بالله احد يجي يضحك معي ..

[ريماس]

مساكم سكر ...

المقدمه ..

كان ياما كان في قديم الزمان وسالف العصر والاوان حاكم يدعى شهريار وبنوووته اسمها شهرزاد
كل يوم يقولون قصه ولا تطلع صدق ولا صاح الديك قالو انتظرو لبكره ولا انتهت القصه
المهم السالفه ومافيها كيت وكايت و3 اصابع كت كات ..
3 بنات هادئين ومؤدبين وشاطرين جالسين يسولفون ويسولفون الا ويشوفون وحده حرانه ومحتره شابه ضو مادرت كيف تطفيها الا وتصب غرشه المويه على راسها وتخرب السشوار اللي جلست الكوفيره فيه ساعه علشان تضبطه وتحول الى قز يعني ( كشه ) نطش من الماء قطرتين على وحده من 3 اللي كتبناهم باول سطر قامت بكل ادب الا تدعسها وتلعن خيرها ليه وليه تنطش فيها المويه
فزعت معها الثانيه ياقولها صديقتها وحده على الكشه والثانيه بالزنوبه رحمتها الثالثه قالت اوقف معها واكسب فيها اجر حرام نتفوها مثل الدجاجه وكلمه منا وكلمه منا طلعتع الثالثه خاينه لهم وشوي شوي تركو البنت وكل وحده دعست الثانيه وصارو الثلاثه في حاله يرثى لها انتهت المعركه بانقلاب عسكري وكسور ورضوض وشخابيط قطو ورسومات محترفين ..
(من خيالي المتواضع )


الزباله
قصة حقيقيه زواج بنت وبقول لكم عن قصة زواجها الغريبة المضحكة هذي البنت سلمكم الله عندها خوات أكبر منها وأصغر منها وهي توها متخرجه من الثانوي المهم بالبيت ماعندهم خدامه كل يوم الدور على وحدة من البنات تطبخ وبعدين ترمي الزبالة عند الباب المهم جا دورهالبنت اللي أتكلم عنها كانت سهرانه مع اخواتها الين الساعة 2الصبح وبعدها خواتها طلعوا ينامون فوق.. وهي قعدت تنظف المطبخ وتشطب عليه.. وقامت وطلعت الزبالة عند الباب..المهم البنت قالت ليش أحطها عند الباب خليني أتشجع وأرميها بالزبالة أحسن..,,,, وطلعت بره بالشارع وكان الشارع فاضي مرة وكانت الساعة حوالي 30, 3 الفجر المهم يوم جت تطلع ترمي الزبالة قفل باب بيتهم وقعدت المسكينه بالشارع ... فكرت ترن الجرس خافت أبوها يهاوشها ويسوي ليها شي ( لأن أبوها شديد) ... وهي بالشارع ماعليها إلا! قميصها حق البيت ...المهم سمعت أن فيه صوت يقرب منها .. صوت سيارة !! قامت مسكت الزبالة وقلبتها ودخلت داخلهاا المهم كان اللي جاي ولد الجيران ... كان توه جاي من استراحة..المهم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزبالة !! وأستغرب إن الزبالة مقلوبة قام وقرب من عندها.. وجا بيرفع الزبالة ويا زينها إلا صرخت وقالت : لالالالا.قال : بسم الله الرحمن الرحيم..أنتي إنس ولا جن قالت: إنس قال إنتي وش جابك أهنا ؟؟ وقالت له القصة وهي متغطيه بالزبالة وترجت ولد الجيران يساعدها قال خلاص لاتخافين قام قرب سيارته من باب البيت وركب فوق السيارة ونقز وفتح للبنت الباب. وقالها:ادخلي بسرعة لاحد يشوفك قامت مسكينة ماصدقت رمت الزبالة.. وطلعت كذا قدام ولد جيرانهم المهم دخلت وقفلت الباب على طووول...وولد الجيران واقف ماتحرك يناظر فيها المهم. مامر على هالسالفة يومين إلا جاء وخطبهامن أبوها وتزوجها والله قصة زواج غريبة وعلى فكرة ترى هذي السالفه حقيقية وحصلت بالفعل لايجي بكرة اشوف كل واحد يقلّب زبالة على باله فيها بنت
( لقيتها في البريد بس قديمه قريتها وانا بالثانوي )


البطل

اندلعت النار في بيت مواطن فدخل مغامراً بنفسه وخرج حاملا ابنه.

ثم دخل ثانية وخرج حاملا ابنته.
ثم دخل ثالثة وخرج حاملا زوجته وسط تصفيق الواقفين.

ثم دخل رابعة وخرج وليس معه شيئاً.
وتنفس الصعداء وعاد خامسة وخرج من النار وليس معه شيئا..
وهكذا دواليك.
فسأله الناس وقد شكوا انه أصيب بنوع من الجنون: شو قصتك يا رجل ، داخل طالع وما في معك شيء؟

أجابهم وهو يلهث:



V



V



V



V



V



V



V



V



V



V



V



V



حماتي جوا.. وبقلب فيها..!

( هذي ماقد مرت علي الا اليوم )

ولكم مني اجمل تحيه ..

[بو فهد]

مساك زلطه

المقدمة مافهمتها اعيدي الصياغة ...

الثانية قديمة

الاخيرة حلوه قريتها قبل كم يوم

>> وقح

[ريماس]

المشاركة الأصلية بواسطة عبدالله فهد

مساك زلطه

مساك اسعد من سعيد ..

بعد اذنك ابستعبط , زلطه <<<<< وش معناها ؟؟ ترى ثقافتي عربيه


المقدمة مافهمتها اعيدي الصياغة ...

المقدمه .. حلاتها كذا شخابيط تقراها اذا ضربت الفيوز بس ,

بعيد الصياغه ..


كان فيه وحده معصبه من اي شغله ممكن تكون مزعجه , مرت من جنب 3 بنات هادئين بالمررررره كانو يسولفون , المهم انها جلست واخذت الماء اللي في يدها وصبته على راسها فصار شعرها فلافل من بعد ماكان ناعم من السشوار ,( البنات الثلاث ) الاولى قامت تتلقف عليها متسببه والثانيه مع الخيل ياشقراء عملو هوشه بدون سبب والثالثه حبت تدافع عن البنت فقلبو عليها بالنهايه
وحده انكسر انفها , وحده انفقعت عينها , وحده انكسرت اسنانها , وخطوط مرسومه بالاظافير على وجيههم .
هدوء ماقبل العاصفه ..
وتوته توته خلصت الحتوته .


الثانية قديمة

ومغبره بعد ..

الاخيرة حلوه قريتها قبل كم يوم


>> وقح

وش دخل الوقاحه ؟؟

[بو فهد]

بعد اذنك ابستعبط , زلطه <<<<< وش معناها ؟؟ ترى ثقافتي عربيه

راء وفوقها نقطه = س

بعيد الصياغه ..

ماجازتلي

المشاركة الأصلية بواسطة ريماس

وش دخل الوقاحه ؟؟

اطلعي سطرين

[ريماس]

المشاركة الأصلية بواسطة عبدالله فهد

راء وفوقها نقطه = س
اهااا شكلك كنت جوعان ..


ماجازتلي

طيب وش ذنبي

اطلعي سطرين

وين عند قديمه والا الصياغه ؟

[بو فهد]

اهااا شكلك كنت جوعان ..

للحين مشتهي زلطه ..

وين عند قديمه والا الصياغه ؟

عند ماجازتلي

[عنوان الأنوثه]

اعجبتني حقت البطل

يسلمو ريماس ..

[ريماس]

المشاركة الأصلية بواسطة عبدالله فهد

للحين مشتهي زلطه ..

جزر وخيار وطماط وملفوف وملح قطعهم وتذوق احلى سلطه من يدك .


عند ماجازتلي

والله ماعندك سالفه الناس اذواق نحن ندعم حريه الراي ,
الصراحه كتبتها وانا اضحك ثاني يوم قريتها وقلت الحمد لله والشكر عادي حالات

******
الله يسلمك عنوان الأنوثه ..

[ضحكة غروب]

ههههههههههههههههههه
قصص جميلة أحلى وحدة الثانية ...
فرفشتني كتير ....
مشكورة على الموضوع ..
تحياتي

[ضحاوي الشرقيه]

عجبتني الثانيه مشكوره على الموضوع حلو كثيررر ضحكتيني وانا طفشانه

[ريماس]

عساه دووم الضحك ..