موقف غريب ..

[ريماس]

اقراو معي هالسالفه سطر سطر ..

تدور القصة حول مديرة مدرسة عزباء غابت عن المدرسة يومين ولما
عادت لمدرستها قابلنها المدرسات سلامات وينك يامديرة ؟

قالت لهن باركولي تزوجت.

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن.

المدرسات تكفين علميننا أي وحدة منا ؟

قالت المديرة والله ما أعلمكن .

المهم لزمن عليها فقالت لهن أنا منيب متكلمة اللي تبي تعرف هل
هو زوجها وإلا لا تجيب بكرا معها خمسمية ريال وإذا جت توقع تحط الخمسمية على
الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا
آخذها فهو زوجها عيب علي اتزوج زوجها وآخذ بعد منها خمسمية ريال .

وافقن المدرسات على الطريقة.

ويوم جاء بكرا وكل وحدة مزهبه معها الدراهم.

جت الأوله والثانية والثالثة والرابعة حتى العاشرة والمديرة
تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على
الطاولة وقالت لها تكفين خذيها يالمديرة قالت المديرة اعذريني قالت المدرسة
كانها قليلة حطيت ألف بدال الخمسمية قالت المديرة أووووووووووووه معليش أثرك
أنتي جواهر والله اني آسفه غلطت يوم تنفست المدرسة وقالت الحمد لله يعني
بتاخذين الفلوس المهم اخذتها المديرة ...

ودخلن بقية المدرسات حتى ال 23 والمديرة تلعب باعصاب كل وحده
وفي النهاية تاخذ الخمسمية .

المهم بقي مدرسة وحدة فقط ماجت يوم اتصلن عليها المدرسات هاه
وينك يا استاذه قالت والله اني تعبانه وماني جايه . قالت المدرسة الغايبة : هاه
من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل
المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي
) وقالن المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحده
مبسوطة انها مهي هي وبدن يسمن على المدرسة ال 24 عشان ماتنصدم .

دخلت المدرسة الأخيرة غرفة المديرة وحطن باقي المدرسات ايديهن
على قلوبهن وحطت المدرسة الخمسمية على الطاولة وضفتها المديرة .

يوم طلعت لقنها عايدية وماصار شي وفلوسها أخذتها المديرة .

قالن يابنات فيه وحده منكن ماخذت المديرة دراهمها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات
تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا
والله لا تزوجت ولا شي لين الحين عزوبية ووالله كنت مريضة هاليومين . ولكني
اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله
لأدفعكن 500 ريال نصلح المصلى ونشتري مصاحف وقف للمسجد .

بعد ماخلصنا وش رايكم ب المدرسات اللي فوق ؟

تحياتي لكم .. من صندوق البريد ..

[بو فهد]

الصلاة تبي تقبل إن شاء الله بمسجد ميدد ولا ما يدد ... لكن الرجل وين يلقى يا حسرة

>> نوير فهد

[ريماس]

هلا نوير الرجال منثرين بكل مكان اقرب سيكتون يصيد احلى عصفور ..

[بو فهد]

المشكلة يا ريسوس ان ماعندي سيكتون

>> للحين نوير فهد

[ريماس]

ريسوس ..

خلاص اجل لا تصيدين مو لا زم ..
تتوقعين ردت فعل المدرسات غباء ؟

[بو فهد]

المشاركة الأصلية بواسطة ريماس

ريسوس ..

عجزت القا اسم لريماس مثل نورة = نوير لذلك لعبت بكم حرف وطلع معي هالاسم

خلاص اجل لا تصيدين مو لا زم ..
تتوقعين ردت فعل المدرسات غباء ؟

يروح المال ولا يطير الرجل , بخصوص انه غباء ماادري وش معنى غباء بالظبط .

والله عشتي جو نوير

[ريماس]

المشاركة الأصلية بواسطة عبدالله فهد

يروح المال ولا يطير الرجل , بخصوص انه غباء ماادري وش معنى غباء بالظبط .

والله عشتي جو نوير

المال امر مفروغ منه والرجل لازم يطير من نفسه ويرجع من نفسه لانه مايتحمل القفص ,
اما الغباء .. غباء اني ادفع 500 علشان اعرف اذا متزوج او لا ..

[بو فهد]

المشاركة الأصلية بواسطة ريماس

اما الغباء .. غباء اني ادفع 500 علشان اعرف اذا متزوج او لا ..

طيب إذا صار عندك مرض يتعبك وقالوا لك علاجه ب 500 ريال تدفعينها ولا لا ؟

[ريماس]

المشاركة الأصلية بواسطة عبدالله فهد

طيب إذا صار عندك مرض يتعبك وقالوا لك علاجه ب 500 ريال تدفعينها ولا لا ؟

هذا سوالك والا سوال نوير ؟

ماقد مريت بهالموقف بس لو بخمن اتوقع بدفع ..

لكن اذا بربط السوال بالموضوع لا ماادفع ..

[بو فهد]

لو انا وحده من المدرسات ادفع 500 ريال واشتري راحتي وارتاح من الارق والاضطرابات النفسية اللي بتسببها الحيرة والشك وآلخ زود على ما نملك من امراض نفسية مانعرفها وانام مع زوجي مرتاحه وخل الناس يقولون عني غبيه

>>> لا يهمك متآثر بمسلسل هاوس

[ريماس]

المشاركة الأصلية بواسطة عبدالله فهد

لو انا وحده من المدرسات ادفع 500 ريال واشتري راحتي وارتاح من الارق والاضطرابات النفسية اللي بتسببها الحيرة والشك وآلخ زود على ما نملك من امراض نفسية مانعرفها وانام مع زوجي مرتاحه وخل الناس يقولون عني غبيه

>>> لا يهمك متآثر بمسلسل هاوس

على اي قناه هالمسلسل ومتى يعرض ؟؟

* أرد الضربه بضربه ولو فيها كسر للجره ..

دائماً الزوجه تحس بتغيير زوجها ولكن تختلف ردات الفعل اتجاه هذا الاحساس من وحده لوحده
أؤمن بالحاسه السادسه , ولا اعترض على تعدد الزوجات ولكن لماذا يخفي الرجل زواجه عن زوجته الأولى ؟ ولماذا يضعها امام الامر الواقع بزوجته الاخرى ؟

هل ياترى هذا حفاظاً على مشاعر زوجته !!

[بو فهد]

على اي قناه هالمسلسل ومتى يعرض ؟؟

اشوفه يجي على الشو تايم ( الموسم الثالث )| ... والظاهر دبي ون تعرض الجزء الثاني - وصلوا الحلقة 18 أو 19 الموسم الرابع على النت . انا احمل المسلسلات بعدين اشوفها دفعه وحده على الكمبيوتر , أهم شي لايفوتك المسلسل هذا متآكد انه بيعجك House M.D

دائماً الزوجه تحس بتغيير زوجها ولكن تختلف ردات الفعل اتجاه هذا الاحساس من وحده لوحده
أؤمن بالحاسه السادسه , ولا اعترض على تعدد الزوجات ولكن لماذا يخفي الرجل زواجه عن زوجته الأولى ؟ ولماذا يضعها امام الامر الواقع بزوجته الاخرى ؟

هل ياترى هذا حفاظاً على مشاعر زوجته !!

لا ما اتوقع دامه يبي يحافظ على مشاعر زوجته ليش يتزوج من الاساس ؟ انا اشوف ان ماعنده الشجاعة الكافية إنه يصدق مع نفسه قبل ما يصدق مع زوجته الاولى .

[ريماس]

المشاركة الأصلية بواسطة عبدالله فهد

اشوفه يجي على الشو تايم ( الموسم الثالث )| ... والظاهر دبي ون تعرض الجزء الثاني - وصلوا الحلقة 18 أو 19 الموسم الرابع على النت . انا احمل المسلسلات بعدين اشوفها دفعه وحده على الكمبيوتر , أهم شي لايفوتك المسلسل هذا متآكد انه بيعجك House M.D

بدور عليه ..


لا ما اتوقع دامه يبي يحافظ على مشاعر زوجته ليش يتزوج من الاساس ؟ انا اشوف ان ماعنده الشجاعة الكافية إنه يصدق مع نفسه قبل ما يصدق مع زوجته الاولى .

برافووو عليك ياشطوووور ..

[بو فهد]

اخوي حسين عمره 4 سنين استحي اقول له شطورر والله ان يعطيني كف

[ريماس]

المشاركة الأصلية بواسطة عبدالله فهد

اخوي حسين عمره 4 سنين استحي اقول له شطورر والله ان يعطيني كف

اوف اوف اوف وليه الكف ؟؟

هو لها معنى عندكم غير معنى الشاطر اللي ينجح بالمدرسه ؟؟