو ليك تسهر=على جالك دارو المحال
اشحال من مكسور تجبر=وشحال داوينا اشحال‏
والمحموم عرقو يقطر=متالم زايد اسهال
مولى الضغط زيد السكر=حتى اللي دو لهبال
نصفَو اللي دمو تعكر=ينهض سار كي الغزال
ملدوغ ومطعون بخنجر=والمجروح وجرحو سال
والحامل وربي يستر=دنا تخفف لحمال
والمولود كيما يخزر=تلاقيه القابلة بالفال‏
نربو صغير بوه تنكر=وأمو لقى منها إهمال
ذا وجبنا و بيه نفخر=خدامه و خبزتنا حلال‏
يا مريض خمم فكر=وحسبها بركه تخيال‏
بلا مستشفى كيف تصبر=لمراض همومها ثقال‏
يا مريض حس و قدر=لا تسمع قول الجهال‏
صحتك أمانة وتذكر=علينا واجب بيه تسال‏
والتقصير ربي يغفر=صبحانو ليه الكمال
والصلاه على من بشر=تحي نفس تعيش أجيال‏
ألف صلاه عليه وأكثر=قد ما ذر ريح رمال
وقد سحاب مر ومطر=فوق تراب وفوق جبال
وقد انوار الشمس تنور=قد نجوم ودهور طوال
وعداد من شهد وكبر=صلى وصام وزكى مال
وعداد كل من حج وعمر=تمام لركان ليه سهال
ونختم ا شعاري مستغفر=ليا ولجميع العمال

بالمصطفى (Belmostefa) جموعي***زوروا موقعي على الانترنت (تقرت شعر هادف)

[ياسمين26]

شكراااااااااااااااااااااااااا

[الطيف المسافر]

الله يعطيك العافيه اخوي بالمصط

على وطنيتك ومشاعرك النبيله

لاهنت