|
#1
06-18-2008, 01:47 AM
| ||||
| ||||
الكاتب : think pink المصدر: حبيبها اللبناني للحين ما بدأت اقرائها انتظرها تخلص --------------------------------------------------------------- 1 هذي قصه احداثها صايره قدام عيني قصه غريبه وعجيبه فيها كل ماتحتاج القصص له من مؤثرات عاطفيه ومواقف حب....... الى اخره. هذه القصه صارت من 4 سنوات ومازالت مستمره قريبا سيحتف اصحابها بالذكرى الرابعه لحبهم ابدأ قصتي بتعريفكم على ابطالها: البنت نوره الشاب جواد ومن اسمه واضح مو محتاج اوضح "لبناني" قبل لا ابدأ احب اعرفكم على خلفية نوره البيئيه بنت عاديه عايشه على هامش المجتمع خلصت دراستها الثانويه وجلست بالبيت ماكان عندها طموح ولا هدف عايشه كل يوم بيومه حاطه ببالها ان كل شي ماله فايده وشوله تتعب نفسها وهي بالنهايه بتتزوج واحد يدفن كل احلامها وطموحاتها شاغله نفسها بجمالها ولبسها واناقتها وماكانت عارفه القدر وش مخبي لها نوره حنونه وقلبها طيب بس مالقت من يمد لها يده ويفهمها ان الحياة فيها شي اكبر من انها تجلس بالبيت تشوف تلفزيون او تقرا روايه او مجله او من يدلها على طريق يفتح لها ابواب الطموح في يوم من الايام قررت تطلع لاحد المراكز التجاريه وماكانت عارفه ان القدر مخبي لها شي بيقلب حياتها الى الابد "مخبي لها حب حياتها " 2 نوره ماهي راعية تكليم تلعب توسع صدرها مع صديقاتها بس حب وعلاقه لا يمكن ماتثق بأحد... كان لها بنت عمه اسمها مشاعل تحب اللعب والمشاغبه والونس وخبره في شرايح السوى تفتح عيون الاعمى تبدل مع كل شريحه ورقم حبيب كانت دايم تقول لنوره جربي ماراح تخسرين وناسه وضحك سحبيه وخذي منه اللي تبين واذا مليتي منه غيري الرقم نوره ماتحب الشباب تحس مهما قالت لها بنت عمتها كذابه وبالنهايه هي اللي بتطلع مضحوك عليها ليه تحط نفسها في موقف تندم عليه طول عمرها ليه تحط نفسها بين ايدين واحد يطلع مريض نفسي وتتوهق معه ومارضخت لزن بنت عمتها ابد في اليوم اللي راحت فيه للسوق كان معها مشاعل نوره تلبس عبايه جدا عاديه غير ملفته ولا تدل على ان اللي لابستها فيها من الحلا شي بعكس بنت عمتها اللي تتفنن في عمرها علشان لو لقت واحد مريش وحلو ماتفوته عليها كان يوم اربعاء ووقت غدا السوق فاضي وكل اللي فيه موظفين جايين يتغدون ويرجعون مكاتبهم وطبعا اكثرهم مو سعوديين قالت نوره لمشاعل خلينا نجلس مع الناس فوق السوق فاضي ويخوف اذا خلصوا من صلاة العصر نروح نتسوق مثل ماتبين شافت مشاعل واحد حلو طويل ولابس بدله واخر شياكه مشاعل : نوره شوفي ذا الأطخم نوره : عسى ذا السوري حتى ذا ماخليتيه مشاعل : مهوب طخت سوري ذا اكيد انه يالبناني يا امريكي يازينه نوره : وش ناويه مشاعل : بطيحه واضحك عليه يومين وش حليلهم ذولي ترى مايخوفون نوره : والله ماعلي منك انا بروح محل الأغاني متى ماخلصتي تعالي لي راحت نوره وخلت مشاعل بعالمها الخاص وهي تحاول ترمي شباكه حتى على الوافدين مرت ربع ساعه وجت مشاعل عند نوره وهي تضحك : نوره طيحته شوفيه جاي وراي نوره : يالله لك الحمد مالت عليك انت واياه جايه عندي وش تبين مشاعل : وش فيك وراك زعلانه خلينا نبسط نوره : ناقصين فضايح جايبته في ذا المحل عشان يشوفونا خلق الله مشاعل : بسم الله عليك ترى المحل فاضي مافيه الا حنا الساعه 2 الظهر من بيشتري اغاني ذا الوقت ودخل صيد مشاعل الجديد بس مو لحاله جايب معه صديقه صديقه مختلف تماما عنه عادي الطول مربع الجسم وعيونه خضراء وفي وجه مسحة طفوله غريبه نوره لاهيه عن الجميع وقاعده تسمع اغنيه قديمه ل Celine Dion “it’s all coming back” الرومانسيه ذابحتها بس مأجلتها ولاغيتها من حياتها وهي في عالمه الا ذا اللي يقول مرحبا صبايا مالتفتت قالت ايه مايكلمني , اكيد وش يبيبي مشاعل : ردي عليه يكلمك نوره : مابيه وش اقول مايأس الأخ : مرحبا صبايا , شو هالزوأ الحلو بعد ألحاح من مشاعل ,نوره : هلا ... وانحاشت نوره وراحت علشان تحاسب على شريطها مادرت الا اللي جاي عند الله وخلقه يقول : أنا بدي حاسب عن الصبايا نوره انجت وبتهج عن ذا المهبل وتقول في نفسها وين احنا فيه ياعم وين تحسب نفسك نوره : مشاعل خلينا نطلع اكيد بيصير شي ويبلغ علينا راعي المحل الهيئه مشاعل : اصبري دامه بيحاسب خليني اجيب لي كم شريط وسيدي الأخ اللبناني : خدي هالشريط كتير حلو وفيه شي بدك تحبيه ويغمز لنوره بعينه طبعا مشاعل ماصدقت خبر خذت الشريط منه والى هم على صوت راعي المحل انت وش دخلك فيهم وليش تكلمهم هم يصيرون لك تقربهم؟؟؟ والأخ متنح ويبتسم ولاهمه : ياعمي شوبيك عصبت عادي ميوزك حلو بدي الصبايا يسمعوه !!! ولو شو صار يعني راعي المحل : وش صار لا أبد سلامتك تغازل بنات خلق الله عيني عينك , ورفع سماعة المحل يتصل شكله على الهيئه .. هجوا البنات من المحل وراحوا تخبوا في مطاعم العائلات ومشاعل تضحك ولا همها ونوره بتنجن من برودها نوره : يالله قولي لي وش استفدتي الحين روعتينا وطيحتي قلوبنا الحين لو جت الهيئة ولقطتنا معهم وش بنستفيد مشاعل : الا استفدت شوفي , وتوريها الشريط اللي عطاهم اياه وفيه جواته كرت عليه رقمه 3 نوره : ياحظك تكفين تحسبينه ماقد شاف بنات وبيخق عليك شبعان من طلع من بطن امه وهو يخبرهم مشاعل : بكيفي بجرب مع كل الرجاجيل لو انشالله هندي وش بخسر الا بيصير عندي خبره نوره : كش عليك مالة عليك من خبره كملوا نوره ومشاعل يومهم بالسوق ولفلفوا وتسوقوا لحد الساعه 5 العصر ويوم جوا يطلعون شافوا صيد مشاعل وصديقه عند الباب ولا استأدبوا خصوصاً صديق صيد مشاعل يرفع يده و يسلم من بعيد مشاعل : ياحليلهم والله لو انهم احد ربوعنا والله ان يلحقونا لين بيتنا ويقعدون عند الباب لين يدرون كل الجيران عنهم نوره : يصير خير بس مشاعل كملت السهره عند نوره وكل شوي تقول لها خلينا نروح غرفتك ودها تباشر العمليات وتستفتح بهالصيد الجديد مشاعل : متى بتنام امك؟؟ نوره : منتيب رايحه بيتكم ؟؟؟ سوي اللي تبين فيذاك مشاعل : ودي انت تكلمينه اخاف يطلع لي صديقه انا ابي ذاك الطويل نوره : الحمدالله يعني ذا اللي عايقك اسألي من انت فيهم واذا ماطلع قولي الله لا يهينك ابي خويك مشاعل : لا تبيني اطلع من دون ذوق؟ نوره : الله واكبر يعني انا اطلع من دون ذوق معليش؟ مشاعل : كلمي انت وقولي صديقتي معجبه فيك وودها تكلمك هو بيسألك انت اي وحده فيهم وانت جري الكلام وإذا طلع هو عطيني اياه نوره : الله من البثاره , يصير خير مشاعل : بكلم امي بقولها لا تمرني بنام عندكم نوره : اللي تبين نوره ومشاعل بدوا مغامرتهم الجديده بس للأسف تأخروا شوي مشاعل كالعادة ادلت بدلوها : منحب داقين عليه بنرسل له مسج وهو اكيد بيرجع يدق مانبي نطلع مخافيق نوره : طيب وش بترسلين ؟؟؟ مشاعل نرسل شي بالإنجليزي علشان يقول مثقفات نوره : عاد كنك تفهمين ذا المسج مشاعل : مايخالف انت تعرفين ترجمي لي وارسلوا مسج من رقم مشاعل الخاص لمثل هذه المهمات وانتظروا وانتظروا وانتظروا ومااحد عبرهم مشاعل : توقعين الرقم غلط؟ نوره : يمكن نايم مشاعل : وش ينام الساعه 2 تونا نوره : شفتي وجهه وشلون منور تلاقينه يرقد العشا موب مثلنا مانرقد الا اذا طلعت الشمس مشاعل : ادق عليه؟ نوره : بكيفك بس ماتخفين على برستيجك؟؟؟!!! مشاعل : الله يقطع بليسك , طيب وش نسوي ندور احد ثاني؟ نوره : بروح اشوف وش شريت واقيس وانت سوي اللي تبين جا اليوم الثاني الساعه 3 العصر طبت مشاعل على نوره وهي نايمه : قومي شوفي , وهي رازه الجوال بوجهها توريها مسدكول ومسج من الصيد الجديد نوره : بسم الله وش فيك روعتيني مشاعل : قومي كلميه نوره : من اكلم ؟؟؟ مشاعل : مدري اقري المسج ماعرفت وش هو كاتب نوره : هذا اللي يتميلح وخذت نوره الجوال وقرت المسج “ nice one I wonder how’s this sweet one who send such a message like that , I wish if I could know” مشاعل : وش يقول؟ نوره : يقول حلو المسج ودي اعرف من ذا اللي مرسله مشاعل : يالله كلميه نوره : اصبري خليني اصحصح صوتي باين توني قايمه من النوم مشاعل : احلى والله ييصير سكسي نوره : روقينا هاه ودقت نوره على الرقم وجابت السماعه وتقاطوا فيها ورد مرحبا نوره : هلا : هلا والله شو هالمسج الحلو من الصبح وانا ع مبطلع فيه وبفكر مين هاللي تزكرني امبارح بالليل؟؟ نوره : عجبك المسج؟؟ : كتتيييير كتير مزوأ نوره : كلك ذوق ومشاعل قاعده تأشر لها سكري خليه يتصل الحين يخلص رصيدي ونوره محتاسه وش اقول له , والحمدلله جا الفرج من عنده : فيني دأ لك بعد شي ربع ساعه ؟ نوره : طبعا : اوكي باي نوره : باي 4 مشاعل : اسمعي عطيه وجه بس تصدقين احسه موب اللي ابيه شكله ذاك اللي معه نوره : اللي جا يحاسب لنا ؟ مشاعل : ايه حاسه نوره : طيب اتصل الأخ بعد ربع ساعه مثل ماقال وتقاطوا البنتين بالسماعه : مرحبا نوره : هلا : بعتزر منك بس بعدني بالدوام وكان فيه شغله بدي خلصها لأتفرغ لك نوره : اوكي خذ راحتك لو مشغول نتكلم بوقت ثاني : لا شو مشغول خلاص خلص الدوام يوم الخميس مابيطول الشغل نوره : يعطيك العافيه : الله يعافيكي يارب , فيني أعرف من معي؟ نوره : نوره وطقتها مشاعل انه ليه تقولين اسمك : عاشت الأسامي يانوره نوره : عاشت أيامك , وانت ممكن اعرف اسمك؟ : ولو أكيد معك جواد نوره : تشرفنا جواد : لا شو تشرفنا ما تشرفنا انا إلي الشرف أحكي معك نوره : انت عرفت انا مين؟ جواد : انت اللي امبارح بالمول مش هيك؟ نوره : ايه جواد : انت الطويله اللي كانت عم تسمع ل Celine Dion نوره : ايه انا شكلك مركز مظبوط جواد : اكيد بدي ركز امبارح عملوا لي جرصه بالمول أخدوني عند مدير الأمن اللي بالمول بس ربك سترها وعدت ع خير نوره : الحمدالله ماجابوا الهيئه جواد : عادي ولا يهمك انا بس خفت عليكون منيح اللي هربتوا نوره : انا بصراحه خفت تجي الهيئه ونتورط جواد : يالله مو مهم اهم شي تعرفت عليكي ومشاعل طرطعت اسأليه انت اي واحد نوره : كنت باسألك جواد : تفضلي نوره : أنت أي واحد اللي لابس بدله سودا ولا الرمادي؟؟؟؟ جواد : انت شو بديك؟ حست نوره بالفشيله وودها لو انها ماطاعت مشاعل الخبله من الاول نوره : بصراحه انا اللي كانت معي امس تبي تكلم اللي كان لابس بدله سودا وهي مستحيه تخاف مايطلع هذا رقمه فحبيت اساعدها اتمنى انك ماتفهمني غلط جواد : لا اكيد شو افهمك غلط اذا بدك رأمه بعطيك اياه لتحكيه نوره ضاق صدرها حست انها كسرت خاطره نوره : مو لي الرقم للي معي جواد : ياللي بيريحكون وعطاها الرقم ويوم جا يسكر : طيب فينا احنا نحكي مع بعض ولا لا ؟؟ بصراحه انا بدي احكي معك لو ماكان عندك مانع توهقت نوره وش تقوله والصراحه الله اقوى عجبها وش تسوي تعطيه رقمها بس ماودها تخاف بس ذكرت كلام مشاعل ترى مامنهم خوف وتوكلت على الله وعطته رقمها مشت السالفه وتكونت خيوط القصه وتعقدت أكثر واكثر نوره تعرفت على جواد بطريقه مختلفه عن كل المرات اللي كلمت فيها من قبل تعرفت عليه بشكل جدي وتكلموا في مواضيع كثيره ماقد تناقشت فيها مع احد من قبل امور ثقافيه وسياسيه ودينيه واجتماعيه عمرها ما تخيلت انها ممكن تتكلم مع واحد عنها لان كل اللي كانت تسمع من البنات طول ما كانوا يكلمون اخوياهم سخافات في سخافات بس جواد مختلف كلمها على اساس انها إنسان قبل ما تكون مجرد أنثى... اما مشاعل فخاوت ماهر اللي على قولتها كنه عارض أزياء ماهر وجواد تعرفوا على بعض بالرياض وكلهم يشتغلون في مجال الاعلانات بعد أسبوع مشاعل : ماش ذا الماهر ماعرفت له نوره : اكيد متعوده على التماسيح مشاعل : والله انك صادقه , مغير يسألني وش هواياتك وش تحبين ميوزك موب اغاني ميوزك وش تحبين تقرين وينام مبكر بعد , مدري احس اني منب حابته نوره : والا ناويه تحبينه؟؟ مشاعل : ليش لا نلاقي احد يدللنا ويقول لنا كلام حلو ونعافه , المهم بس وانت وش اخبارك انت جواد , اكيد فيه زود ماعمرك سويتيها من قبل مع احد!! نوره : والله حليل ماعليه وانا بصراحه ماقد كلمت احد بجديه زي كذا مشاعل : بكره تملين منه اعرفك نوره : تحسبيني ميته عليه كل الموضوع تجربه جيديده وحبيت اجربها ولو بغيت تركته من الحين مشاعل : الله ياالثقه وش قلت عاد انا عشان تعصبين بكيفك وش دخلني انا تبين تكلمينه تبين تتركينه انت حره فعلا ليه اخذت الأمور بهالحساسيه صارت نوره تسأل نفسها ليه حست انها مهدده كل اللي بينها وبينه اسبوع ساعه كل يوم واستغربت انها ماقالت لمشاعل انها اتفقت معاه تصحيه الصباح كل يوم وانه يكلمها قبل لا ينام كنها مستحيه من نفسها !!! جلست نوره في سريرها الساعه 11 ونص بالليل علشان تكلم جواد قبل لا ينام وهي مستغربه من التزامها فيه وكل ماخافت طمنت نفسها تراه اسبوع ولو بغيت قلت له ماعاد يكلمني... وهي بهواجيسها دق جوالها وابتسمت وهي تطالع الرقم جواد : Hi نوره : Hi جواد : كيفوا الحلو نوره : تمام جواد : كيف كان يومك انشالله كان ع زوأك؟؟؟ نوره : الحمدالله , كيف كان يومك؟ جواد : والله كتر خير الله بس كتير الشغل ورجعت البيت خلصان بدي نام نوره : طيب اخليك تنام !!! جواد : لا شو تخليني انا ما صدأت ارجع البيت لأحكيكي , بدي ألك شي مهم نوره : اتفضل جواد : انت مرتبطه شي؟؟ نوره : لا جواد : ولا فيه حدى بحياتك؟ نوره : كمان لا جواد : بصراحه انا ارتحتلك وبدي علاأتنا تتطور نوره : تطور كيف؟؟ جواد : بدي نصير أراب لبعض أكثر بدي اياكي تصيري حدي دايما بدي احكيكي بصراحه بدي خبرك اشيا كتير عني نوره سكتت وحست ان الرجال يبي يحب واذا صار وحبها اكيد هي بتحبه وبعدين !! وش بتقوله الحين جواد : نوره اسف ازا دايأتك بس حسيت انه لازم احكيكي بصراحه ازا علاأتنا بدها تتطور فيه اشيا كتير عني لازم تعرفيها نوره : بصراحه مدري وش اقولك انا بعد ارتحت لك وكل كلامك صحيح بس خايفه اذا تطورت علاقتنا يصير مشاكل شكلك انت ماتعرف المجتمع هنا كويس انا محكومه بأشياء مستحيل اتجاوزها جواد : انا ماطلبت منك شي كل اللي بدي اياه اني اتأكد ازا بدك ياني وحاسه فيني متل مابحس تجاهك ولا لا نوره : اصلا كل المده اللي نعرف بعضنا فيها ماتجاوزت اسبوع مو بدري على هالكلام؟؟ جواد : يمكن بدري بس بحب كل شي يكون واضح ومابدي يجي يوم وحس حالي فارض نفسي عليكي نوره تأثرت كثير بكلامه وحست انه ودها تكمل معه وتكلمه بصراحه بس الخوف آه يالخوف !! جلست نوره بسريرها تفكر ياربي وش فيني الحين انا وراني شايله هم ورى مااستانس واوسع صدري ومتى مامليت قلت توكل ياربي حبيته ولا وش السالفه!! وجلست تقرا مسجاته كان يرسل لها مسج الصباح اول مايوصل الدوام وواحد ثاني بس يخلص شغل واحلى واحد I still think of you your voice and laugh make me think of the beautiful birds in the must charming morning in Lebanon راحت تتصل على مشاعل تشوف يمكن تلاقي عندها أخبار ولا علوم جديده مشاعل : هلا والله ببنيت خالي هلا والله بالحبيبه نوره : ماشاالله مستانسه الله يزيدك مشاعل : ورى مااستانس الله لا يجيب الهم انشالله نوره : آمين مشاعل : وش أخبار المزيون؟؟ نوره : الحمدلله تذكرين شكله؟ مشاعل : نسيتيه ؟ نوره : من الروعه اكيد بنساه مشاعل : ودك تشوفينه نوره : مدري واصلا حتى لو وشلون مشاعل : اسمعي ماهر مزعجني يقول بشوفك تعالي عندنا انت وصديقتك يقصدك وبيخلي جواد يجي بعد وش رايك؟؟؟ نوره : من صدقك الرجال ماقالي اروح انا اقوله وبعدين وين بتروحين له فيه؟ مشاعل : ماهر ساكن مع اهله وهم بيروحون للبنان وشقتهم بتصير فاضيه وش قلتي ؟؟ نوره : لا يا اختي انا اخاف اول مره نشوفهم نروح بيوتهم خير نشوفهم بمكان عام احسن مشاعل : يافلحك علشان تجي الهيئه وتضفنا نوره : لا منيب روحي لحالك مشاعل : قلة الخاتمه اخاف اروح لحالي نوره : خلاص موب لازم تروحين مشاعل : الا خلينا نروح تكفين ترى موب مسوين لنا شي نص ساعه وحنا راجعين نوره : ومن بيودينا يا طويلت العمر مشاعل : ماعليك بس انت قولي طيب وانا ادبرها 5 جلست نوره تفكر في روحتهم بيصير هذا اول موعد غرامي حقيقي يصير لها واشتغلت الهواجيس ياربي والله اني خايفه ماودي بعدين تقول وش بخاف منه بياكلوني كل البنات يروحون ويختختون اشمعنى انا وش بيصير لي يعني جا بكره كانت حاطه المنبه على 8 علشان تصحي جواد جواد : صباح الخير ياحلوه نوره : صباح النور خلاص صحيت جواد : والله مالي ألب كل يوم أطش لك نومك لتصحيني بس صوتك ع الصبح بيحلي لي يومي استحت نوره من ذا الكلام الزين والله ان تواصل كل يوم بس عشان تسمع ذا الكلام جواد : بدي ألك شي نوره : هلا جواد : دخلك مشاعل وماهر بدون يلتأوا شو رأيك نعمل متلون درت نوره ان ذي حركات مشاعل على شان ماتخليها تهون نوره : والله مدري ماقالت لي جواد : في عندك مانع شوفك صراحه مو آدر بدي ركب صوره على الصوت بدي شوف هالمخلوأه اللي عم تحكيني نوره : خلاص ولا يهمك بشوف مشاعل ايش راح تسوي واقولك جواد : مرسي حبيبي نوره : العفو دقت نوره على مشاعل وصحتها من النوم وش انت مسويه مشاعل : وشو ؟ نوره : رحتي خليتي ماهر يقول لجواد انك بتشوفينه علشان ينشب بحلقي وسكتت البنت نوره : الو وين رحتي ؟؟ مشاعل : ماقلت شي هو قالي وش صار على موضوعنا قلت له بجي انا ونوره نوره : والله على كيفك انا كنت بفتح معه الموضوع واصلا وش دراك يمكن بهون مشاعل : خلاص اذا ماتبين بكيفك الملعونه داريه ان نوره مهيب مهونه وانها ودها تشوفه مشاعل : الو نوره خليني انام واذا صحيت تفاهمنا نوره : انشالله ماتقومين نوره ماتدري ليه معصبه اذا هي ماتبي تقول ماابي وخلاص ترى مهوب غصب بس شكل هالمره غير 20 يوم غيرت فيها الكثير صارت نوره تستعد للروحه وش بتلبس وش بتسوي شعرها والذي منه وخلت الأمور التكتيكيه على مشاعل الخبيره , وهي جالسه تتفرج الا اللي دخلت عليها نوره : خير ماتطقين الباب ولا شي مشاعل : عادي وشو امون نوره : وش جابك؟؟ مشاعل : بنام عندكم نوره : ماتستحين كل يوم ماعندكم بيت مشاعل : افاااا هذا وانا جايبه لك العلوم الزينه نوره : وش عندك مايجي من وراك الا الغثى مشاعل : المهم بس ترى حددت الموعد وهذاني بقولك قبل لا اقول لماهر علشان ماتسوين فيها وتزعلين تفاجات نوره فرحت وخافت مع بعض خلاص فات اوان التهوين نوره : متى بنروح ؟ مشاعل : يوم الجمعه العصر نوره : ليش العصر؟ مشاعل : بعد تشرطين؟ نوره : لا بس ليه مو بالليل ولا المغرب مشاعل : وش اسوي هذا اللي لقيته نوره : وشلون بنروح ؟؟؟؟؟ مشاعل : تعرفين ندى بنت جيرانا , قلت لها وبما اني قد فزعت معها كذا مره غصب عليها توافق نوره : طيب من بيودينا مشاعل : فيه سواق استأجرته يودينا ويستنانا , نروح كن حنا مسيرين على ندى ونيجي السواق ياخذنا من هناك كلها ساعه ويرجعنا عندها واذا جا العشاء رجعنا بيتنا وش رايك فيني؟؟؟ نوره : والله الخطط طلعتي منتيب هينه مشاعل : المهم تراك انت بتستشورين شعري جلست نوره تكلم جواد المكالمه الليليه المعتاده جواد : مش مسدأ اني بدي شوفك يوم الجمعه نوره : تصدق حتى انا جواد : انت شفتيني انا اللي شو بدي أول نوره : صراحه مااتذكر شكلك اتذكر ان عيونك خضر جواد : انا عيوني مش خضر نوره : والله انا شفتها خضر جواد : ازا بدك اياهن خضر بخليهن خضر لعيونك نوره : تسلم لي والله جواد : تعرفي اني كل يوم عم بتخيلك بشكل بلش اتزكر ايديكي ياأبروني شو حلوين وعيونك شو فيهن حكي كتير نوره : انت ولا مره سألتني عن شكلي جواد : مابدي خليني عيش بأحلامي نوره : انا من زمان بسألك انت ولا مره حبيت جواد : أمبلا وكان فيه شي بدي خبرك اياه بس مش عارف كيف!!! نوره : قل كل اللي بخاطرك جواد : بصراحه انا كنت متزوج!!!!!!!!!!!!! نوره : نعم ..ومتى كنت ناوي تقول لي جواد : ماتزعلي خليني برر لك موأفي نوره : وشو تبرر موقفك صار لنا حدود الشهر متى كنت بتقولي ولا بتضمن نفسك علشان مااتركك بعدين تقول لي جواد : بليز نوره افهميني انا ماافتخر بحياتي السابأه كلها غلط بغلط واستخفاف غلطت كتير وخلاص مابدي حدا يحكم علي من اخطائي السابأه انا جيت ع الرياض هربان من حياتي اللي هونيك مابدي شي بأه يزكرني بخطأي سكتت نوره ماتدري تزعل وتسكر الخط وتروح ولا تسمع وش عنده شكله متأثر مره ونبرته صادقه نوره : طيب سؤال انت كم عمرك متى امداك تتزوج فجأه قعد يضحك : طيب لو بألك انو عندي بنت شو بتعملي نوره : ايش انت تكذب علي شكلك صغير كم عمرك جواد : 25 سنه نوره : متى تزوجت؟ جواد تجوزت وانا بعدني بالجامعه كانت رفيأتي حبينا بعض وتجوزت وانا عمري 20 سنه عشنا مع بعض سنه وتركنا بس للأسف صار عندي منها بنت نوره : كم صار لك مطلق؟ جواد : شي 4 سنين نوره : وبنتك كم عمرها ؟ جواد : 3 سنين نوره : هي بلبنان؟ جواد : لا عايشه مع اما بكندا نوره : طيب كيف تشوفها؟ جواد : ماشفته من سنتين نوره : ليه؟ جواد : اما بدا تنتأم مني أخدتا لعند اهلا بكندا عشان ماشوفا , بليز نوره اعزريني ماكنت عارف كيف بدي خبرك كنت خايف من ردت فعلك. 6 نامت نوره ذيك الليله وهي تفكر بجواد شكله يكذب عليها وش ذا القصه كنها فلم في وحده تترك زوجها عشان امها قالت لها , ياربي يخربط علي ولا صادق هي ماودها تقوله انه كذاب بس ماش قلبها ماطوعها , يمكن ليه لا يمكن هي شخصيتها ضعيفه مثل ماقال , اساسا انا وش دخلني انا بعرس عليه بكيفه تبرر لنفسها عشان يجي يوم الجمعة وهي مستانسه الباقي الله يدبره صحت نوره يوم الجمعه مبكره على غير العاده وتحممت واستعدت ولبست وارتزت تحتري اخوها يوديها بيت عمتها وطول ماهي بالسياره تهوجس لو يدري اخوها وين هو بيوديها كان نزلها ودعسها بالسياره وصلت ورقت لغرفة مشاعل لقت البنت مشتقه المكياج واللبس مشاعل : افصخي عبايتك وريني وش لابسه......والله حلو مسويه انيقه لبست نوره شي انيق بنطلون اسود وبدي ناعم ماحبت تطلع بشكل مبتذل او متكلف ومكياج ناعم وهي اصلا حلوه وبينها وبين نفسها واثقه من جمالها نوره : وانت وش بتلبسين ؟ مشاعل : البرمودا البضيا مع البدي الفوشي ....بس وش رايك اخاف يسمرني نوره : احسن اصلا هم يحبون السمار مشاعل : والله اخاف امي تقول وش عندكم كاشخين بالعاده اروح لها ببجامتي نوره : اكيد بتشك فيك على ذا المكياج بتقول رايحين زواج مشاعل : تبيني اروح شيفه نوره : لا ماقلت كذا بس خففي شوي مشاعل : ماعلينا بس يالله سوي شعري ........................................ ....... مشاعل : يالله لا نصيف على البنت نوره : يالله من الصبح وانا مخلصه راحوا عند بنت الجيران ندى ومادخلوا بالبيت علشان ماتقول امها وين راحوا ودقايق الا جا السواق ركبوا معاه وقعدت مشاعل توصف له نوره : مشاعل بقولك شي مشاعل : هاه وشو نوره : جواد طلع مطلق وعنده بنت مشاعل : احلفي يقطع بليسه مابين عليه متاه معرس وعمره 16 حشى جيزاني مو لبناني نوره : مدري يقول عمره 25 والله احسبه توه صغير مشاعل : احسن لك على الاقل اكبر من ذا البزر حقي عمره 22 طلع ذاك الطول كله على فشوش نوره : بس ماش ضاق صدري ليه ماقالي من اول مشاعل : الله واكبر عاد انتي مره حساسه وشو انت بتتزوجينه بالطقاق نوره : ولو مااحب اصير مخدوعه مشاعل : اقول روقينا تحسبين الناس كلهم انتي كل شي مصداقيه انت بعد كذبي اذا قالك كم عمرك قولي 20 لا تقولين 23 واذا قالك مكمله دراستك قولي ايه متخرجه وشوله تعلمينه بكل شي نوره : يااختي مااحب اكذب طبعي وش اسوي مشاعل : اقول خلينا نكمل بعدين اخاف الاخ يضيع وصلوا عند العماره اللي فيها شقت اهل ماهر عماره كبيره جدا ورى مجمع الموسى نوره : انت متأكده ان هذا بيتهم مشاعل : ايه تبين اخليه يطل علشان تتأكدين نوره : بس يااختي كبيره والله ان نضيع فيها مشاعل : امشي وراي وماعليك , اسمع محمد خلك هنا لا تروح انا ساعه ويجي , يالله امشي دخلوا العماره وراحوا عند الاصنصير ودخلوا اول مادخلوا الاصنصير فكت مشاعل طرحتها نوره : اصبري لين ندخل مشاعل : اقول تبين شعري يخرب , وبعدين من فيه كلهم سواريا ولبنانيين مهنا مشفح نوره : اخاف احد يعرفك؟؟ مشاعل : محد من ربعنا يجي فيذا وصلوا للشقه ووقفوا عند الباب مشاعل : دقي على خويك شكله اسنع من ذا اللي عندي اسأليه هم فيه ولا لا نوره : والله يوم وصلنا مشاعل : يااختي دقي ياحبك للبثاره دقت نوره على جواد وقالها : ايه هيدي هي الشأه ماهر هونيك نوره : وانت وينك؟؟؟ جواد : انا هلأ جاي سكرت نوره من جواد وهي تقول يلعن ام البرود توه ماجا يقول دقوا على ماهر وهو يفتح لكم نوره : دقي عليه يالله لا يطلع احد من الجيران ويقول وش موقفهم هنا مشاعل : ماعندي رصيد كلميه انت نوره : ماابي يعرف رقمي مشاعل : لو بغى يعرفه بيعلمه جواد اخلصي بس علينا وشكل جواد صار اسنع منهم واتصل على ماهر وفتح لهم الباب دخلت مشاعل ولا همها كنه بيت ابوها ودخلت وراها نوره وهي تتفحص البيت بعينها كنه من بيوت المسلسلات السوريه ماهر : تفضلوا شوبكن ناطرين على الباب ليه مادأيتوا الجرس مشاعل : ماحبينا نزعجك ماهر : ولو احلى ازعاج ودخل جوى شكله راح يجيب شي مشاعل : افصخي عبايتك وشوله اجل كاشخه ولا بسه خليه يشوف كشختك لا يحسبنا قراوى مانعرف نلبس نوره : انا مقهوره من ذا اللي ماجا جا ماهر وهو طايره بوهته موب مصدق اثاريه دخل من الصدمه ماتوقع ان تحت العبايات بيشوف ذا الزين كله ماهر : اتفضلوا لشوا واأفين جلست مشاعل كنها راعيت البيت وجلس جنبها ماهر وحست نوره ان مالها دعي معهم حقدت عليه حقد مو طبيعي وذا الوقح خوي مشاعل يطالع فيها من فوق راس البنت يتفحص كنها جنس غريب اتصلت على جواد وهي مقهوره : ترى بروح جواد : لا دخيلك هيني تحت طالع طولي بالك شوي ويرن الجرس ويقوم ذا النخله يفتح الباب ويجي مسرع كنه ماقد شاف خير وشوي يدخل الاخ جواد ونوره تطالعه بحقد وعيونها تقول كان ماجيت ازين دخل وقف بعيد يطالعها مو مصدق دخل وجلس قدامها على ركبه ومسك يدها وباسها وهو ماسك يدها وعيونه شاخصه فيها : كنت عارف انك حلوه بس مش هالأد نوره : لا تكلمني انا زعلانه عليك ليه مااستنيتني ؟؟؟ جواد : ياألبي طب شو بعمل لو شو ماألت لك مالي عزر!!! لفت نوره وجهها يعني زعلانه ولقت ماهر ومشاعل يطالعون فيهم مشاعل تغمز لها يعني فكيها !! جواد : بعتزر منك بس مش مسدأ شوفتي لنوره , ومد يده يسلم على مشاعل سلمت عليه مشاعل بموقه ودلع ونوره تقول في نفسها اوف منها ذا البنت تبي تكوش على كلش جواد : بعد ازنك مان بدي أأوعد انا نوره بالصالون التاني!!! ومسك يدها وقومها من مكانها وراحوا الصالون الثاني دخلوا مجلسهم الثاني وراح بعيد شوي علشان يشوفها كلها من راسها للرجليها وعلى وجهه علامات الفتنه نوره استحت وجلست جا وجلس جنبها ومسك يدها بيدينه الثنتين وعيونه بعيونها البنت الله اقوى خقت وش ذا ماقد حست ذ الشعور الحرمان شي ياولد جواد : تعرفي لو شو ماألت مافي شي ممكن يوصف جمالك بدي دأ الخشب بخاف عليكي من عيوني والله نوره : قل ماشاالله , وهي تضحك بدلع جواد : اسم الله عليك نوره : انا زعلانه منك ليه ماقعدت تستناني تفشلت من ماهر جواد : ليه حكى شي؟؟ نوره : لا بس حسيت مالي داعي هو جالس مع مشاعل وانا قاعده بينهم جواد : ولا يهمك يحصلون ؟؟؟؟ جواد مفتون برجول نوره خصوصا اصابع رجولها دايم كان يقولها بالمحل شفت اصابيع رجولك يي شو مهضومين والحين قاعد يفضخ صندلها نوره : وش تسوي ؟؟ جواد : بدي سلم عليون ونوره تضحك على خباله اول مره تدري ان اصابع الرجول لها هالتأثير وقعد يلمس اصابعها واحد واحد وحست انه وده يبوسهم نوره : جواد خلاص جواد : نسيت ضيفك؟؟؟؟ نوره : عادي اصلا ماراح نطول جواد : لا ليش؟ نوره : مااقدر اتأخر على البيت جواد : انا بصراحه بتشكرك كتير على المغامره اللي انت عملتيها مشاني نوره : ترى والله جواد لو اهلي دروا ياويلي والله ان يذبحوني جواد : مش لها الدرجه ماحدا بيدبح ولادوه نوره : الا صدقني شوي الا يسمعون صوت ميوزك شكل مشاعل وماهر فلوها صح صار جواد يطالع فيها : بدك نروح لعندن نوره : لا ( وهي ماودها تروح عند ذاك المشفوح ) جواد : مدايأه انت من المكان نوره : لا بس شوي الوضع غريب علي اول مره اروح عند شباب في بيتهم جواد : يأبرني جمالك والله حاسس فيكي جواد : صحيح جبت لك صورة مايا ( بنته ) نوره : ورني اياها جواد طلع صورتها تجنن البنت من جد بنت لبنانيين تشبه ابوها بس احلى وعيونها ملونه جواد : حلو كتير مش هيك؟ نوره : مره تجنن بسم الله عليها جواد : مشتألا كتير وخايف تنساني نوره : ليه ماتروح تشوفها؟؟ جواد : عم فكر بس الله بيدبرها نوره : انشالله الله يسهلها مرت الساعه وهو غزل في غزل والبنت تغلبها مشاعرها وتستحي وتحس بدلع غريب جواتها ومره تقول بلا خرابيط الحين بروح وينتهي كل يش تسمع صوت كعب مشاعل جي : يالله ماودك تمشين؟؟؟ جواد : لا خليكن شوي مشاعل : والله ودنا بس خلها مره ثانيه طالع جواد بنوره : بدي شوفك أريب ايه؟؟؟ نوره : انشالله وهم طالعين عند الباب جواد : بدكون وصلكون؟؟ مشاعل : لا السواق تحت جواد : ( ماسك يد نوره ) اول ماتوصلي طمنيني وراحوا وهم بالسياره مشاعل : استانستي نوره : ايه بس خايفه ماودي نروح مره ثانيه مشاعل : سوالك شي؟؟؟ نوره : لا بالعكس وش حليله مشاعل : باسك ؟؟؟؟ نوره : لا , احول على طول مشاعل : ماهر صجني قلت هاه بس الله واكبر نوره : وشوله يمو انك ماتحبينه وشوله تخلينه يبوسك مشاعل : اقول خليك بس في احلامك الورديه , خليني بس اتصل على البنت اشوف تبي شي نجيبه على الطريق نتقهوى عليه 7 وصلوا البنات بيت ندى جيران مشاعل وجلسوا بغرفتها , مشاعل وندى دارسين مع بعض من الابتدائي وعارفين فضايح بعض بس ذا المره ماعلمتها مشاعل انهم رايحين عند لبنانيين شكلها متفشله!!!! ندى : انبستطوا ودي اني رايحه معكم مشاعل : وين تروحين له وع زهق مافيه شي يستاهل , المهم امك حست بشي ندى : لا مادرت عنكم اصلا مشاعل : يالله ويم القهوه جبت الدونات اللي تبين وراحت ندى تجيب القهوه ونوره مستغربه من تعليق مشاعل على الروحه نوره : ياكذابه شكلك متشققه وراك تقولين مااستانسنا مشاعل : وشله علشان تلزق لنا وتقول بروح معكم ولا تعلمينها انه لبناني ترى تتريق علينا نوره : هو وش فيه اللبناني ماعنده رجل ولا ناقص يد مشاعل : لا موب كذا بس هي عندها مبدأ ماتخاوي الا واحد تقدر تعرس عليه علشان لا قدر الله مالقت احسن منه تنشب في حلقه غصب يعرس عليها نوره : طيب وش اسوي بكلم جواد مشاعل : ارسلي له مسج , خقت ماقد شافت لها حسنه هذا ماهر مزعجني من طلعت وما رديت عليه نوره : طيب بكيفي انا ودي اكلمه بروح الحمام اكلمهد مشاعل : طسي راحت نوره وهي غاطسه في عالم الرومنسيه وتفكر في جواد ياحليله والله انه راقي مره وجنتل وش ملحه بعد وتوزت بالحمام ودقت عليه جواد : هاي ياحلو وحشتيني يا ألبي كتير نوره : توني عندك جواد : لو تغيبي عن عيني دأيأه بتوحشيني نوره : وش رايك فيني زي ماتخيلتني؟؟؟ جواد : اكيد لا حدا بيأدر يتخيل الملاك انت احلى عالم والله سبحان الزي خلأك حلوه من برا وجوا يأبروني عيونك اللي بيتطلعوا فيي وشفافك اللي بترد علي يسلم لي طولك وجسمك وشعرك مابدي عسل أيديي مشان تظل ريحتك عليهون نوره خقت وش ذا كله هي داريه انها زينه وحلوه بس الكلام غير يذوب جواد : امتى بدي شوفك مره تانيي؟ نوره : والله مدري جواد : حاولي حبيبي ايه نوره : والله لو بيدي ماقصرت كل يوماشوفك بس ظروفي صعبه جواد : بعرف ياحياتي بس شوأي الك شو بعمل فيه نوره : خلاص ولا تزعل الله يدبرها جت مشاعل تطق الباب : يالله جت القهوه رجعت نوره لبيتهم ولما صارت لحالها جلست تفكر في اللي صار اليوم ياربي ليه صار كذا طول عمري جالسه لحالي ماعمري حبيت وبعدين لما اجي احب احب واحد مافيه امل اتزوجه..بعدين هونت انا اصلا ماحبيته بس مبهوره فيه علشان رومنسي وحنون ...والله اني مدري ياليتني بس مثل باقي البنات ماتفرق عندي بدت مكالمة ماقبل النوم جواد : نونو حبيبي هلأ انا وانت مافينا نرتبط نوره : ماتلاحظ انك مستعجل جواد : ليش مستعجل كل اللي بدي اياه لأيته فيكي ليش لأجل نوره : ترى معرفتي فيك ماتعدت الشهر اليوم اول مره تشوفني بحياتك جواد : و ازا شو فيها يعني حاسس انك انت هي البنت اللي بدى تكون رفيأة عمري وشريكتي البنت اللي بتناسبني بفكرى وعاطفتا نوره : جواد انت عارف اني مااقدر ارتبط فيك اهلي مايرضون جواد : طيب ليه خليني جرب بلكي بيوافأوا بس يتعرفوا علي نوره تقول بخاطرها ياحليلك عيال ديرتنا اللي خطهم غير ماوافقوا عليهم تبونهم يوافقون عليك نوره : جواد ماله داعي صدقني اهلي وانا ادرى بهم وبعدين تونا على هالكلام خلينا الحين نتعرف على بعض اكثر ونتكلم لبعض اكثر علشان نفهم بعض اكثر جواد : متل مابدك نوره : يوه جواد لا تزعل مابيك تنام وانت زعلان جواد : حبيبة ألبي انت مابزعل منك نوره : خلينا حلوين بلاش نفكر في اشياء تزعل من الحين خلينا مبسوطين ان اليوم شفنا بعض جواد : معك حأ حياتي اليوم اسعد يوم بعمري بدي احتفل كل سنه فيه هو واليوم اللي التأينا فيه 25 جولاي نوره : متذكره؟؟ جواد : اكيد بدي احفظه كل سنه راح نحتفل فيه مع بعض , تعرفي شوكتير حلوه انت يا بنت تعرفي شو منيح انكم مابتختلطوا بشباب كان ماتركوك إلي نوره تهوجس بينها وبين نفسها وع عليهم اشوى اني ماانخطبت من احد سنع اشوى اللي ماتزوجت محمد ولد خالي الحمدلله قلبي حاسني انه بيصير شي زين لي نوره : انت بعد زوجتك غبيه كيف تخليك جواد : هيدي احلى غزل سمعته بحياتي ومابظن بيجي متله على غير راس نوره : والله ماامدحك صادقه الا ان كان فيك شي مابعد طلع؟؟؟؟ جواد : عيش ياكديش لا ينبت الحشيش بتعرفي هالمتل نوره : لا جواد : بكره الايام بتبين لك ازا انا منيح ولا لا نوره : اوكي موافقه جواد : لك تسلمي لي شو حلوه ومهضومه تعرفي لو ماألتي لي أديه عمرك كنت بأول بعدك بال 16 نوره : لا تبالغ جواد : لا والله مابتعرفي أديش وجك برئ وطفولي مبينه بنت صغيره نوره : حتى انت جواد : شفتي عيوني ماطلعوا خضر نوره : ايه جواد : زعلتي ؟؟؟؟ نوره : لا ماتفرق ........................................ .......... ........................................ .......... .. جواد : بدي شوفك هلأ نوره : وشلون؟؟ جواد : شباك أوضتك بيطل ع الشارع؟ نوره : ايه جواد : بدي مر بالسياره وطلي علي من الشباك نوره : لا اخاف احد يشوفني جواد : مين بده يشوفنا بهالليل نوره : مدري اخاف يشوفونك الجيران جواد : انا بشوف الشارع ازا فاضي ولا لا اقتنعت نوره وقعدت توصف له بيتهم جواد : بيتكون أريب ع شغلي بدي مر كل يوم الصبح قبل ماروح لأتصبح بوجك الحلو نوره : خلها تظبط هالمره وبعدين نشوف جواد : تأبريني مااهضمك نوره : يالله فيه احد في الشارع؟؟ جواد : لا فاضي ناس نص ليل كلن نايمين نوره : طيب شفت البيت الأبيض اللي بيبانه بيض مقلمه بالطول ؟؟؟ جواد : ايه شفتوه نوره : انا شباكي اللي بالجهه الشماليه بفتحها الحين جواد : هي الوحيده بالبيت اللي مضوايه؟؟ نوره : ايوه جواد : يله اطلعي صرت ادام البيت طلت نوره من دريشة غرفتها وشافت جواد في سيارته فاتح نورها علشان تشوفه نوره جواد : تأبريني مااحلاكي يسلم لي وجك المضوي نوره : تشوفني واضح ؟؟؟ جواد : كتير حلوه وجهك مدور متل البدر نوره : شكرا (مستحيه) جواد : والله ماعم جاملك انه شعرك اسود متل الليل ووجك منور كأنه البدر نوره : اممممممممممم ترى والله استحي جواد : بدي روح ولف مره تانيي نوره : طيب لا تتأخر علشان مااشتاق لك جواد : عم تشتاأيلي نيالي الأمر بيشتألي ولف جواد مره ثانيه وثالثه ورابعه .......كل الليل وهو يلفلف بحارة نوره ويسولف معها ولا حسوا الا بأذان الفجر نوره : أذن الفجر وانت مابعد نمت جواد : فداكي النوم نوره : كيف بتقدر تصحى الصباح؟ جواد : اصلا بعد ماشفتك صار عندي إنرجي عاليه بدي ضلني صاحي لوقت الدوام نوره : لا جواد بتتعب!!! جواد : بتخافي علي؟؟؟ نوره : اكيد.. سهرت نوره مع جواد لين ماراح الدوام عشان ماينام... وتعودوا على سهر الليل مع بعض قربوا من بعض اكثر ويمكن بدو يحبون بعض بالنسبه لنوره كانت تدخل عالم مجهول ماتعرف ايش الخطوه اللي بعد ولا تعرف ايش مفروض ينقال اوايش ردة الفعل المناسبه الحب بدا معها بعفويه واحيانا ببرائه اكثر من عاديه مشاعل : اقول ماودك نهون؟ نوره : وشو عنه!! مشاعل : ماش ماعرف لي.. نوره : ماامداك عطيه فرصه مشاعل : صار لنا شهر ونص وهو يزن علي بشوفك بشوفك ...وانا عارفه ان ماوراه شي لاهو اللي بيجيب لي هديه ولا انا اللي بعرف اخذ منه شي نوره : يالمصلحجيه...هماك تقولين وناسه وش حليله...كلامه حلو...ومدري وش تخربطين.... مشاعل : ماقلت شي بس ماش مايهنى لي ودي بواحد يبرد القلب..ذا ماش ماتعودت انا على كذا متعوده على ذا الجلوف... نوره : هذاك قلتيها جلوف مشاعل : بس ياختي وراهم نفع...شريحه من هنا ...جوال من هناك..عشى بنص الليل شحن ... نوره : والله مدري عنك سوي اللي تبين بس حرام عليك الضعيف تراه يحبك حتى جواد يقول لي انا ماهر متعلق بمشاعل ويقول انك لين الحين مارسيتيه على بر...اذا ماتبينه قولي له وخلاص مشاعل : طيب اذا تركته بتتركين جواد؟؟؟؟ نوره : (تردد.....) لا وش دخلني فيك انت لحال وانا لحال مشاعل : لا ياعمتي عشان تروحين له لحالك...تولمي ...عشان يسوي لك شي يالخبيله نوره : يعني يقالك بتحميني..واصلا من قالك ان جواد من ذا النوعيه!! مشاعل : (بتعجب) خذ ..صدقت البنت..هيه انت وش فيك ترى رحتي ولا جيتي سعوديه وش بيصير بينك وبينه!! نوره : احول وش قلت عاد انا ...بكيفي ياختي انا واثقه فيه وعاجبني مشاعل : ماش من شفت عييناته وانا داريه انه مهوب سهل ...قواك صدق من قال كل قفل وله مفتاح... نوره : (معصبه) لا تسوين فيها فيلسوفه ويعني اللي مقطعه العلاقات مشاعل : اقول وش دخلني بالطقاق اللي يطقك...تبين تحبينه تبين تذبحينه..اللي تبين سويه.. نوره كشت على مشاعل وردت عليها مشاعل بالمثل مشاعل : اسمعي انا بخليني معك وبنشوف ذا الجواد وشو من لحيه اما ذا الماهر بقوله يجيب لي شريحه جديده وجوال وبقوله جوالي الاول بعته لأن عليه ازعاج وبتعرف على واحد ثاني...لكل واحد شريحه.. وبخليه معي ان جاز لي الجايز كملت ماجازلي قلت له يابن الحلال ماننفع لبعض وبس ولا تتنفشين وتروحين تعلمين جوادك نوره : من زين ذا العلم عشان اقوله.. مشاعل : المهم ...متى بنروح نسير عليهم.. نوره : انا ماعندي مانع بس وشلون ومتى؟؟؟ واصلا وين بنقابلهم ماهر اهله رجعوا ويامحلانا رايحين عند اهله.. 8 نوره : صباح الخير ياحلو جواد : صباحي ماصبح حلو الا بصوتك ياقمر نوره : نمت تمام ؟؟؟ جواد : اتم شي نوره : عندك شغل كثير اليوم؟؟ جواد : كل يوم عندي شغل كثير نوره : يعطيك العافيه ياقلبي جواد : تعرفي انتو السعوديين احلى عالم يأولوا ياقلبي بتحسيها هيك طالعه من الألب مو مثلنا .. نوره : هذا بس اللي عجبك بالسعوديين ؟؟؟ جواد : بدك الصراحه وتحمست نوره تخاف يغلط فا وش لون ترد عليه جواد : احلى شي انت نوره : يالله عاد حسبتك بتقول شي مهم جواد : في شي اهم منك (امووووووووواه) باسها جواد على التلفون وهو من زمان واصل ذا المرحله بس نوره ماتعرف تبوسه تحس انها سخيفه لو سوتها وبنفس الوقت تخاف تفشله كل مره تتوهق وتسكت وتضيع الموضوع لما شافها سكتت جواد : طيب حبيبي بدي اصحى واتحمم عشان مااتأخر بدك تنامي ولا احكيك بس اوصل ع الشغل؟؟؟ نوره : طيب يستناك دق جواد على نوره وهو بالسياره وسواليف الصبح تفرق عن غيرها جواد : انا عندي سؤال محيرني من وأت اللي عرفتك.. نوره : قوله جواد : هلأ ليه انت ماكفيتي درسك؟؟ بحس انا فيكي تعملي ايشيا كتيره ..تكفي جامعه ..تشتغلي .. نوره سكتت وش تقوله ماعندها عذر بصراحه مقنع وهي بعد مقهوره انها ماكملت وش تقوله الحين جواد : ياحياتي شو بك ليش سكتي يعني هو سبب كتير كبير مافيكي تحكيه.. نوره : تبي الجد انا الحين مادري ليش ماكملت بس وقتها كان عندي آلاف الأسباب والحين اشوفها كلها سخيفه جواد : طيب فيني اعرف بلكي بأدر ساعدك نوره : انا لما خلصت الثانوي ماجبت معدل كويس ورحت سجلت بالجامعه قسم لغات وترجمه على اساس اني احب الأنجليزي بس ماقبلوني وانقبلت بقسم اقتصاد بكلية العلوم الإداريه جواد : طيب منيح شوبه الاقتصاد حتى بدك تكوني مميزه مافيه كتير بنات بيدخلوا هيك تخصص نوره : بالعكس البنات وقتها كل من مالقى له قسم دخل هالكليه جواد : ولا مابعرف بس كملي لي نوره : رحت داومت بالجامعه اسبوع وماعجبني الوضع كل شي تغير علي يعني كنت دلوعه وماعرف اصرف نفسي وفقدت صديقاتي وحسيت بأكتأب شديد وزاد انهم مارضوا يحولوني للكليه اللي ابيها ..فقدمت اعتذار وقلت بعدين اشوف لي صرفه حلت لي القعده وانبصت كانت اختي عبير مابعد تزوجت وهي بعد جالسه بالبيت خلصت جامعه ومالقت وظيفه فانبصطنا مع بعض وكسلت ارجع ادرس وحطيت ببالي اني ماراح اتوظف بهالشهاده اللي باخذها الا ببنك وامي كانت وقتها رافضه اشتغل ببنك فخف حماسي وعجبني الكسل جواد : طيب ليه امك مابدها اياك تشتغلي ببنك؟؟؟ نوره : ياجواد ياقلبي عاد هالموضوع بالذات يبيله يوم لحاله جواد : طيب ولا يهمك كملي لي نوره : بس هذا اللي صار جواد : معأول ماكفيتي جامعه بس مشان هيك نوره : وبصراحه بعد اول كنت افكر بالزواج ومن كثر ماأكتأبت حسيت ان خلاصي بالزواج فماصار شي ثاني يهمني جواد : بعدك بتفكري هيك ........................................ .......... ........................................ .......... .................... مشاعل قررت تسوي خطتها دقت على ماهر على شان تقوله على حكاية الشريحه الجديد...وطبعا دقه وحده وتسكر هي فاضيه تصرف عليه.... مشاعل : أهلين مهورتي ماهر : اهلين شو صاحيه بكير!! مشاعل : لا مابعد نمت ماهر : اوف من امس...طيب ليه هيك هلأ عيونك بيتعبوا ويطلع اسود تحتون مشاعل : لا متعوده من زمان وانا اسهر ماهر : بس السهر مو منيح بيتعب الجسم ويألب لك مزاجك مشاعل تقول بخاطرها بدت الفلسفه مشاعل : ماهر ممكن اطلب منك طلب؟؟؟؟ ماهر : ولو عيوني إلك مشاعل : بصراحه الشريحه اللي معي يجيني عليها ازعاج وودي اغيرها ...ماعاد اقدر اتحمل كثير ناس يتصلون علي بأوقات متأخره واخاف من اهلي ينتبهون وبعدين يعرفون عننا ماهر : أكيد لازم تغيريا ياعمري ..انا بجيب لك شريحه جديده مشاعل تشققت من الوناسه يعني الحين بيصير عندها ثلاث جوالات واحد الأساسي اللي أهلها يعرفونه وواحد اللي بتحوله للشغل الجديد والجديد اللي بيجيبه لها ماهر ...احلوت مشاعل : تسلملي يامهورتي والله كنت عارفه ان ماحد بيقدر يساعدني الا انت ماهر تشقق من الوناسه وصدقها وقال بخاطره اكيد انها الحين بتحبني وبتشوف اني رجال ...(ياحليله) مشاعل : بس تدري وش المشكله !!! ماهر : شو؟؟ مشاعل : جوالي صار يخبط احيانا احطه صامت ويطلع يرن واحيانا يصير العكس وصرت اخاف انك تدق علي واكون جالسه مع اهلي وانحرج!!! ماهر : اديه صار له معك هالجوال مشاعل : من زمان ماهر : اصلا بنت حلوه متلك بدا جوال جديد يلبأ لجمالا...لعيونك أحلا جوال ...بدك نوكيا ولا شي تاني مشاعل : لا انا متعوده على النوكيا ماهر : بدنا رضاك ست مشاعل سكرت مشاعل من ماهر وهي تعيش فرحة الانتصار ..وتقول بخاطرها ايه هذا الشغل خلينا نطلع بشي مشاعل : نوير قومي ... نوره : اوف وش تبين داقه توني نايمه مشاعل : اسمعيني دقي على جواد وتخقخقي عليه وقولي له ابي اشوفك خليه يدبر لنا مكان نوره : متى مشاعل : المهم انت قولي له وانا ادبر الباقي ........................................ .......... ........................................ .......... .............. بدت لعبة المقارنات عند نوره صارت تقارن بين عيشتها في بيت اهلها وعيشة جواد علاقة جواد باخوانه وعلاقتها هي باخوانها فعلا شي غريب اخوانها كلهم تزوجوا وباقي هي واخوها عبدالعزيز اللي يدرس بالجامعه الجوهره اكبرهم متزوجه من وقت اللي كانت نوره بالأبتدائي خالد ومحمد وبرضه متزوجين وكل واحد عايش ببيته وعبير اقرب وحده لها من اهلها كلهم .. تزوجت من 3 سنوات وخلتها بالبيت للطفش والزهق وعبدالعزيز دلوعة البيت كانت تقضي الوقت بالبيت لحالها.. امها وابوها ينامون بدري وعبدالعزيز مايرجع الا متأخر واصلا مايعرفها ولايطق باب غرفتها الا اذا بغى شي عشان كذا مشاعل تحب تنام عندهم لأن مافيه احد ممكن يضايقهم او يدري عنهم ... يوم الخميس بالليل وعبير متعوده تنام عند اهلها جلست هي ونوره يسولفون ويراجعون مع بعض السواليف نوره : وش صار على الوظيفه اللي قالت صديقتك بتتوسط لك فيها عبير : ماصار شي نوره : طلع كله كلام فاضي عبير : (متردده وما ودها تقول) لا ...بس ابراهيم مارضى نوره : ليش ؟؟؟ عبير : يعني ماتعرفينه !!! مايحبني اختلط بالناس كثير وماوده استقل ويصير لي حياتي الخاصه...يخاف اذا صار لي راتب وصديقات ...اصير ادخل واطلع من البيت من دون رضاه ..يعني اني بستقوي عليه.. نوره : اسمحيلي عاد وش ذا الخرابيط هذي الجوهره ماشالله مديره مدرسه وراتبها وش كثره وسواق تحت يدها ماقال لها زوجها كذا عبير : تقارنين زوجي بزوجها ...زوجها وينه ووين زوجي خليها على الله بس...والله اني مقهوره يدقق على كل شي حتى صديقاتي مايبيني اكلمهم يقول الصديقات مايجي من وراهم الا المشاكل...عزلني عنهم ...واللي يشوفه يقول من زين اصدقائه ...كل واحد يالله لك الحمد ...والله احيانا اخاف منهم اشكالهم تضيق الصدر وتخوف... والله لو لا ذا البنت (بنتها) كان ماجلست عنده ولا دقيقه ولا بعد من زينه يبيني احمل واجيب له ولد...عشان اخوه توه جايب ولد نوره : بصراحه ياعبير مدري وش اقولك ..انا داريه انك منتي مرتاحه معه بس اول مره اسمعك تجيبين طاري الطلاق.. عبير : تبين الجد تندمت اني تزوجت ياليتني جالسه ببيت ابوي اصرف لي من ذا المريض النفسي... ضاق صدر نوره على اختها اول مره تشوف هالحزن بعينونها كانت داريه ان فيه اشياء اعظم عبير مخبيتها وهي عارفه اختها كتومه وماتحب تفضفض... كل الليل وجوال نوره يرن جواد تباطاها وهو متعود الخميس تسهر معه عبير : الحين من ذا اللي يدقدق عليك كل الليل ليش ماتردين نوره : (متوهقه ماتدري وش تقول) ماعليك هذا واحد نشبه عبير : واحد نشبه علي هالحركات ...وش السالفه من قالت لي امي ان مشاعل قبلها تنام عندنا وانا خابره ان السالفه فيها شي...عطيني ارد عليه ........................................ .......... ........................................ .......... ........................... اصرت عبير على موقفها ...وهي من أول حاسه أن نوره متغيره وصاير حدث جديد في حياتها... عبير : (بنظرة خبث) يعني ماتبين تقولين لي بكيفك ...بس صدقيني يمكن يجي يوم وماتلاقين احد غيري يساعدك... نوره : (بتردد) هذا واحد توني متعرفه عليه.. عبير : هلا هلا ...هاتي السالفه كلها... علمتها نوره بكل شي ...حتى شعورها ماخبته وارتاحت انها قالت لأحد ممكن يفهم شعورها غير مشاعل اللي لا يمكن تقتنع بمشاعر نوره.. عبير : لبناني يانوره..ليش ؟؟ يوم جيتي تخربينها مالقيتي إلا لبناني..!! نوره : وش فيه اللبناني مهوب إنسان ... عبير : ماقلنا شي ..بس هو تفكيره غير... بيئته اللي عاش وتربى فيها غير...يعني أشياء كثيره في حياتنا هو مايقتنع فيها... ولا يمكن عمره ماسمع فيها .. يعني علاقتكم فيها تضارب في كل شي ..ثقافات وعادات ...كل شي نوره : أنا ماحسيت إن هالأشياء مأثره في علاقتنا بالعكس كل واحد مننا محترم الثاني ولا يحاول أنه يفرض شي على الثاني...أللهم إلا إنه دايم يلح على موضوع الشوفه لأنه يقول أنا متعود أن البنت اللي أحبها أشوفها كل يوم حتى الكلام يكون واضح ويوصل بسرعه مع تعابير الوجه عبير : شوفي أنا أشوف فيك أنسانه ثانيه أنت متغيره نفسيتك صايره أحسن يمكن أن وجود هالأنسان في حياتك مسوي تغيير للأحسن بس هل انتي متأكده من شعوره تجاهك يعني هل هو حاسس فيك مثل ماانت حاسه فيه ...أنا اللي أشوفه أنك متعلقه فيه ومعجبه فيه ...وشايفه فيه أشياء عمرك ماشفتيها ولا حسيتيها...ولا تنسين أنه أول شخص بحياتك يعني أول تجربه...وهذا كله يخليك تتعلقين فيه بسرعه وتشوفين كل شي يسويه حلو... نوره : يعني كل اللي قلته لك عنه مافيه شي عاجبك فيه عبير : افهميني يانوره كل اللي بوصله لك أن أنت مندفعه بشعورك ناحيته ولاأنت عارفه حقيقة شعوره تجاهك ..يمكن انت مجرد صديقه ..أو صاحبه ...تجربه جديده في حياته ...يمكن هو موب ضارك أو مستغلك ...بشكل سئ ...بس مؤسف انك تحبين شخص وهو مو داري عنك... نوره : بس هو قالي انه يحبني ...وأصلاً من قالك اني حبيته ...هو مجرد أعجاب بس عبير : أعجاب (تهكم) على هالحماس اللي انت فيه الظاهر لو يقولونك عرسك بكره كان ماقلتي لا... نوره سكتت انصدمت من كلام أختها هي وش دراها أنه يحبها ولا وش دراها أن مايكون يعرف غيرها وهي هيمانه فيه ولا يروح من بالها... عبير : نوره حبيبتي انا كل اللي بوصلك أياها ..لا تخلين أحد يلعب بمشاعرك سواء سعودي ولا لبناني ولا غيره...ومايحتاج أوصيك أنك تنتبهبن لنفسك ...انا واثقه فيك وعارفه أنك عاقله ولا تخربينها ...بس أنتبهي من أمي لو عرفت والله ان ماتخليك تعتبين باب غرفتك....ولا تخلين مشاعل تجرك وراها 9 تعودت مشاعل على النوم في بيت خالها .... وتكثر قعدت الليل والحش والتعليق على البنات في الفيديو كليبس ... مشاعل : الحين تتوقعين لو انحف ينحف صدري .. نوره : مدري بعض الناس يصير معهم كذا بعضهم لا .. مشاعل : خاطري أنحف احس اني اذا نحفت بيصير شكلي طويله..بس اخاف ينحف صدري نوره : معليش وش بيصير عاد مشاعل : لا حبيبتي اهم شي صدري ياحياتي المؤهلات هذي نوره : مالت... ومواهبك بعد صح مشاعل : إلا مادريتي يوم الخميس اهلنا معزومين بستراحة خوال امي اللي بالمزاحميه بيرحون من الظهر ولا هم جايين إلا بالليل نوره : أستراحة بذا القوايل مشاعل : وأنت وش عليك احسن ...خليهم يروحون أنا اجي عندك ونخت مع بعض ...وش رايك نوره : اصلاً أمي بتقول وش بيقعدك كلن بيروح ..وانت عاد أمك بتخليك تقعدين مشاعل : ياشين الأغبياء ياناس ...انت قولي لأمك جايتني الدوره ...وبطني موجعني .. وانا بقول لأمي اني بروح اقعد عندك... نوره : بسم الله علي منك ..طيب ياالذكيه افرضي رجعوا قبل مانرجع البيت ... مشاعل : انا بدق على امي وبقولها متى بتجون نوره : لا مايحتاج انا بقول لعبير تقولي مشاعل : عبير ..عشان تشك فينا نوره : اصلاً قلت لها مشاعل : (مسكت راسها) الله ..خبله انتي وشوله تعلمينها...الحين تستقعد لنا ..واصلاً هي بتوافق ان حنا نطلع مع شباب ...صاحيه انت ..ياربي ذا البنت نوره : اصلا ماقالت لي ولا شي كل اللي علقت عليه اني انتبه لا أحبه وهو مادرى عني ..بس مشاعل : مهيب عاقله أختك ..طلعت فري ..ماهاوشتك ولا قالت وش تبين فيه نوره : أبد مشاعل : ودك أني قايله لساره أختي كان طارت تعلم أمي نوره : لا عبير غير ..وبعدين ترى من يوم حنا صغار مانخبي على بعض شي مشاعل : والله مدري عنك انت واختك نوره : انا عارفه وراك متحمسه ..لاعبه على الضعيف يجيب لك جوال ولا موب لله مشاعل : أقول بس مصدقه حب وخرابيط ..تلاقين ذا المويهر مصادق غيري عشر ياهو قصقص علي قصص ..ماخلا شي ماقاله والله اني احط الجوال على السرير واروح واجي وهو يسولف ...الظاهر قالي غداه وعشاه من يوم انولد لين الحين نوره : حرام عليك والله انه ضعيف ..صدق اللي يشوفه على ذا الطول والرزه يقول وخر عن طريقه بس حرام تراه حبيب وضعيف مشاعل : ذا اللي تقولين عليه ضعيف الله يعافيك ..نايم مع وحده وفاتحها ...ولا همه يقول هي مااهتمت ليه انا اهتم نوره : هم عندهم عادي موب مثلنا مشاعل : المهم انه طلع مهوب سهل وبس ........................................ .......... ........................................ .......... ........................ احدى المكالمات الليليه بين جواد ونوره جواد : شيبك بحسك مش مرتاحه حاسس في عندك كلام بدك تحكيه نوره : لا أبداً بس احس اليوم اني تعبانه شوي جواد : سلامة ألبك يا ألبي..بكي شي ..مريضه نوره : لا والله بس مدري وش فيني اليوم جواد : بدك شي جيب لك شي.. نوره : سلامتك والله مابي شي ..الحين انام واذا صحيت انشالله كل شي بيصير تمام جواد : زعلانه مني شي نوره : انت حاسس نفسك مسوي شي عشان ازعل منك جواد : لا ..بس يمكن مش منتبه نوره : (تضحك) شككتك بعمرك جواد : والله ماني عارف شي من شي نوره : جواد ..ممكن أسألك سؤال وتجاوبني بصراحه؟؟؟ جواد : أكيد نوره : انت تعرف بنات جواد : كيف يعني بعرف بنات...رفأات يعني نوره : يعني صاحبات !!! جواد : هلأهو بيعتمد على مفهومك أنت لمفهوم الرفأه ...إزا بتأصدي رفأاتي اللي بالجامعه ورفأاتي من ايام المدرسه ..ايه عندي ...بس صاحبات يعني بدهر معن وسهر ...لا هلأ مافيه نوره : (بخبث) ليش ماعندك؟؟ جواد : يابنت شو عم تحكي انتي ...هلأ أديش صار لي بالسعوديه...سنه ..مين هالبنت اللي بدها تنطرني بلبنان كل هالوأت ...وعلى فرض انه هون بالسعوديه امتى بدي لحق نوره : تلحق على وشو؟؟ جواد : انا فاهم أصدك ...ماتعملي هول الحركات علي...بدك تعرفي إزا مصاحب بنات وبدهر معن ؟؟؟ مش هيك؟؟؟ نوره : وإذا كان قصدي كذا مايحق لي جواد : بيحألك يابنت الناس أكيد ..بنت عالم وناس انت جالسه بيبيت اهلك معززه مكرمه بدي اجي انا لطلعك من المجتمع اللي انت عايشه فيه وبالأخر بدي كافأك هيك ...لا يابنت انت بعدك مابتعرفين...انا ياللي بيطعميني خبزه بشيل جميلته على راسي العمر كله ..كيف وانت فتحتي لي ألبك وعطيتيني حب وحنان ماشايفه بعمري كله ...يابنت مفكره اللي عم تعمليه معي هين ...مجرد مابتسأليني تغديت ولا لا ..خوفك علي من اني اتعب بالشغل ...لما بتأوليي لي يعطيك العافيه...مفكرته سهله علي ... لا يابنت والله بزعل منك...معأول بعدك ماعرفتيني احتارت نوره من كلامه ...صحيح هو دايم واضح وصريح ...من بدت علاقتهم ماحست انه كذاب ولا متوهق ...ولا يطلع ولا يروح الا وهو مرسلها مسج يقولها وينه فيه ... بس كلام عبير مخوفها...وقلبها اللي طاير وراه مخوفها أكثر... ........................................ .......... ........................................ .......... .............................. نوره : الحين حنا وين بنروح له يوم الخميس؟؟ مشاعل : يقول ماهر بنروح بيت جواد نوره : صاحيه انتي تبين تروحين كمباوند ... مشاعل : ليش لا وش فيها ياختي خلينا نشوف الدنيا..عمرك شفتي كمباوند ..انا ماقد شفت ...وودي اشوف نوره : اخاف يصورونا؟؟؟ مشاعل : من يصورك؟؟؟ نوره : موب هو كله كميرات حقت الأمن لو صورونا واحد شافنا مشاعل : من بيشوفك ذا الهنود السيكيوريتيه...وش بيدريهم من انتي نوره : مدري ياختي خايفه مشاعل : انت كل شي تخافين منه نوره : مدري متردده مشاعل : المهم شغالتكم خليها ترقى لغرفتها وسكري عليها لا تروح تفضحنا عند امك نوره : انا مشغل بالي ذا الموضوع والله انها تدري عن كل اللي بالبيت من يدخل ومن يطلع كنها راعية البيت مشاعل : وهي وشي هي راعية البيت...خخخخخ نوره : تضحكين بعد..المهم عطيني حل مشاعل : خليها تكوي وقولي لها بنام بدري وسكري عليها الدور اللي فوق وقضينا يوم الخميس ...الظهر نوره : يمه تراني منيب رايحه معكم للأستراحه ام نوره : ليش..كلن بيجي واذا سألوني عنك وش اقول لهم؟؟ نوره : تعبانه بطني يوجعني ..جايتني الدوره ام نوره : ياقليبي اجل روحي ارقدي وبخليها (الشغاله) تسوي لك كمون راحت نوره لغرفتها وهي تحس بالذنب ...وهي تفكر بهاليوم اللي بتقضيه كله مع جواد دخلت عليها مشاعل عيونها متفخه من النوم مشاعل : وخري بنام نوره : لاتنامين اجلسي معي مشاعل : وخري عني تكفين مانمت الا الساعه تسع الصبح لا تقوميني الا اذا اذن العصر اذن العصر...وبدا اللبس والتمكيج نوره : اخاف يشوفنا احد من الجيران وحنا طالعين يعلم علينا مشاعل : واذا علموا عليك قولي لأمك هذي صديقتي هيفا يوم درت عني اني تعبانه جت خذتني نتغدا نوره : ياسهل الكذب على لسانك مشاعل : وش بنسوي نبي نعيش المهم كالعادة لبست مشاعل شي مغري وتفننت بالمكياج ..ونوره لبست فسان ابيض ناعم وفكت شعرها ومكياج بسيط نوره : صاحيه انت على ذا المكاييج مشاعل : ايه عشانك بيضا ماتلططين مثلي لو انك سمرا كان ماقلتي كذا نوره : اقول اخلصي علينا...يقول ماهر برسلكم سواقه حق الشغل بعد شوي مشاعل : مهوب سهل بعد عنده سواق نوره : مهوب حقه حق الشغل ...يعني غبيه تبينه يجي بكبره ياخذنا عشان كلن يدري عننا مشاعل : بعد كلن يعرف يخطط سكرت نوره على الشغاله غرفتها ونزلوا بسرعه اول ماركبوا على طول فتشت مشاعل نوره : تغطي الحين يشوفك احد من الجيران ويعلمون ابوي ولا عبدالعزيز اذا بعدنا افتشي مشاعل : يروح قلوسي نوره : اذا وصلنا حطي غيره اوف منك مشاعل : يامحمد افتح ام بي سي اف ام ومافهم عليها السواق لأنه مايفهم عربي مشاعل : نوره قولي له نوره : فاضيه انتي والله اعصابي تلفانه وخايفه الله يعدي ذا لايوم على خير بس مشاعل : قلتي لجواد يجيب لنا غدا جوعانه تراني نوره : وليش ماتقولين لماهر انشالله يصرف عليك جواد مشاعل : لا بس توه جايب لي جوال وشريحه بعد اقوله يجيب لي اكل استحي نوره : ماشالله الحيا ينقط منك وصلوا الكمباوند بعد نص ساعه وطول الوقت ونوره على اعصابها خايفه ان عبير ماتتذكر وتدق عليها قبل ماتجي امها ...هي عارفه ان عبير مو راضيه عن تصرفها ...بس وش تسوي مالها صلطه عليها... 10 نزلهم السواق جواة الكمباوند وراح ... مشاعل : الله... شوفي الحدايق الله يخلف علينا ...ماكنك بالرياض نوره : اسمعي بس وين العماره اللي رقمها عشره مشاعل : مدري دقي عليهم وهم يجون عيال الحكام ياخذونا ...بعد ..اخاف نضيع مشوا جواة الكمباوند وهم يتلفتون يمين ويسار يدورون المكان وجواد قال لنوره انه بيجي ياخذهم .... مشاعل : والله العالم اللي فيذا فالينها ....شوفي ذا الحريم ماخذين راحتهم وين المطاوعه عنهم ..ودك يجون الهيئه ..وش بيخلون وش بياخذون نوره : اصلاً الهيئه ماتقدر تدخل ممنوع ...عشان كذا ماخذين راحتهم ولا كنهم ببلدهم مشاعل : شوفي البكينيات والحركات .. نوره ومشاعل مره مندهشات من العالم اللي هم داخلينه كأنهم سافروا برى السعوديه...عالم ثاني ...ناس عايشه بحريه كأنهم بديرتهم ...وهم راعين الديره ماعندهم مثل هالحريه ... مشاعل : الله يخلف علينا ذولي اللي عايشين مهوب حنا لو نسوي مثلهم كان قصبونا نوره : اصلا حتى لو خلونا مثلهم المجتمع بيرضى ..اقول بس خليك من الفلسفه وعجلي قابلوهم ماهر وجواد في نص الطريق لأن مشاعل ونوره خافوا يضيعون اخذ ماهر مشاعل وراحوا جلسوا في احد هالحدايق ..اما جواد خذ نوره من يدها عشان يوريها بيته نوره : الله بيتك حلو مره مشالله جواد : نور بوجودك نوره : لا والله ماجامل ذوقك حلو ومتناسق انت اللي مأثثه جواد : يعني نصه انا ونصه فادي (اللي ساكن معه) نوره : تصدق عمري ماتخيلت انه بيجي يوم وبدخل كامبوند وهي تسولف وجواد يفرجها على البيت طلع بوجهها واحد نوره : بسم الله الرحمن الرحيم فادي : شيبك نأزتي بس كان بدي سلم عليكي نوره انحرجت منه اول مره تشوفه واستحت ماتعودت تكون في مكان فيه رجاجيل وحست ان الجو تكهرب بين جواد وفادي ولما بغى فادي يطللع استأذن منها جواد وراح لحقه جلست نوره على كنبه وقدامها دريشه كبيرها تطل على الحديقه وتفكر من كان يتوقع انها بيوم من الايام بتدخل هالمكان ... جواد : سوري حبيبي اتأخرت عليكي ...واو شو هاللبس الحلو مزوأه حبيبتي كتير نوره : شكراً وباسها من يدها وقرب على خدها يجس نبضها...وشوي وجت البوسه على الخد وصار وجه نوره يقلب احمر على اخضر وهو راح يجيب لها شي تشربه وفجأه وهي تستكشف المكان بعيونها شافت ركن صغير مخلينه بار ...اول مره بحياتها تشوف هالشي بعيونها ...ماقد شافته الا بالأفلام .. جاب لها جواد عصير وجلس جنبها جواد : مرتاحه كل شي ع زوأك نوره : ايه تمام بس وين راحت مشاعل وماهر؟؟ جواد : شو بدك فيهن خلينا نحنا لحالنا مابدنا حدى يخرب علينا جونا نوره : طيب جواد : هلأ في شي كان بدي اسألك اياه بس ماكنت حاب اسألك هلأ..بس مش أدر انطر بعد... نوره : أسأل جواد : هلأ مشاعل بتخطط لشو؟؟؟انا عارف انها بتلعب بالصبي وكتير مبين عليها ماصار لها بتعرفه الا شهر دغري بلشوا الطلبات ...انا بعرف هالنوعيه من البنات...انا ماحبيت اعمل مشكل بينون ...وكرمالك سكت..بس والله الصبي حاببا وعاجبته كتير ..وهي عرفت تلعب بعأله تورطت نوره وش تقول ويلها بنت عمتها وويلها حبيبها نوره : انا مدري عن شي... جواد : (فاهم السالفه) طيب مابدي اضغط عليكي بس كل اللي بدي اياه لو شو ماصار احنا ماألنا دخل فيهن نوره : أكيد 11 مشاعل وماهر جالسين بالحديقه تحت شجره وهو مبسوط ومكيف عايش الدور مبسوط والرومنسيه وريحة عطر مشاعل لاعبه فيه على الآخر...اما مشاعل فلاهيه عنه قاعده تقزقز بخلق الله ...فكرت مشاعل انها الى الحين لابسه عبايتها اجل وشوله الكشخه لازم افصخها مشاعل : ماهر مره حر!! ماهر : اشلحي عبايتك الجو كتير حلو ماصدقت مشاعل خبر فصخت العبايه وارتزت توري خلق الله لبسها وجسمها والولد ياعيني مفتون يحسبها تتدلع له مشاعل : انا عطشانه مافيه شي نشربه ماهر : لعيونك هو في كافيه أريب بروح بجيبلك وبرجع؟؟ مشاعل : ليش مانروح انا وانت هناك وخلاص!!! ماهر : المكان هون حلو رومانتك وشاعري هون بنجلس لحالنا وبعرف احكي كل اللي بخاطري من دون ماحدا يزعجنا مشاعل : (من غير نفس ومتحسفه على كشختها) طيب بس لا تتأخر مشاعل فاطسه ضحك على ماهر مصدق عمره الله لو حنا في فلم ابيض واسود والله ماهر متأثر بالأفلام والولد ياحياتي وده يمسك القمر بيد والشمس بيد بس عشان ترضى وهي ولا هي جايبه خبره ماهر : تفضلي جبتلك مي وعصير.. مشاعل : عصير ايش؟؟؟ ماهر : مانجو ماانا بعرف انك بتحبيه مشاعل : ماشالله ماتنسى شي...الا بسألك وين بيت جواد؟؟؟ ماهر: بالبنايه رأم عشره بالطابأ الخامس مشاعل : بيته كبير ماهر : يعني بيكفيه هو وصاحبه مشاعل : الحين ليش انت ماتسكن معه هنا؟؟؟ ماهر : لشو انا اهلي هون بالرياض والبيت مافيه حدا الا انا واختي وامي وبيي مشاعل : طيب وجواد ليش مايسكن مع اهله؟؟ ماهر : اهل جواد مش بالرياض ساكنين بالخبر..بس سمعت شي حكي انون بدون ينألوا هون عن أريب بس مابعرف أمتى...وبعدين حتى لو نألوا خلاص جواد تعود يعيش ببيت لحالوا ماصار فيه يرجع يعيش مع اهله متل ولد صغير مشاعل تهوجس ايه هين الا الدشره والبني من يخليهن له مشاعل : طيب كم يوصل الأجار هنا ماهر : (على نياته) ليش بدك تستأجري هون!!! مشاعل : لا ...وين ..بس ودي اعرف ماهر :يعني بيوصل حق الشأه شي 50 الف بالسنه مشاعل : اهااااا ..بس...والله حلو مشاعل تهوجس من جديد... اثاريه مهوب هين ذا الجواد فلوس وحركات اكيد راتبه شي بخلي ذا الخبله تستفيد منه مايدري الواحد وش بيصير بعدين ........................................ .......... ........................................ .......... ........................... جواد ونوره بعالم ثاني... جواد : تعرفي شو ..انا بس تعرفت عليك حسيت في اشيا كتيره تغيرت فيي ...بحس اني بحياتي ماحسيت بشعور تجاه بنت متل هلأ ...انت غير ...فيك شي غير نوره : وشو هالشي...تحاول تقنعني ان كل البنات اللي تعرفت عليهم ...وحتى اللي كنت متزوجها ولا وحده أثرت فيك!!! جواد : كل شخص بهالحياة إله كاريزما وتأسير مختلف عن اي شخص تاني ...في ناس تأسيرا بيظل ايام وناس بيظل طول العمر...هلأ انا معك مغير مش حاسس اني نفس الشخص ...شي جديد جدد لي حياتي ...انت يابنت فيك شي غريب أدر يدخل على سيستايم حياتي ويغيره...أبلك ماكان عندي وأت لأي شي ..بتعرف على هي وهي ..وبدهر مع هديك ويالله ...حياتي عجأه كبيره..مش فاضي لحب وتأمل ...مش فاضي احكي تليفونات...اللي بدى اياني بتجي عندي ماعندي استعداد فكربخاطر حدا...بس معك كل شي تغير ...بحسك بيور ...ملاك ..نظيفه ...مادنستك الحياة بعده ألبك أبيض متل ألب ولد صغير غورت عيون نوره ودموعها خلاص بتنزل ...حست كل شي فيها استسلم له قلبها ماعاد يقدر يقاوم ...حبته خلاص ...ماعاد فيه رجعه...واذا لبناني ..واذا....وماحست الا وهي حاضنته ..ليه ...ماتدري ..تعبر له عن حبها ...ولا فرحانه عشان الكلام اللي قاله وسمعته بقلبها قبل اذنها ماصدقت كل هالسنين اللي مرت ماحد فكر ينتبه لها مثل ماجواد انتبه لها ...حست نفسها طلعت من ايطار جسمها وهي مجرد روح وقلب من دون قيود جواد : يا ألبي ليه عم تبكي ...كلامي دايأك شي؟؟!!! نوره : بالعكس اول مره احس هالأحساس ...يمكن لو قلت لك انك اول شخص بحياتي احس تجاهه هالأحساس ماتصدقني ..بس هذي الحقيقه ...من وقت اللي تعرفت عليك انفتح لي باب عمري ماتخيلت انه بيجي يوم واعيش هالأحساس...كنت اقول لنفسي من كثر مايأست ان الحب كلام فاضي وخرابيط عشان مايضيق صدري واتحسف ...وان اللي حبوا يعني وش حصلوا ..بس من جواتي كان ودي احب وانحب حضنها جواد وصار يكلمها بأذنها جواد : انا بحبك والله بيشهد علي اني من وأت اللي عرفتك حبيتك ومافكرت أأزيك ولا زعلك ...وبوعدك طول ماانا عايش بكون معك وحدك نوره : انا احبك ...احبك كثير... ........................................ .......... ........................................ .......... ............................ ياسلام ..ياسلام ..أدي إيه ..حلو الغرام كملوا نوره وجواد لقائهم الرومنسي ...وهي طايره عن الأرض معلقه بين السما والأرض ...هو صدق ولا حلم...من وين طلع لها هالآدمي... مشوها كلام حب وغزل ...نظرات وابتسامات ...ونوره ماسكه يد جواد ولا ودها تتركه كأنها خايفه يروح منها... جواد : شو رأيك نطلع نتمشى شوي ؟؟ نوره : لا ماودي خلينا هنا احسن جواد : تعي بنمشي شوي بالحديأه طالع ع بالي امشي معك ..يالله ماتخجليني نوره : طيب من عيوني طلعوا يمشون ...الجو هادي وانوار الحديقه خافته ولا فيه اي حس لأحد نوره : وين الناس ...مافيه احد اول ماجينا كانت مليانه الحديقه!!! جواد : هون الناس مابيسهروا بيناموا بكير هيك معودين نوره : بس اليوم خميس!!! جواد : حتى ولو ماش نوره قلبها مو مرتاح خايفه من الرجعه المشوار بعيد ...وتخاف ترجع تلاقي اهلها رجعوا ...حتى مشاعل ماتدري وينها نوره : وين مشاعل وماهر ؟؟؟ جواد : اشتأتيلها ...ولا لا يكون خايفه عليها!!! نوره : لا بس اختي عبير بتدق علي ولازم نرجع قبل لا يرجعون اهلي . جواد : طيب احكيها واسأليها ..خلي بالك يطمن دقت نوره على عبير نوره : هلا عبير ..هاه وش صار؟؟ عبير : انت اللي وش صار...ماخلصتوا ...وش تستنون!!!! نوره : متى بترجعون ؟؟؟ عبير : مدري توهم ماحطوا العشا...بس انتبهي لايكون عبدالعزيز بالبيت والله لايكسر رجولكم...لو يشوفكم نوره : طيب وش اسوي وشلون ادري عبير : طيب بدق عليه بسأله كانه فيه بقوله برجع معك نوره : طيب وظبطت عبير كل الأمور ..بس نوره ماتطمنت عكس مشاعل اللي فالتها...ماخلت مكان بالكمباوند مامشت فيه وجاره وراها ماهر مايدري وش يسوي بها جواد : ماجعتي ياألبي؟؟؟ نوره : (بطنها يقرقر ماكلت شي من امس) يعني جواد : انا جوعان كتير وبدي اكل شو رأيك ؟؟؟ نوره : يالله رجعوا لبيته وتفاجات نوره من كل شي كان هناك ...شكله مطلعها عشان يظبط كل شي شموع ..وميوزك حلو ...والطاوله مرتبه ولا افخم اوتيل ...وورد احمر والعشا مولم ...سحب لها جواد الكرسي جواد : تفضلي نوره : تجنن الطاوله متى لحقت تسوي كل هذا جواد : هلأ تطمنت ...لما كل شي عجبك ........................................ .......... ........................................ .......... .............................. مشاعل : تصدق المكان وناسه ...بعذركم مستانسين ولا تسافرون لديرتكم ...متبطحين هنا فله ...بنات وشراب ماهر : مافهمت عليك اخر شي مشاعل : اقول المكان حلو ووناسه ..فهمت !!! ماهر : ايه فهمت ...بالنسبه للمكان مابو شي بس شكلك كتير حبيتي هون ..بس تتزوجي خديلك بيت هون مشاعل : لا عشان رجلي تطير عيونه بهالبنات ماهر : ازا اخدتي واحد بيحبك ماراح يرفع عينه بحدا غيرك مشاعل : والله انك على نياتك ياماهر ...تحاول تقنعني ان فيه رجال مايطالع ولا يبصبص من ورى زوجته ...مستحيل ...الرجال مايملى عينهم شي ...انشالله لو متزوج هيفا وهبي ماهر : مش صحيح ...انا معك هلأ تطلعت بحدا غيرك؟؟؟ ...وبعدين مين ألك ان الرجال بيهمه الجمال ...يعني مفكره الرجال ...ازا بيصح له هيفا وهبي بياخدا ...اكيد لا ..بالنهايه الواحد شو بده؟؟؟ بده وحده تحبه وتستناه بالبيت ...تخاف عليه ..تحن عليه مشاعل : انا غير ..بعد هذا الناقص معك مشمش الحلوه وتناظر غيرها بعد ماهر : لك انا شو اللي مطير النوم من عألي غير مشمشة ألبي مشاعل : طيب مو انت تحبني ...(تدلع) ماهر : بموت فيكي انا ..لك روحي فيكي معلأه مشاعل : طيب يالله ناكل ولا منتب معشيني ؟؟؟ ماهر : بس هيك اطلبي عيوني بعطيكي مشاعل : شكلك نسيت شي !!! ماهر : شو ؟؟ مشاعل : وين اللي قلت لي بتجيب لي؟؟ ماهر : معأول انسى مشمش حبيبتي ...هلأ بعطيكي اياهن قبل ماتفلي خذها جواد على المطعم ومافكت احد من شرها تناظر هذا وتقز هذا ...وذا اللي معاها مهوب شايف شي غيرها ... وكل وحده منهم خلصت عشاها بجو مختلف تماماً عن الثانيه .... اللي ذايبه بالحب ...وتحس نفسها بيغمى عليها واللي بتتشقق من نظرات الأعجاب اللي تجيها والود ودها تاخذ ارقام هالعالم اللي يناظرونها مشى جواد مع نوره لين البوابه الخارجيه وكانت مشاعل تستناها مع ماهر وودها توصل بسرعه عشان تعرف وش الجهاز اللي جايبه لها ركبت مشاعل السياره تستنى نوره جواد : شكراً كتير ع هاليوم الحلو ..يا الله شو حاسس اني رجعت شي 10 سنين لا ورى نوره : اهم شي انك مبسوط ومرتاح..انا ماابغى شي غير كذا جواد : يالله عشان ماتتأخري ...وانا بدي روح جيب سيارتي ونلحأكون لاتصولوا ع البيت بالسلامه --------------------------------------------------------------- خذ لك بريك وكمل .... 
__________________  XX +3: 07:48 AM. 05-10-2008  |
|
#2
06-18-2008, 02:01 AM
| ||||
| ||||
| 12 المشوار بعيد ومشاعل مارحمت نوره من الأسئله مشاعل : (بخبث) وش سويتوا نوره : احلى يوم بعمري ...استانست وناسه عمري ماحسيتها مشاعل : ترفقي على عمرك ياجولييت نوره : اللي مايعرفش يأول عدس مشاعل : مدري من طالعه معه مع الوليد كش عليك...خلينا نشوف وش جايب الأخ ......... مشاعل : الله يفشله جايب لي الباندا نوره : حلو طيب توه جديد مانزل بعده شي مشاعل : الا نازل الدمعه...بس يالله العوض ولا القطيعه...تدرين كم اجار الشقه فيذاك؟؟؟ نوره : دلاله...وش دخلني عاد انا بكم!!! مشاعل : غبيه ...يعني جواد مقرقش...اطلبي وتمني نوره : ياحبي له والله لو وش اطلب مايردني...لو تشوفين العشا ...يجنن ..شموع وورد ...والميوزك ...واو ...مره خقيت مشاعل : انا تعشيت بالمطعم اللي بالكامبوند ...ياعالم في ذاك ...وين ربعنا عنهم فالينها... نوره : اسكتي بس جواد يدق علي وصلوا البيت ودخلوا بسرعه كنهم حراميه....وارسلت نوره رساله لأختها تطمنها انهم وصلوا البيت ....وبسرعه غيروا ولبسوا البجايم ...يعني كنهم ماسووا شي وجلسوا بغرفة نوره ...كل وحده ماسكه لها جوال وهات ياكلام .... ومشاعل مشغله الجولات الثلاثه وبراسها تدور لها واحد جديد نوره : وزي الجولات لا تشوفهم امي وانتبهي لا تنسين واحد من هم وما تحطينه على الصامت مشاعل : عبير بتنام عندكم ؟؟؟ نوره : ايه..ليش؟؟؟ مشاعل : مدري استحي ماعرف اكلم عندها نوره : طيب مهوب لازم...خلينا نقعد نسولف معها..انا قلت لجواد بسهر مع عبير ولين بغى ينام بيرسل لي رساله وخلاص ..انتي بعد سوي مثلي مشاعل : بس تحسبيني شايله همه...لا بكلم واحد ثاني نوره : بسم الله متى امداك تجيبين رقمه مشاعل : بعدين بقولك سهروا الليل وهم يسولفون مع عبير هي تقص لهم وش صار ومن جا في الأستراحه لين مانامت ام نوره وبدا التحقيق عبير : والله انكم منتب صاحيات كمباوند بالدايري مره وحده ...لو خاربه عليكم السياره ولا جايكم حادث نوره : (متشققه من الفرحه) لا جواد كان يمشي ورانا بسيارته عبير : ولو ...هذي اخر مره تروحون .. نوره ومشاعل يناظرون بعض ...وكل وحده تقول بخاطرها اما عاد ذي اخر مره كثري منها عبير : ترى والله قلبي بغى يوقف خفت ان عبدالعزيز يرجع البيت ومايلاقيكم وانتم تعرفونه مايحبكم تروحون مع سواويق احد مشاعل : خلاص عاد رجعنا ...والحمدلله ماصار شي عبير ماهمها مشاعل داريه ماينخاف عليها ذيبه ..بس الخوف على اختها ...ماتعودت على الحب وغيره ...والله لو يلعب عليها ذا الجواد ان ماحد يفكها من شره ...لو بغى لعب فيها وطق الجواز وسافر ولا حتى لو ماسافر وش بيسوي لها عاد ...اكيد اصلا هي بتنطم وتسكت خذت عبير اختها ونزلوا تحت يسوون شاهي عبير : علميني الصدق وش صار نوره : والله ماصار شي سولفنا وتعشينا عبير : (تناظرها بعين قويه) اكيد نوره : عبوره والله ماصار شي ولا حتى لمح ولا حتى قرب لي ولا لمسني ...تراه والله حليل ..يجنن ..كلميه وسولفي معه عشان تتأكديين عبير : ومشاعل وش سوت؟؟ نوره : مدري هي كانت لحال وانا لحال عبير : ماينخاف عليها ذا البنت...بس المهم خلاص انتي خففي ذا الطلعات في شهر ونص شفتيه مرتين ...وش تبين بعد؟؟؟ نوره : والله لو اقولك وش ابي ان تكفخيني عبير : وشو نوره : ودي اتزوجه ........................................ .......... ........................................ .......... ............................. عبير : اقول اعقلي هذي اللي بتهبل بي نوره : والله ودي ...ياحبي له يجنن عبير : اقول انا قلت بتنبسطين لك يومين وبعدين بتعقلين ...حب مره وحده اقول وخري بس عن وجهي نوره : بلاك ماحسيتي اللي حسيته ...شي شي عمري ماشفته ..نظراته ..كلامه ... عبير : هو زين لهالدرجه ؟؟؟ نوره : حلو ..الا ملك جمال..وش اقول بس عبير : ابروح اسأل مشاعل عبير : حلو جواد يامشاعل ؟؟؟ مشاعل : ايه حلو مملوح مره...يعني طخت لبناني...وش متوقعه عبير : اشوفها خاقه عليه قلت ذا شي مشاعل : ماعليك منها ..اصبري عليها شوي ...وبتشوفين اما نسته...بس خليها علي عبير : اطلعي منها بس انتي...وهي تسلم مشاعل : وش دعوه انت واختك قايمين علي!!! قال دوك خير قال ماعندي ماعون مانامت نوره الا الساعه 8 الصباح كل الوقت كانت تكلم جواد جواد : بعمري ماحسيت فرحه متل اليوم بس ألتي لي بحبك كتير نوره : خلاص ترى والله استحي جواد : بتستحي ياحلو ياأمر انتا ...لك شو بعمل بحالي انا بس لأبسطك نوره : تبغى تبسطني ؟؟؟ جواد : اكيد ....انا شو وظيفتي اساساً ازا ماببسطك نوره : خلاص اهتم بنفسك ...واكلك...ولاتسهر عشان ماتتعب جواد : لك بأمره الأمر انا نوره : هذاك صديقك اللي ساكن معك ماحبيته ابد ...خوفني يوم طلع بوجهي جواد : فادي ...ولا يهمك ...انا حكيت معه ..وسمعته كلمتين مرتبين هيك يعجبوكي...انا عارف انك تدايئتي منه ..بس وحياتك انا كان بدي اياه يفل أبل ماتوصلي بس شو بعمل فيه حشور ...بدوا يشوفك ...عم بيألي مين هالبنت اللي سرأت لك عألك نوره : قاهرني ...وشوله هالحركات جواد : تسدأي من رجعت عالبيت وهو لازألي ...دخيلك عرفني ع اختا ..صغير ه كبيره ...مطلأه ...مجوزه ..اي شي نوره : بعد....اصلاً شكله مهوب مريح ...احسه راعي بنات بقوه جواد : هوهو ...بيشتغل بمحل مجوهرات شو بدك يعني يكون نوره تقول بخاطرها اشوى اللي مشاعل ماشافته والله ان تنشب له وتفشلني نوره : انا مبسوطه كثير ...خلنا من سالفته ...كملي وش بعد جواد : وين وصلنا ...تغزلت بشعرك ..بعدين عيونك ...هلأ دور منخورك نوره : لا كملي ..متى بتروح لبيروت؟؟؟ جواد : نهاية الشهر ...يعين بعد شي 15 يوم نوره : بتطول ؟؟؟ جواد : يعني شي اسبوع نوره : كثير جواد : ياحياتي راح تشتأيلي ...والله بتلفن لك كل يوم ومابغيب عنك ...وبحسسك اني هون مارحت... نوره : وشوله تسافر في شي مهم ... جواد : بدي شوف بنتي نوره : (اشتغلت الغيره) وامها بتكون معها؟؟؟ جواد : اكيد نوره : بس انا ماودي تشوفها جواد : هلأ مابعرف كيف راح يكون الودع ...بخبرك اول بأول نوره : ياليتني اقدر اروح معك جواد : يالله شو عندك نوره : ماأقدر اهلي مايرضون ..وشلون اروح؟؟ جواد : ماتزعلي حبيبي ...بكره بس تصيري مرتي باخدك معي وين مابروح نوره : مرتك!!!! جواد : لاكان مفكره بدي خلي حدا غيري ياخدك ...ماصدأت أمتى لأيتك ...فكرك بخليكي تروحي من بين ايدي... نوره : بس ..وشلون ...مايصلح سعوديه تتزوج اجنبي جواد : الله يسامحك هلأ انا اجنبي نوره : لاتزعل ...بالسعوديه اللي مو سعودي نقول عنه اجنبي بس مو قصدي شي ثاني جواد : ولا يهمك انا بزبط الوضع وبروح اطلبك من بيك نوره تقول بخاطرها ياسهل الكلام ...تولم اذا ابوي اصلا عطاك وجه وقابلك... ........................................ .......... ........................................ .......... .............................. سافر جواد لبيروت وفقدته نوره مره نوره : والله له فقده ياحبي له ...اشتقت له ...هذا وهو له بس 3 ايام مشاعل : اقول وسعي صدرك ...تلاقينه ناسيك ويطارد من ديسكو لديسكو ..وانواع البنات وانتي فيذا تهوجسين فيه نوره : حرام عليك ...يالشينه ..ياحبك للشر ...بس تبين تضيقين صدري مشاعل : المهم وش رايك نلعب بالشريحه الجديده؟؟؟ نوره : من بتلعبين عليه؟؟ مشاعل : صار لي فتره ادقدق على ارقام مميزه ...اللي القاه مسكر ...والا مايرجع يدق علي..احيانا يدقون بس مايعطوني وجه نوره : واثقه من نفسك بعد ارقام مميزه مشاعل : اجل وشو ...ابي اطيح لي بشي يسوى كل الليل ومشاعل تدقدق ...اللي يهاوشها والا تطلع لها وحده تمسح فيها البلاط ...وهي ماعندها احساس ...اخر شي تدق اي رقم وتقعد تضحك على خلق الله راحت مشاعل ونوره للسوق ..ماعاد بقى شي وتخلص الأجازه وترجع مشاعل للجامعه اللي ماطاعت تتخرج منها ...فراحت تتقضى ملابس جديده وهم يتمشون فاجأت مشاعل نوره ... مشاعل : اسمعي في واحد تعرفت عليه امس وقلت له يجي السوق ابي اشوفه نوره : منهو ووشلون؟؟؟ مشاعل : ماعليك اسمعي ..بنروح نجلس ...اصبري ...هذا هو يدق مشاعل : هلا والله ..بندر ...جيت ...انا قدام الكوفي ....ايه ....طيب ...اذا دخلت علمني ...باي نوره : انت بتجلسين معه ولا وش لون؟؟؟ مشاعل : لا فاضية له ..بس بشوفه ...قلبي يقولي انه شين...قلت بشوفه قبل لا يصير شي بينا.. نوره : الحين انت ليش ماتتركين ماهر يروح لحاله...ياقلبي والله ارحمه...امس بالليل رحمته ...يوم دق يسأل عنك يقول جوالها مقفل انشالله مافيها شي...كش عليك ..بس تدور الشر مشاعل : الحين بفهم انا اللي اقرب لك ولا هو....اقول اسكتي بس خليني ارد على الرجال ودخل بندر للسوق وشافته مشاعل من بعيد وهو جاي ...جداً عادي نحيف ..الا معصقل وابيض وشنبه خفيف ...وطوله عادي ووجهه فيه اثر حبوب قديمه...شكله لاعب فيها مشاعل : طيب شوي وادق لك امي تدق علي نوره : ساد يحوم الكبد ...كنه وجهك مشاعل : اصبري خليه يقرب...وين سماعتي (حقت الجوال عشان محد ينتبه لها انها تكلمه) وقرب منهم بندر وقعد يكلم مشاعل وهي تقزه ووالود ودها انها طالعه الشارع وراه عشان تشوف سيارته.... قعدوا بالكفي نوره ومشاعل ونوره تضحك عليها نوره : تصدقين عاد اني رحمتك ...متحمسه والكحله والعبايه...واخرتها.. مشاعل : اقول لا تقهريني.. استغفر الله كنه برصي ..بس بكيفه كانه مقرقش وش بسوي عاد انا بزينه!!! ........................................ . جواد : كيفك حبيبي اشتأتلك كتير نوره : وانا بعد يالله خلاص تعال ...وحشتني جواد : والله هالمره بيروت ماعرفتني ...ولا انا عرفتا في شي جديد مغير فيي والهيئه عرفت اني بحبك نوره : شفت مايا ؟؟؟ جواد : (محروق قلبه) لا بس عرفت اما اني نزلت فلة من هون مابعرف شو عم بتفكر هالمره نوره : معليش حبيبي انشالله المره الجايه تشوفها جواد : المهم كيفك انتي انشالله مرتاحه وكل شي ع زوأك؟؟ نوره : لا زعلانه ...وضايق صدري لأنك مو فيه جواد : راجعك ياألبي ........................................ ....... قررت مشاعل تروح مع ماهر للكمباوند وقعدت تزن على راس نوره تروح معها نوره : وش يوديني جواد ومهوب فيه وبعدين من بيدخلكم الكمباوند؟؟؟؟ مشاعل : فادي نوره : وانت وش عرفك بفادي ؟؟؟ مشاعل : ماهر قالي انه بيقوله وهو موب قايل لا...وبنقعد بالبيت بعد....انقهري نوره : الله من الشفاحه اني عارفه انك بتروحين عشان كذا ...مهوب عشان ذا الضعيف مشاعل : تدرين من باخذ معي؟؟ نوره : مين؟؟ مشاعل : ندى بنت جيرانا نوره : (بتفاجأ شديد) وشوله ...خبله انتي ...تبين تفضحينا مشاعل : مسيكينه خليها تستانس وبعدين هي اللي بتدوديني وش اقولها لاتجيني... 13 راحت مشاعل مع ندي بنت جيرانهم للكمباوند وهي منقهره من نوره انها ماراحت معها...ونوره منقهره منها على اساس ليش النذاله كان صبرتي لين يجي جواد ونروح مع بعض... نوره مازالت محتفظه بصداقاتها ايام الثانوي ...لها ثلاث صديقات ... هيفاء ابتسام تغريد ولكل وحده منهم ذكريات مع نوره عمرها ماتنساها يعني تلف الدنيا وتمشي وبالنهايه يرجعون لبعض اتفقوا الصديقات يجتمعون عند هيفاء وراحت نوره ...وهي تفكر تعلمهم عن جواد ولا لا هي عارفه انهم ماراح ينتقدونها ...او يزعلون منها...بس ماتدري ليه متردده استعدت نوره للروحه واخذت معاها حلا قهوه...واجتمعوا البنات عند هيفاء ........................................ .......... ........................................ ..... "هيفاء" هيفاء من عائله كانت كبيره ...وجار هليهم الزمن ..يعني صيت بس مافيه فلوس ابوها مصاحب ناس كبار رجال اعمال ...ومع انه دكتور بالجامعه الا انه ماقدر يتغلب على النقص اللي فيه من ...جهة اصدقائه انخطبت هيفاء من ولد واحد من رجال الأعمال وطارت ام هيفاء وابوها من الوناسه باب السعد انفتح لهم وبيناسبون احد هالكباريه... البنت انبسطت اكيد العز والفلس ماتنعاف وتزوجت وسافرت شهر العسل معه وشافت معه اغرب ايام في حياتها عريسها (طلع بزرنجي) هي بالأول مافهمت بس حركاته مستغربه ولا له اي اهتمام فيها ...وبعد ماتجرأت عليه وسألته ليه مايعطيها وجه ...وبكل برائه سألته اذا هي مسويه شي غلط ولا مزعلته ...عصب عليها ...ومارس حقه الزوجي معاها بكل قسوه وقالها هذا اللي تبين ..بس فكيني منك كثرت المشاكل وفهمت السالفه ...بعد ماشافت الصور والأفلام اللي محتفظ فيها بغرفته...وطبعاً مااهتم ولا عبرها...وقالها مو عاجبك طسي بيت اهلك وفعلاً طست بيت اهلها ...واهلها اعترضوا في البدايه وماصدقوها ..وشلون ولد الحمايل يسوي هالفعايل... وبالنهايه طلقها بدون اي مقدمات ..قال لأهله اخلاقها ماعجبتني كملت هيفاء دراستها بس الحسره في قلبها ولا هي مصدقه اللي صار لها وحملت المجتمع كله ذنب اللي صار لها وقررت تنتقم بالزواج من واحد اغنى من اللي طلقها وتزوجت ابو عبدالله اكبر تاجر عقار بالسعوديه .....الخ اللي قرب يصك ال60 ورضت تعيش بالبيت لحالها مايجي يشوفها الا كل كم يوم ومالها اي علاقه اجتماعيه بأهله الا في المناسابت وهي لهت نفسها بأشياء ثانيه ولا قصرت بالعلاقات!!!! ........................................ .......... ........................................ .. "ابتسام" ياحرام ياابتسام تزوجت وهي بثاني ثنوي من اخو مرة اخوها ومسكنها مع اهله وحمولتها وخالتها شابين فيها توها بال24 وعندها 3 والرابع شكله بالطريق زوجها ماسح شخصيتها وياويلها لو تسب اخواته ولا امه عنده لأنه مايسمع ولا يصدق فيهم حلمها يصير لها بيت لحالها ...وحلمها اللي عمرها ماقالته لأحد تدرس بالجامعه وتشوف البنات وشلون عايشين وزوجها معيي عليها تكمل دراستها وتكره يوم الجمعه لأن اخوات زوجها يجتمعون هم ورجالهم وهي اللي تطبخ لهم الغدا ........................................ .......... ........................................ ....... "تغريد" حليله ...على نياتها....مدرسة لغة عربيه ودها تعرس عن علاقه مسبقه ...وامها ناشبه بحلقها تبي تعرسها تعرفت على عبدالرحمن القروي ...اللي مايدري وين الناس ووين اهلها ويكذب عليها وهي تسكت ماودها تفشله الضعيفه حاطه املها انه بيجي يخطبها وتحقق املها بس بعيد عن شفايفها مستغلها يتسلف منها وتدق عليه هي وتسدد في هالفواتير ولا عمرها شافت منه الا عطر اسكادا القديم ولا بعد الصغير وكل شي عنده عيب فوشلون بقتنع ويجي يخطبها ........................................ .......... ........................................ ... كل ماراحت نوره لبت هيفاء تتفاجأ انها مغيره فيه شي...او انها مغيره بشكلها شي هالمره صابغه شعرها اسود وقاصته بوي وحاطه عدسات زرقا وهي بيضا ماشالله فطالعه جنان هيفاء عايشه كأنها اميره قصر مليان خدم وسواويق وكل فتره وفتره تسافر مع ابو عبدالله اوروبا واذا زهقت سافرت لحالها بيروت ولا دبي هيفاء : هلا والله بالقاطعه...مدري وش انتي لاهيه فيه ....عريس؟؟؟؟ نوره : لا والله بس مدري وشلون يروح الوقت .. هيفاء : يالله تعالي ترى البنات جو ونبي نتقهوا سلمت نوره على البنات وبدت السواليف... ........................................ .......... ........................................ .......... .............................. كلن قام يسولف وش صار معه كل هذيك الأيام تغريد تسولف عن عبدالرحمن وانها حاسه انه بيتزوجها وابتسام تشكى من حمولتها وهيفاء تناظر فيهم حاقرتهم على تفكيرهم اما نوره ماتكلمت ابد لين ماقضوا من العشا ثمن نشبوا فيها تغريد : الحين من جيتي وانت ساكته وش قصتك موب العاده هيفاء : وانت الصادقه كل الوقت وهي تناظر جوالها كنها مستنيه احد ابتسام : من تستنين؟؟؟ نوره : وش فيكم مافيه شي تغريد : طايحة على احد ...وش دعوه علمينا هيفاء : عساه بس احد يستاهل نوره : مانيب قايله لكم نشب انتم ماينقال لكم شي ابتسام : والله ماننشب علمينا عاد وعلمتهم السالفه من اولها لين روحت الكمباوند هيفاء : منتيب سهله ...هاجده كل ذا السنين والله عرفتي توسعين صدرك تغريد : وش سهله انت وشو الفايده وشلون تعرسين عليه هيفاء : هابلك ذا العرس ...خليها تستانس ...انا لارحت بيروت لحالي كل يوم اسهر مع واحد هذولي العالم الفاهمين...يعرفون يسهرون يعرفون ياكلون ...حتى لاقاموا يغازلون ودك تاكلينهم من زين كلامهم ابتسام : بس ياختي ماتخافين وشلون رحتوا لذا المجمع ماخفتوا يفجرون فيكم هيفاء : اقول بس خلوها تستانس ...ولا تخافين عليهم ربعنا حامينهم اكثر مننا يااهل الديره نوره : يابثركم ياليتني ماقلت لكم.. هيفاء : وكيف مبسوطه .....متفاهمين نوره : مره كل شي انا وياه متفاهمين عليه ابتسام : اصبري عليه ماصار لكم الا شهرين تو العلوم ماطلعت هيفاء : وش انتي تحسبينه رجلها يقعد يتشرط عليها ...وبعدين وين بيلاقي مثلها تكفين نوره : ياحبي لك ياهيفا تغريد : ماش انا ماارتحت ياختي وش نهاية ذا القصه ...منتيب معرسة عليه لو تطيرين وتوقعين نوره : تونا اصلا ومافكرت بهالموضوع هيفاء : ترى ازعجتونا بذا العرس ...يابيجيك يوم ياتغريد عقب ماتتزوجين بتلعنين فيه الساعه اللي تزوجتي فيها...خليها تستانس ...لاحقه على الغثا ابتسام : اي والله لاحقه على الغثا وعلى الحموله ........................................ .......... ........................................ .......... ... رجعت نوره من بيت هيفاء وهي تضحك على كلامهم ...صدق من قال كلن على همه تغريد تهوجس بالعرس وابتسام تهوجس بحمولتها وهيفاء تدور الوناسه لو وينها فيه اتصلت عليها مشاعل وقصت عليها يومها مشاعل : لو تشوفين ندى طارت بوهتها ولا قدرت تفصخ عبايتها تقول وشوله افشل نفسي من زين هالجسم خخخخخ......وبعدين تعالي ماقلتي لي ان هذا زين فادي يهبل ذا الجسم وذا الطول ...حتى صلعته تموت نوره : الا بسم الله يخوف كنه مجرم مشاعل : لا والله ماعندك خبر الا موت...ولا بعد راعي مجوهرات يقولي اذا بغيتي شي تعالي وبعملك خصم مرتب نوره : اجل دخل في القائمه واكيد خذتي رقمه مشاعل : اكيد الله لايعوق بشر نوره : وماهر ماقال شي؟؟؟ مشاعل : مادرى ماكان فيه...بس تتوقعين انه بيزعل لو يدري؟؟؟ نوره : لا والله وش تتوقعين؟؟ مشاعل : هماهم لبنانيين وفري اكيد مهوب قايل شي نوره : يالله لك الحمد بس خبله انتي واحد خويته تاخذ رقم من واحد ثاني وش تبينه يسوي يرقص مشاعل : مدري عنه بكيفه نوره : ياشينك يامشاعل ياانك بتوهقيني مع جواد لو درى مشاعل : وش دخله ولي امري...من زينه عاد هو نوره : مشاعل وش فيك عليه كل ماهذا قلتي من زينه من زينه انتي شايفه عليه شي مشاعل : اعصابك....اعصابك الله لو انه ابو عيالك ...اسفين ياختي نوره : من جد ترفعين الضغط يالله مع السلامه مشاعل : اقول لاتسوين فيها زعلانه خلاص ...لا تزعلين امزح نوره : مهوب مزح ذا كل يوم على ذا الحاله مشاعل : خلاص توبه 14 14 رجع جواد من السفر ونفسيته تعبانه منقهر من طليقته انها ماخلته يشوف البنت وخايف ان البنت تنساه حست نوره أن ماله نفس وكئيب...ودها تشوفه وترتاح بس وشلون ومشاعل مالها خلق تروح وشلون بتشوفه وتتطمن عليه من بيوديها نوره : وش فيك ياجواد ياليتك مارحت تنكدت وبس جواد : عندي شي مية سبب لأتنكد نوره : طيب سولف لي فضفض...يمكن مااقدر اساعدك بس ترى ترتاح اذا تكلمت جواد : ارتاح ازا بحملك همومي ...لا يابنت خليكي هيك مبسوطه ومرتاحه بكره ربك بيعدلا نوره : ترى اذا ماقلت لي بزعل جواد : مافيه شي نفس الأصص اللأديمه مافيه شي جديد نوره : طيب بكيفك بس اذا قررت تتكلم وتعلمني اللي مضايقك تراني استناك جواد : بتعرفي والله انتي بتستاهلي كل خير ... ألبك طيب كتير... ضاق صدر نوره على جواد بس تهوجس فيه ودها تساعده وتوسع صدره ياليتها تقدر تشوفه من بكره العصر دقت عبير على نوره وقالت لها وش رايك نروح السوق نشتري للعيد قبل الزحمه نوره : وش العيد مابعد جا رمضان عبير : مابقى على رمضان شي كلها اسبوع وبيجي وانا عارفه ابراهيم مهوب مطلعني برمضان يقول زحمات همن ابلش بليموزينات وبلاوي ...هاه تروحين معي نوره : طيب وشو ورانا عرف جواد ان نوره بتروح السوق وقالها بيجي على الأقل يشوفها من بعيد اهون من لاشي عبير : وشوله يجي نوره : مشتاق لي يبي يشوفني عبير : مدري وش اخرتها انتي وياه جا جواد ووشرا له كوفي وقعد على احد هالكراسي ونوره قاعده قدامه ويسولفون مع بعض بالجوال عبير : ياحليله ماتوقعت شكله كذا نوره : وش توقعتي عبير : ياختي وش حليله وجه بيبي فيس...ودك تقبصينه مع خدوده نوره : بقوله عبير : لا تكفين ...بس تصدقين رزه وكشخه نوره : ايه ماعليه يعجبك عبير : بعذرك ياخيتي خاقه زين ودلال...ايه الله يرزقنا نوره : وش يرزقك عبير : انشالله ذا الدعله اللي عندي يزين حاله ...لا بعد فوق شينه يالله عطاني ذا الفلوس ........................................ .......... ........................................ ...... اول رمضان تقضيه نوره وجواد في حياتها جواد : تعرفي رمضان مش حلو الا ماالواحد يكون مع اهلوه نوره : اكيد جواد :اشتات لا أكلات امي كتير نوره : من يصلح لك فطور؟؟؟ جواد : ماحدا احيانا بروح افطر بمطعم ولا بعملي اي شي ع الخفيف نوره : ياقلبي وش رايك اسوي لك انا واحط لك كل يوم عند الباب وتجي تاخذه جواد : وازا شافوني جيرانكم شو بألون شحات نوره : محد شايفك لاهين كلن يفطر جواد : طيب بجرب بكره نوره : حلو ...طيب وش نفسك ؟؟؟ جواد : بدي عوامات ...بتعملوها؟؟؟ نوره : وشي العوامات وش شكلها؟؟ جواد : هي العجين اللي بيصأطوه بالزيت وبيطلع شكلا مدور وبعدين بيسأوها أطر نوره : ايه لقيمات جواد : شو ..لقيمات نوره : حنا نسميها كذا جواد : سموها شو مابدكون بس كتير جاي ع بالي اكلا نوره : امي كل يوم تسويها بكره انشاله بتذوقها جت عمة نوره وعيالها وطبعاً مشاعل يفطرون عندهم وشافتها مشاعل وهي تجمع لجواد من الفطور [ لقيمات وسمبوسه ومطبق وشوربه ] مشاعل : من هو له ذا الصدقه؟؟؟ نوره : ميهب صدقه ..بذوق جواد من فطورنا مشاعل : مصدقه انتي انهم يصومون الحين ماصلوا عشان يصومون نوره : وش دراك انتي داخله بقلوبهم مشاعل : ياحليلك والله انك فله ...بعذره جواد لانشب فيك نوره : اقول روحي بس للسفره واذا سألتك امي صرفيها بأي شي حطت نوره الأكل عند الباب وقعدت تستناه لين اخذهم وراحت تفطر وهي مستانسه متششققه بعد ومشاعل تحمد عليها راحوا الحريم يصلون التراويح ومشاعل ونوره قعدوا يسولفون مشاعل : جازت له لقيمات امك نوره : ايه مره ياعمري رحمته يقول صار لي زمان مااكل طبخ بيت ...وجاز له طبخ امي مره مشاعل : اقول كان قلتي له يقول ماشالله لا الحين ينظلها نوره : وش ينظلها الحمدلله بس مشاعل : ماقال لك بعد تغسلين هدومه عصبت نوره على مشاعل ورمتها بالمخده ........................................ .......... ........................................ .......... ............................. رمضان صار يمر سريع سريع مايمديه الواحد يحس فيه إلا خلص والعيد صاير سخيف ماله طعم حتى الناس يجتمعون على شان كل واحد يوري الثاني وش لابس ..."نفاق إجتماعي" راحت ام نوره وابوها لصلاة العيد ونوره تحاول تخلص لبس بسرعه بيروحون يسلمون على اقاربهم والغدا يجتمعون في استراحة خوالها مالها نفس تروح ...متضايقه ...ونفسيتها مش ولا بد... جواد متغير عليها ولا هو الأولي...ومشاعل لاهيه بدنيا غير الدنيا ... ونوره بدت الهواجيس تلعب فيها من الصح الحين انا ولا مشاعل شكل هالحب كله خرابيط ...وحتى لو انا كنت صادقه بشعوري وناويه اكمل معه هو عاد بيصبر ... خلصت نوره من اللبس بسرعه ونزلت الدرج ركض تخاف تصيف على ابوها نوره : عبدالعزيز وينه؟؟ ام نوره : امس بالليل مشى الشرقيه هو واخوياه نوره : استغربت مافيه صجه بالعاده ناشب فوق راس الشغاله تكوي له شماغه لفلفوا على جميع بيوت اقاربهم ...اللي عندهم عجوز يزورونها ...ولا شايب يناظرون خاطره....وانصكت روسهم من الدوران وحامت كبودهم من القهاوي والشكولاته نوره : يمه راسي دار بي ...من الساعه 7 وحنا ندور خلاص يالله نروح البيت ام نوره : وين نروح واستراحة اخواني نوره : مافيني حيل يمه بنام ابو نوره : وش نومه ...مهنا نوم ...الناس يعيدون ويستانسون وانتي تبين تنامين...وش ذا الكلام سكتت نوره منقهره ...هي اصلاً ماتبي تروح لخوالها خصوصاُ ان مرة خالها هي اللي متكفله بالعيد كله ...ومرة خالها منقهره منها عشانها ماوافقت تتزوج محمد ولدها ومحمد تزوج ...وافتكت منه بس امه النشبه الا بتقهرها وترزز مرة محمد في وجهها مر الوقت على نوره طويل ...زهق مميت وعيونها تصككت من النوم ...وجواد يرسل لها مسجات يبيها تكلمه وين تكلمه في ذا الزحمه ماصدقت رجعوا البيت ...شوي وتنام بلبسها وامها تقولها انهم العصر بيروحون لأهل زوج عبير انسدحت نوره بسريرها وتلحفت ودقت على جواد جواد : وينك انشغل بالي عليكي نوره : كنت مشغوله ماقدرت اكلمك جواد : كنتي بعتيلي مسج اي شي تطمنيني فيه عليكي نوره : والله ماقدرت كل الناس حولي وبالسياره معي امي وابوي جواد : طيب خلاص خلاص .... نوره : وش فيك علي وش سويت ليش تكلمني من غير نفس جواد : هلأ ماتكبري أصص ماصار شي نوره : ...................... جواد : نوره ..ليش ماتردي نوره : وش اقول؟؟ جواد : اي شي..ليش سكتي نوره : لا أبد سلامتك جواد : زعلتي!!!! نوره : لا جواد : امبلا زعلتي... نوره : ............... جواد : مش رايأه معك اليوم؟؟؟ نوره : لا عادي جواد : بخليكي تنامي؟؟؟ نوره : ايه تعبانه مره جواد : سلامتك حبيبتي نوره : الله يسلمك جواد :بس تصحي احكيني نوره : طيب سكرت نوره وهي زعلانه ...وش فيه مصدق عمره ليش يكلمني كذا ...يبيني اكلمه عند اهلي عشان يدرون عني ...وش بينفعني لا دروا 15 صحت نوره الساعه عشر الليل ... البيت فاضي ومافيه احد صاحي ...كلن نايم استاحشت ...لحالها ياشين العيد بالليل شافت جوالها لقت مكالمات ومسجات من صديقاتها ومن مشاعل بس مافيه من جواد شي ليش ساحب عليها قامت من سريرها وفيها شر ومحارش راحت سوت لها نسكافيه لزوم تعديلة الراس والتفكير مشاعل : صباح الليل ...عيدك مبارك نوره : ليش ماجيتي اليوم بيت عمي ناصر مشاعل : والله يوم جيت البس تعيجزت وجاني النوم نوره : ياحبي لي بس ماخليت احد مارحت له اليوم حتى استراحة اخوالي رحتها ومره خالي ام محمد مافكتني من شرها الله يعضم اجر مرة ولدها عليها رحمتها مشاعل : ياقدمها مرة خالك الى الحين عايشه نوره : اقول ليش ماتجين عندي ضايق صدري امي وابوي نايمين وعبدالعزيز بالشرقيه تعالي مشاعل : من يجيبني في ذا الليول ....وين الشيخ جواد خليه يجي يسير عليك نوره : لا والله واذا احد شافه وهو داخل مشاعل : ماعليك عيد وكلن نايم محد لمك نوره : اصلاً مالي خلقه مدري وش فيه متغير علي مشاعل : ياكافي وشا صار.... نظلتوا نوره : لا والله من جد مدري وش فيه ...منتفخ علي ولا له خلق من جا من السفر وهو متغير بس الحين مره ماعاد يجاملني حتى ...ياساكت يامشغول مشاعل : قصة جديده ذي وش فيه طال عمره نوره : ماتسألين ماهر ...حققي معه يمكن يعرف شي مشاعل : تراه خقاقه ...الحين يروح يعلمه انك تسألين نوره : طيب وش اسوي... مشاعل : تدلعي عليه شوفي وش ملهيه.... وش وراه....اخاف شايف له شوفه نوره : تهقين ...والله اني من امس وانا اهوجس بذا الشي مشاعل : اقول بس ...هاوشيه قولي له ياانت رجال بتتسنع ولا فارقنا نوره : انت خبله وش ذا الخرابيط ... مشاعل : بصراحه يانوره طحتي من عيني...احسبك من اول ذكيه وماينلعب عليك ...حاطة ذا الجواد تحت ابطك ...طلعتي ماهناش نوره : وش اسوي له ماعرفت له مشاعل : ابد لا بغيتي جبتي السالفه اعرفك...بس انت حطيه ببالك وتجيبينها قعدت نوره تمخمخ وش بتسوي في جواد عشان تعرف وش عنده لقتها ... نوره : اهلين جواد : هاي حبيبي نوره : الحمدلله لحقت عليك قبل ماتنام جواد : ايه والله كتير نعسان نوره : طيب ليه مادقيت علي من اول جواد : فكرتك نايمه ألت بلا ما أطش لك نومتك نوره : حلمت فيك جواد : لا ..شو حلمتي؟؟؟ نوره : حلمت فيك حلم موب زين جواد : خير انشالله احكي لي نوره : حلمت ان معك وحده طويله وشعرها اسود طويل ...وانت وياها جالسين ببيتك ...وشكلكلم كنتوا نايمين مع بعض ولا مسوين شي...وانت كنت تناديها وهي تبغى تروح ...وشكلك متغير ..لونك مسمر مره وطالع لك لحيه...وشكلك تعبان....من هذي اللي معاك بالحلم...وعلى فكره ترى كل احلامي تصدق جواد : حلمتي هلأ ولا من أبل نوره : وش يفرق ..يالله بس لاتضيع السالفه وقلي من هذي جواد : هلأ بدك تأولي لي انك مسدأه الحلم وعلى اساسه بدك تحاسبيني نوره : ليش لا ...انا مااحلم بشي الا يكون له سبب ...يعني ممكن يكون تنبيه سكت جواد وماعلق ..ونوره ماصدقت انه صدقها وخذ الموضوع جد ...ماتدري كيف خطرت على بالها فكرة الحلم بس فعلاً جابت نتيجه نوره : يالله جواد قلي وش السالفه ...انت طالع مع وحده ولا متعرف على وحده جديده جواد : لا ..شو هالحكي بدك تجنيني...هلأ حلم بده يألب حأيأه وبدك تسدأيه نوره : ليش عصبت...اكيد فيه شي جواد : لاحول الله ياربي معأول هاللي بسمعه نوره : جواد ليش عصبت...هو مجرد سؤال وردة فعلك مالها تبرير جواد : ياستي ايه كان فيه شي وصار وخلصنا ...بس الغريب ليش الحلم لايجي هلأ نوره : نعم ...وشو اللي كان فيه...انشالله تبي تفهمني ان اللي بالحلم صدق جواد : مش انتي اللي حلمتي ...مش انتي اللي ألتي احلامك بتصدأ...ايه صار..ارتحتي انصدمت نوره وش ذا الكلام جابت الحلم عشان توصل لحل انقلب الموضوع صدق ........................................ .......... ........................................ .......... .......................... نوره : وشو اللي صار ...تعال انت وش تقول ؟؟ جواد : انتي شو بدك تسمعي ...مش بدك تسمعي هالحكي ...مش ألتي حلمتي فيي عم خونك...ايه صار ارتحتي.. نوره : اكيد ماارتحت ...الحين تبي تفهمني انك تعرف وحده من أول ولك علاقه معها طول هذاك الوقت وانا ماادري جواد : هلأ شو بدك فيني خلاص ...ريحيني .. نوره : وش اريحك منه ...انت اللي غلطان علي وبعد تطلعني غلطانه جواد : مش غلطنه ولا شي ألت لك ياللي صار ...ماعندي شي كمان أوله نوره : على كيفك هو ...تقعد تعشمني وتخليني اصدق انك تحبني ...واخرتها كذا اجل وشوله تقولي انك تحبني ...انا من اول قايله وش ذا اللي بيحب وحده على طول وحده ماشافها على طول حبها ...ليش كذا ليش...ليش تبالغ وتخرب علي حياتي وش سويت لك انا ... سكت جواد ولا عاد رد عليها ونوره ماعندها استعداد تسمع اكثر من كذا سكرت بوجهه وقعدت مصدومه تفكر وشلون صار كل هذا ...هذا جزاتها اللي حبته وعطته قلبها ومن القهر اللي فيها قعدت ترسل له مسجاته اللي مرسلها لها من اول وكل وحده تعلق عليها...وتكتب بأخرها كذاب ...وكلام اكبر من كذا نوره مو مصدقه ليش يسوي كذا ...اوكي يمكن وحده كان يعرفها قبلها ...ويمكن لحد الحين بينهم علاقه ماقدر ينهيها ...بس وشوله يكذب عليها ويبالغ بشعوره ناحيتها ...وشوله يقول لها انه حبها من اول ماشافها وانه نسى كل شي قبلها ...كان اهون عليها انها تبدا معه بعلاقه عاديه تتدرج بأعجاب وبعدين توصل حب ...بس بوقتها الحب ضيعها وماخلاها تحس انه يبالغ ماصدقت نوره انها جلست كل هذا الوقت مصدومه لما سمعت اذا ن الفجر وحتى جوالها رمته ولا تدري وينه ...وبس مسكته لقته متصل عليها كثير ومرسلها مسج ماكذبت عليك ...كل شي صار بسرعه وغصب عني ..علاقتنا كانت بعدا بأولا وماكنت عارف وين بدنا نوصل ...بعرف ماراح ترجعي تحكيني بس بترجاكي تسامحيني بكاها المسج كثير وماقدرت تسامح نفسها فكيف تسامحه صارحت نفسها ...ان كل اللي قاهرها احساسها ماهمها اللي صار قد ماهمها احساسها وصدقها اللي تعاملت فيه مع جواد ليش صار كذا ..هل المفروض انها لعبت فيه وبشعوره ولا العلاقه من اول غلط ولا يمكن لأنه عارف ان مابينهم مستقبل فقال بنفسه وشوله يخلص لها وقعدت تصبر نفسها... يالله اهي يومين وعاشتهم وكملت دموعها وقهرها ...حتى جوعها ماحست فيه قررت انها تنهي كل شي وتصحح غلطها هي اللي طول عمرها حذره ولا ينداس لها طرف ينضحك عليها وينلعب بأحساسها هدت نفسها شوي وحست انها لازم تتكلم مع احد فكرت بأختها عبير بس خافت تلومها وهي مالها خلق دقت على مشاعل نوره : شفتي الحقير وش مسوي مشاعل : بسم الله وشو حقيره نوره : جواد من غيره مشاعل : هلا هلا ...وش صار نوره : رحت قلت له اني حلمت فيك ان معك وحده وكأنكم نايمين مع بعض...وان احلامي تصدق دايم مشاعل : انت صدق محلمه فيه؟؟؟ نوره : لا مصدقه بعد انتي بس بشوف ردة فعله...تخيلي قالي ايه مشاعل : ياانه بجيح...وبعدين نوره : المهم تهاوشت معه وسكرت في وجهه وارسلي مسج يقول اننا كنا ببداية علاقتنا وماكنت عارف اننا بنستمر مع بعض مشاعل : امممممم ...شوفي ان جيتي للحق فهو صادق تبينه يترك خوياته عشانك وهو توه مابعد شافك ..في ذي معه حق نوره : انا ماهمني بس وشوله يقولي حبيتك من اول ماشفتك ..وان انتي غير الناس اللي تعرفت عليهم كلهم ...ومن ذا الكلام مشاعل : ياحليلك عاد انتي تصدقين كلهم كذا...اجل لو ماقالك كذا كان ماكملتي معه وخليتيه ... نوره : بعد انتي تدافعين عنه مشاعل : ماادافع عنه بس هذا الصدق نوره : روحي اسألي ماهر مشاعل : اكيد قايل له مايقولي نوره : ياربي طيب ودي اعرف وش صار مشاعل : وش بعد بقى كل شي عرفتيه.. 16 حاول جواد يكلم نوره بس ماعطته فرصه ياتسكر جوالها ياماترد وبعدين ماعاد صار يدق ...انقهرت نوره وقالت في نفسها اكيد يبيها من الله عشان يخلا له الجو حاولت تلهي نفسها ...تطلع مع صديقاتها ولا تعزمهم عندها بس ماحد لمها الا تغريد هيفاء مسافره مع زوجها وابتسام لاهيه مع حمولتها ومشاعل طالعه المخيم مع عمانها جت تغريد عندها وجلسوا بغرفتها تغريد : ماش ماعجبتيني ...وش فيك ضايق صدرك؟؟؟ نوره : مافيني شي..عادي تغريد : اذا ماودك تقولين يبكيفك بس ترى مبين عليك انك زعلانه نوره : عادي ..بس زهق شوي تعرفين بعد رمضان يتغير الروتين على الواحد تغريد : اجل وش اقول انا اللي عندي دوام يوم السبت نوره : والله احسن لك من قعدة البيت ترى مره طفش ...احيانا افكر اني ارجع ادرس تغريد : وش تبين بالدراسه توظفي نوره : صراحه الوظايف الكثيره ...الحين الجامعيات مالقوا بلاقي انا تغريد : خلي خويك اللبناني يوظفك ...يعرفون ترى واسطات نوره : ماودي...مدري وشلون ..استحي اقوله تغريد : وش تستحين منه عادي نوره : انتي خلي عبدالرحمن يتوسط لي هماك تقولين انه يعرف ناس توهقت تغريد لأنها عارفه لو تبي ذنب ماعطاها تغريد : عبدالرحمن يومه بسنه...مسكين دايم مشغول ...اقول بس خلك من الشغل ..ليش ماتتزوجين احسن...احسن لك تزوجي وريحي راسك لاوظيفه ولا شي نوره : تغريد..فكيني الله يرحم والديك ..لا تجيبين طاري العرس ..الحين انا محبوسه في ذا البيت تبيني اتزوج عشان انحبس اكثر واكثر تغريد : وش ذا الخرابيط تكفين ...تعرفي على واحد كويس ..وبعدين حاولي تحببينه فيك وهو بيخطبك انشالله نوره : انا مادري انت وشلون مقتنعه بذا الكلام ...يعني هو بالساهل الاقي واحد واتعرف عليه ...ولا وش بيضمني اصلاً انه بيتزوجني ...هذا انتي من يومك بالجامعه وانتي تعرفين عبدالرحمن ليش ماخطبك لين الحين...وانتم تحبون بعض ومتفاهمين؟؟؟ تغريد : هو ناوي يخطبني بس توه مافاتح اهله...يقول بيمهد لهم نوره : وش يمهد له يابنت الحلال .. تغريد : وش تحسبين اهله ترى شديدين مايقتنعون انه يتزوج وحده كان يعرفها نوره : واهله وش دخلهم ...وبعدين هو بزر ...رجال وش كبره يقدر يقرر ويفتح بيت ...يقعد يستنى اهله ..لين يوافقون تغريد : اقول الظاهر انك من تعرفتي على ذا اللبناني وانت منغسل مخك نوره : لا منغسل ولا شي ...تتذكرين سليمان ولد جيرانا تعرف على دكتوره وحبها واهله عيوا على اساس انها دكتوره وكلن شايفها بالمستشفى ..وباقي الكلام المتخلف..تحدى اهله...وقال لأبوه انا رجال وقد كلمتي ...عطيت البنت كلمه ...وبروح اخطبها تبي تجي معي الله يحيك منتب جاي بسلامتك...ويوم شافه ابوه جازم ومعزم راح معه وخطبوها ...هذولا الرجاجيل تغريد : تحسبين كل الناس شخصياتهم قويه مثل ولد جيرانكم نوره : مهوب لازم يتهاوش مع ابوه ..فيه طرق كثيره ...ليش مايقول لمه ..ليش مايقول لأخته تقول لأهله انها تعرفك ...اي شي تغريد : (ماتدري وش تقول) هو قالي بيتصرف ...وانا ماودي اضغط عليه غيرت نوره الموضوع ...حست انها احرجت تغريد ...وتذكرت نفسها عاد هي من زين حالها هذا جواد لعب عليها ... ........................................ .......... ........................................ .......... ........ مر اسبوع ولا شي تغير ...كلن لهى عنها ...حتى مشاعل لاهيه بامتحاناتها سهرانه بالليل لحالها بغرفتها ...تسمع عبدالحليم الا جاها مسج من جواد انه جالس يلفلف بحارتهم وامنيته يشوفها لو من شباك غرفتها نوره مستغربه من حركته ...كل ذاك الوقت وهو مطنشها الحين يبي يشوفها وش سالفته ذا الرجال طلت من دريشتها وشافت سيارته رايحه وتاكدت انه صادق ...دق عليها ترد ولا ماترد...ماقدرت تقاوم نوره : هلا جواد : هلا والله ...كيفك ...ياالله شو وحشني صوتك كتير نوره : ........................ جواد : بعرف انه لو شو ماحكيت بين غلطان بعينك ...ومافيه شي يبرر غلطتي بس سدأيني إلي عزري... نوره : وشو عذرك جواد : مابأدر ألك ....يمكن ألك بعدين بس هلأ مابأدر نوره : وشوله اجل داق علي وش تبي جواد : ........................ نوره : مافهمت شي ...تلفلف على بيتي بالليل وترسلي مسج تبي تشوفني ...ولما اقولك اني عندي استعداد اسمع عذرك تقولي مااقدر اقول...انت وش تبي بالظبط مني جواد : بدي تسامحيني...بدي ظلني زكرى حلوه في ألبك...بدي اياكي كل ماتتزكريني تأولي يالله شو كان بيحبني كتير... نوره : تراك تضحك على نفسك قبل ماتضحك علي جواد : بليز نوره بليز ...ماتكرهيني ...والله ماأصدت اجرحك ولا دايأك نوره : انت بتحيرني ولا وشو....اللي يسمعك يقول اني بتركك ...وبروح...بدون مااعرف وش صار وليه ...وفي نفس الوقت تحاول تقنعني اني اتذكرك بشكل حلو من دون مااسأل ...وش السالفه جواد : بدك الصراحه ...انا عم مر بمرحله كتير صعبه ...مش آدر اخد فيها أرار...بستحي إلك اني بدي اياكي تكوني حدي ...بعرف اديش انا بشع بعينك...بس مابعرف شو بعمل نوره : شوف اذا قررت تصير معي صريح ...وقررت انك تتكلم وتعلمني بكل شي دق علي غير كذا ...اسفه ماعندي استعداد انهت نوره المكالمه مع جواد وقلبها يقول لها فيه شي غلط ..فيه شي ناقص... بس عقلها يصفق لها... ........................................ .......... ........................................ .......... ............................. ماقدرت نوره تطلع جواد من حياتها يمكن بس مجرد لقافه يعني لو عرفت وش صار بتقدر تنساه ...لين الحين محتاره مشاعل : شوفي تبين رايي ...احقريه ...كلمي غيره وانتي بتنسينه نوره : وانت ماعندك الا هالكلام ...كلمي ..تعرفي .. الحين انا منقهره منه اروح اجيب واحد ثاني عشان يقهرني مشاعل : عاد هالمره لا تصيرين غبيه وتحبين ...وسعي صدرك نوره : ماقالك ماهر شي؟؟؟ مشاعل : هو حتى مستغرب ...يقول انه مايشوف جواد ابد ...دايم مشغول ...يقول انه بيروح عند اهله بالخبر نوره : متى بيروح ...وش رايك اكلمه قبل مايروح؟؟؟ مشاعل : انا لله ذا البنت...ياحبيبتي انت وش تبين بالظبط نوره : مدري والله وش ابي ...ضايق صدري واحس الدنيا ضايقه فيني مشاعل : انت اللي جبتي الغثا لعمرك...هذا انا وش حليلي ...ماعندي خلاف ...صدقيني انت اللي كنت ماخذه الموضوع جد زياده عن اللزوم ....تبين الصراحه عاد نوره : هاتي مشاعل : انا اقول ان الرجال هج منك نوره : ليش وش سويت انا فيه؟؟؟ مشاعل : ياختي انت تشبه ...24 ساعه ناشبة له ...ماتعود على الصكه ...هو يبي يتعرف عليك يبي الوناسه يبي شي جديد...غير اللي هو متعود عليه...هذا ماهر وش يقول اول ماتعرفت عليكي ...حسيت بفرق كبير..شي جديد دخل حياتي ...شفت هالبنت المتغطيه قلت وش تحت هالأسود ...حبيت اتعرف عليكي لقيت دنيا جديده ....وانت مالك 4شهور وانتم مشكال وخرابيط ...ترى اللي سواه عادي تبين تقتنعين بكيفك ماتبين خلاص اعتقي الرجال وانسيه وخليه يروح بحال سبيله ...اما انك بتدقدين عليه وليه سويت كذا وليه مادري ايش انسي ...تراه مهوب رجلك نوره : كلامك صح بس لو حنا من بدينا ماخذين الحكايه تسليه ولا علاقة صداقه اوكي لكن كل شي كان عكس كذا ...كنا نحب بعض ونشتاق لبعض يعني اكبر من كل اللي قلتيه ...انا كنت حاسه فيه انه يحبني عمري ماحسيت انه يلعب علي ...وش حاده اصلاً كل مكان يروح له فيه بنات بالهبل ...وقفت علي انا اللي مايقدر يشوفتي الا بالشهر مره ولا عمره شاف مني شي... مشاعل : انتي حابته ...ولا تبين تخلينه صح ؟؟؟ نوره : ......................... مشاعل : عادي بكيفك ماعليك من احد ودك تكملين وتسوين نفسك كنك مادريتي عن شي بعد بكيفك ...بس منتب مرتاحه ...تدرين وش مشكلتك ...انك ماقدرتي تحطين حدود لها العلاقه ...طايره في العجه وماخذك الحب والأجواء الحلوه بس ماحطيتي في بالك ولو للحظه انك عايشه بحلم ويتصحين منه ...تبين نصيحتي خلي لك باب مفتوح على الخياة الصدقيه اللي حنا عايشينها مشاعل مهيب سهله ...عمر نوره ماحست ان مشاعل ممكن تقول كلام صح ويجي بالصميم كذا ... مشاعل خلت نوره تشك في الأشياء الحلوه اللي كانت تؤمن فيها الحب حلو ...بس الشخص غلط هل هو غلط عشانه مو سعودي؟؟ هل غلط لأنها ماتعرف تفكر وتسلم كل شي لأحساسها؟؟؟ الحين وش السواة ...قررت نوره انها تسكت وتعطي جواد فرصه اخيره بس يرجع من سفرة الخبر لها كلام ثاني معاه 17 ماهر : نوره وجواد بدون يتركوا؟؟؟ مشاعل : وش يتركون؟؟؟ ماهر : بدون يتركوا بعض ؟؟ مشاعل : مدري والله ..بس الخبر عند جواد ماهر : ياحبيبة ألبي بشو احلف لك اني مابعرف شي من شي...جواد مابيحكي لحدا شي مشاعل : معقول صديقك ودايم كل ماكلمتني تقولي انا مع جواد ماهر : انو اصحاب بنكزدر سوا بس هو هيك مابيحكي .. مشاعل : طيب ماهر : هلأ بدنا نأديها حكي على نوره وجواد ...مابيصير هيك مشاعل : متى بيسافر جواد للخبر؟؟ ماهر : ع الويك اند ........................................ .......... ........................................ .. س |