|
#31
07-09-2008, 02:36 AM
| ||||
| ||||
| مذكرات زوج سعودي(43) رحلة ماليزيا هدأت ألأمور بعد عاصفة الكيماوي ويبدو ان النوم بدأ يهاجم أبو سليمان وعياله فوجدت أنه من المفيد صب بعض الزيت علي النار الهادئه..سألت ..إلا وش صار علي موضوع أرض البندقيه يابو سليمان..رد ألشحط بقرف واضح...الموضوع في ألأماره هالحين..وشكلو لجنه تدرس الموضوع....وعاد الصمت من جديد..فوجدت انه لابد من صب الكثير من الزيت لإشعال الفتنه النائمه ...قلت جزاني الله خير...سبحان الله...يوم طلعت دعايتهم بالجرايد أتصل علي أبو مهند...تعرفه يابوسليمان...قال لا والله ما عرفه...قلت إلا يارجال إلي يشتغل في سابك...قال لا والله ما عرفه...طبعا هو مايعرفه لأني توي مخترعه...قلت سبحان الله أتصل وقالي..إن أم عياله عندها مائه ألف...وإنه يفكر يحطها لها في أرض البندقيه وسألني وش رأي...قلت له مجنون لو حطيت قروش (الضعيفه) في هذا المشروع... إلا إذا ودك تطير قروش (المسكينه)..قال لا والله ماعندي أغلي من أم مهند.. طيب وش الدبره يا أبو فهد قلت ..هي قروشها جاهزه...قال عندي في حسابي ..قلت إنقز للبنك هالحين واشتر بها كلها أسهم جيزان الزراعيه ولا تبيع الين أقول لك...والله يابو سليمان أنه بعد أربع أو خمس أيام متصل يقول وصلت ميه وخمسطعش ..أبيع... قلت لا تبيع وبعد ثلاث أسابيع باعها بميه وسبعه وستين الف وخمسمية ريال يقول إن ام عياله أنهبلت من الفرح وما غير تدعي لي في كل صلاه الله يجزاها خير...قالت أم سليمان في حرقه واضحه...وغضب دفين (إحتمال يطلع الليله) والله إني قايله له شاور أبو فهد.. شاور أبو فهد...لكن الله يهديه (هي تقصد الله يحرقه بس قدامي تقول كذا) ما أدري وش ألي رده...قال أبو سليمان بصوت متهالك والله أنا قلت أبو فهد مشغول وما عنده وقت لمثل...قاطعته..وقلت لا والله انا دايم فاضي ولو الله أراد وعلمتني كان قلت لك حطها بجيزان الزراعيه ونام...يا الله ..معليش ما ألله أراد...وخيرها في غيرها...ردت ام سليمان وين غيرها يابوفهد كل القروش حاطينها في البندقيه...قلت بكل حب وموده.....الله يخلف عليكم.........................يتبع
__________________  XX +3: 07:48 AM. 05-10-2008  |
|
#32
07-10-2008, 04:25 PM
| ||||
| ||||
| مذكرات زوج سعودي(44) رحلة ماليزيا ساد الوجوم ألأجواء ونحن نقترب من كولالمبور..قلت شوفو العمارتين الي هناك هذي ثالث أعلي مبني في العالم..لم يرد علي أحد ..ويبدو أني وترت الجو أكثر من ما توقعت والظاهر إن موضوع جزر البندقيه من الملفات الساخنه جدا عند أسرة أبو سليمان.وصلنا للفندق ولاحظت ان لغة الكلام تعطلت بين ام وابو سليمان ويبدو والعلم عند الله ان هناك شحنه قد تكونت وتحتاج الي تنفيس عن طريق هوشه محترمه..قمنا بعملية التسجيل وكأن علي رؤسنا الطير...سألت وبراءة ألأطفال في عيني...وش فيكم مكتمين قال أبو سليمان لا ما فيه شي..بس تعرف تعب الرحله...قلت اشوا...طلعنا ألي شققنا ودخلت أم سليمان وعيالها الي شقتنا للسلام وتوجهة مع أبو سليمان ألي شقتهم...ولم ينطق الرجال حرف واحد ..وبعد دقائق معدوده جائت أم سليمان..حاولت ترطيب الجو..قلت ها ..لا تنامون ..ترا غداكم عندنا اليوم..لم يرد أبو سليمان..وقالت أم سليمان..لا الله يسلمك نبي ننام وما ندري متي نقوم قلت في نفسي وين تنامون يا أم سليمان المعركه قايمه قايمه..وألقيت نظره فيها حب وحنان علي أبوسليمان..قلت طيب أنا أستأذن ..نومة العافيه إن شاء الله...لم يرد أبو سليمان...دخلت إلي شقتي ..ووجدت حرمنا المصون تنتظرني عند الباب مستشره قالت وش فيه...قلت خير وش فيه...قالت.. أختي وجهها مقلوب.. وش أنت قايل في الطريق.. قلت أبد ما غير أهلي وارحب من المطار للبيت...يا بنت الحلال ما فيهم إلا العافيه...هذا أكيد تعب الرحله والطريق ..قالت..أنا داريه سكوتك طول ها المده وراه شي لكن هين بكره ابي أعرف..أوف أنا ابيها تقب هناك مهوب هنا...قلت ..ها لحين بدل ما تقولين شكرا ..رايح للمطار وجايبهم وأهلي وأرحب ..وهذا جزاي...لم ترد...دخلت ألي غرفة ألنوم وصفقت الباب...أشعلت سيجاره...وجلست أفكر في خطه دفاعيه للغد...................................ي تبع
__________________ XX +3: 07:48 AM. 05-10-2008 عُدلت بواسطة بو فهد; 07-15-2008 الساعة 11:28 PM |
|
#33
07-15-2008, 11:28 PM
| ||||
| ||||
| مذكرات زوج سعودي(45) رحلة ماليزيا وضعت حرمنا المصون الغداء وهي معفوسة الوجه وكنت مخطط أني أمثل دور الزعلان الي أنسدت نفسه عن ألأكل وهو من ألأساليب الفعاله..لأن بعلتنا يؤنبها ضميرها إذا تسببت بحرمان أحد من ألأكل وأنا وأولادي ألأعزاء نعرف نقطة ضعفها هذه ونستغلها دائما..ولكن المشكله الغداء كبسه وأنا جوعان..والدجاج محمر بالفرن وشكله لايقاوم...فقررت إستخدام أسلوب (التنغيص ) هو ان أتوقف في منتصف عملية المضغ وأدلدل حنكي التحتاني وأبحلق في صحن سلطه مع تعابير الشرود الذهني ثم أطلق تنهيده طويله ثم أعاود ألمضغ من جديد...ثم أعيد تكرار هذه العمليه للدلاله علي حجم المعاناه..وألألم الذي أشعر به..وقد تم إنجاز المهمه...ووصلت الرساله لها وبقي نشوف ردت الفعل... بعد ما أعلمها الروايه ( الحقيقيه) لما حصل في الطريق من المطار...دخلنا غرفة النوم وأشعلت سيجارة بعد الغداء وهي للمعلوميه ثاني أحب سيجاره عندي...طبعا أحب سيجاره هي التي تأتي مباشرتا بعد عملية (التهميز) وفي روايه (الأحيه) ...قلت ..أنا جلست أتذكر مشوارنا من المطار للبيت...وراجعت كل الي انا قلت..ما لقيت إن فيه شي يزعل ..الا ان كان موضوع أرض جزر البندقيه...وأنا والله ما كان قصدي شي فقط سألت أبو سليمان وش سوي في الموضوع..لا أكثر ولا أقل ....لا ..لأ أستغفر الله..وبعد قلت علي واحد أسمه أبو مهند...أنه سألني عن الموضوع وقلت له حط قروشك في جيزان الزراعيه....قالت منهو ابو مهند ..قلت هذا واحد أعرفه من زمان..أيام الشركه...ما دري من قاله إني خبير في ألأسهم..وحب ياخذ رأي...بعدين..طول الطريق وأبو سليمان مسفهل...ويتكلم علي أسعار الخضار...تصدقي يقول سعر صندوق الطماط..صار الطاق مطبوق ...أبتسمت وقالت..من وين جبت..الطاق مطبوق..قلت من أبو سليمان واضفت..ايه يا شيخه أبتسمي ووسعي صدرك...وتري عشانك ..عين فراش وعين غطا لهم ولعيالهم..لا تسيئ الظن...إن بعض الظن إثم..سكتت لحظه ثم قالت ..والله ما أدري عنك..مير يصير خير...قلت طيب ما فيه شي نهضم فيه الكبسه..قالت ..نم ها لحين وبالليل يصير خير ترا العصر نبي نروح لتشاينا تاون..قلت طيب والجماعه يمكن يقومون..قالت لا مهم قايمين الا بعد تسعه..ويمدينا نروح ونجي..قلت علي بركة الله..طفي النور.......................يتبع
__________________ XX +3: 07:48 AM. 05-10-2008 |
|
#35
08-03-2008, 09:34 AM
| ||||
| ||||
| مذكرات زوج سعودي(46) رحلة ماليزيا صحيت العصر علي صوت صياح وهواش ولجه..خرجت من غرفة النوم بسرعة فوجدت معركه حامية الوطيس بين جود ومشعل..أندفعت جود في أتجاهي وهي في قمة التعصيب.. يابابا شوف الزفت هذا وش سوي قلت..خير ..خير..وش سوي..قالت..زغل في قارورة مويه وحطها في الفريزر علي ايسكريمي..التفت ألي ألأبن العزيز مشعل..وكان يضع يديه خلف ظهره في إستسلام وأثار الدموع في عينيه..ينتظر قضاء الله وقدره...وجلست أتأمله..هو صحيح اذانه كبار لكني تو الي لاحظت إن رأسه أكبر من المعتاد بالنسبه لسنه .. ودار في خاطري تساؤل وأنا أنظر أليه..هل من يقف أمامي هو مشروع عبقري في الكيمياء الحيويه ..هل ممكن اني الان أناظر أول سعودي يفوز بجائزة نوبل في الكيمياء ..أم هو مجرد مشروع دلخ كبير مثلي..وبعد تفكير لم يطول وجدت أنه أقرب للدلاخه من العبقريه...ولكني تمسكت بالأمل الضعيف في ان يكون مشروع عبقري..ألم يقل الله سبحانه وتعالي..ويخرج الحى من الميت.. فماهي بعيده علي الله جلت قدرته انه يخرج العبقري من الدلخ ...قلت لمشعل تعال وتوجهت ألي غرفة النوم وهو يتبعني...قلت ليش يابابا سويت كذا..قال..أبي أشوف وش يصير ..نظرت ألي وجهه كان خلطه من الدلاخه والبراءه.. قلت وش تتوقع انه يصير..قال حماه الله من عيون الحاسدين والحاسدات ابي اشوف هو يصير ثلج ولا لا..قلت شف يامشعل أنا مبسوط إن عندك الرغبه في الأكتشاف. .وترى كل العلماء الكبار كانو مثلك يومهم صغار يجربون كل شي ..لكني زعلان لأن المفروض إذا كان ودك تسوي تجربه علميه علي زغولتك إنك تقولي أو تقول لماما..وأنا ها المره بسامحك..بس شف اي شي تبي تسويه علمنا أول..بعدين ابيك تروح تحب راس جود وتعتذر منها..بس خلني أكلمها أول..جائت جود..وبادرتني قائله ..يابابا هذا مقرف وانت مدلعه كثير وما تعاقبه ابد..قلت يا جود مشعل صغير..قاطعتني ..قائله ..صغير؟؟ هذا الحمار كله صغير..أسمح لي يابابا (جملتها المفضله)قلت اسمعي هو راح يحب راسك ويعتذر لك..قالت ولا يقربني هذا المقرف..قلت عشان خاطري قالت..عشان خاطرك يقولي اسف من بعيد وخلاص..وفي الحقيقه إن الأبن العزيز مشعل مقرف فعلا..فهو مثلا ما يضغط السيفون بعد ما يعملها..وإذا دخلت جود بعده فالنتيجه معركه حاميه ودائما يحلف مشعل انه ما هوب هو مع اننا كلنا نعرف انه هو الي عملها ومن عاداته العجيبه..انه ما يسدد إذا زغل علي وسط الكرسي رغم إني أعطيته دوره تدريبيه (نظري وعملي) بل يقوم بحركه دائريه علي كرسي الحمام وما حوله..مما جعلني أفكر أنه يمكن يطلع جندي أطفاء..وطبعا النتيجه إن حرمنا المصون تدبغه وجود تدبغه وفهد يدبغه..ولكن يعجبني فيه صموده..وعندما كان أصغر..كان يستغرق في لعبة البلاي ستيشن لدرجة انه يعملها علي نفسه..ولازلت أذكر منظره وأمه ماصعه أذنه وتجره للحمام وهو يصيح ويقول...والله ياماما ..أقسم علي كتاب الله إني أحسبها طقعه..والله والله.........................يتبع المصدر
__________________ XX +3: 07:48 AM. 05-10-2008 |
|
#39
08-30-2008, 12:45 PM
| ||||
| ||||
| اقتباس:
__________________ XX +3: 07:48 AM. 05-10-2008 |
 |
| الإشارات المرجعية |
| الوسوم |
| ماليزيا, مذكرات, مذكرات زوج, مذكرات زوج سعودي |
| أدوات الموضوع | |
| طريقة العرض | |
النمط المتتابع
| |
| اشتراك في قروب الديوانية |
الساعة الآن +3: 05:46 AM.
SEO by vBSEO 3.2.0